|
#1001
27-09-2010, 06:38 PM
|
||||
|
||||
رد: أدب الرحلات
احنا بنكمل بعض زي ما بيقول 
__________________
حـازم خـضـر
|
|
#1002
27-09-2010, 06:55 PM
|
||||
|
||||
رد: أدب الرحلات
بنتين دا غير المدام بتاع ميكروباص دمياط شكلك كده سااااااحر 
__________________
حـازم خـضـر
|
|
#1003
27-09-2010, 10:33 PM
|
||||
|
||||
|
رد: أدب الرحلات
ولاساحر ولاحاجة بس الحكاية انهم يظهر بيدورو على اللى ف حاله وينكشوه
وبعدين ياابن الايه انت لسه فاكر بتاعة دمياط ده انا نسيتها ياراجل
|
|
#1004
28-09-2010, 12:24 AM
|
||||
|
||||
|
رد: أدب الرحلات
انت نسيتها انا مش بنسي الحاجات دي ابدااااااااااااا
ههههههههههه
__________________
حـازم خـضـر
|
|
#1005
28-09-2010, 12:59 AM
|
||||
|
||||
|
رد: أدب الرحلات
قهوة العمال
وكنا فى رمضان وكنت فى اسكندرية وقبل الافطار بساعتين على الاقل لابد ان ازوغ من عند اخر زبون ولا اذهب لغيره لكى لايحرج ويعزمنى على الأفطار وكنت سأذهب لزبون بعد الافطار مباشرة بجوار محطة قطار باكوس (اسمها السوق وليست باكوس)ونزلت من القطار ولانه بجوار المزلقان مباشرة تخفيت وراء زحام الناس وعبرت على الجانب الأخر واشتريت قطعتين كورواسون وزجاجة مياه معدنية وبحثت عن مقهى ومشيت بجوار سور القطارفى اتجاه سيدى جابر ولكن غرب السكة الحديد المكان مظلم وموحش ومحلات مغلقة ثم لمحت اضواء من بعيد ووصلت اليها ووجدت محل عصير قصب سأ لته عن قهوة قريبة فقال / بعد 4 محلات على الشمال اشكرك العفو ياباشا وذهبت الى القهوة ولكن وجدت مفا جأة فى انتظارى مقهى حقير جدا وقذر جدا ووجدت عليه مجموعة من العمال الصعايدة قرايبى وباين جدا من وجوههم انهم عمال بناء الجميع بلا استثناء يرتدون جلاليب وعمائم مليئة بالتراب والجير وتخيلت المنظر لو دخلت المقهى بمكنسة كهربائية عملاقة او بمروحة عملاقة ستقوم عاصفة ترابية تغطى منطقة باكوس كلها ودخلت الى المقهى ونظرات الجميع تطاردنى وكأنى كائن هبط من كوكب المريخ وتحس كأنى راكن مكوك الفضاء باكوس 5 (على وزن تشالينجر 5 ) امام المقهى وحين حاولت الجلوس على الكرسى وجدته عبارة عن كرسى قاعدته قش والترابيزة عبارةعن طقطوقة المونيوم بتاعة زمان وكلها اشياء انقرضت ثم حين حاولت الجلوس وجدت الجير والتراب يملئان الكرسى والطقطوقة فأخرجت منديلا ورقيا ومسحت به الكراسى والطقطوقة وكان هذا التصرف مثار استهجان واستهزاء من الجميع واحسست كأنهم يقولون / ايه اللى جاب ابو منديل ورق ده عندنا ثم كانت الطامة الكبرى حين اخرجت الكورواسون لكى افطر بعد صيام اليوم ولمحت نظرات من الدهشة واحسست انهم سيفترسونى بنظراتهم كل واحد جايب شوية ساندوتشات فول وطعمية وبدنجان وانا جايب كورواسون وميه معدنيه وجائنى العامل / تشرب ايه ياباشا شاى كشرى عليه 4 معالق شاى واندهش وقال / انت هتشرب الشاى ده ؟؟؟ ايوه بس ده صعيدى مهو انا صعيدى باندهاش وباستياء وبصوت غليظ / ولا تشبه لهم هما الصعايدة ليهم شبه معين بغباء عالمى وبصوت يشبه على الشريف فى فيلم المتسول / شايف البنى آدمين دى آه هما دول الصعايدة وانت مش شبههم باستهزاء واستنكار /لا ياشيخ وحبــيـت اغيظه انت تعرف الخنفشار ؟؟؟ مين؟؟؟........أيه؟؟؟ الخنفشااااااااار و ده يطلع ايه ان شاء الله ؟؟؟ اهو أقل واحد من دول لو سألته هيعرف يعنى ايه خنفشار بغباء / ويعنى انت جبت التايهة ؟؟؟؟؟؟ ونظرت اليه نظرة من بتوع يونس شلبى فى المشاغبين / طب ايه هو ؟؟؟ فرد بغيظ / هتشرب حاجة غيرالشاى ؟؟؟؟ فقلت / لأ وشربت الشاى وانا خارج وجدت كل العيون تطاردنى ونادى عليا احدهم بلهجة صعيدى / يا استاذ ...يا أستاذ نعم يعنى مطلبتش حد ؟؟ حد زى ايه ؟؟؟ انفار وانت عندك انفار؟؟؟ كل دول (و أشار اللى كل الموجودين ) طلبى مش هنا مين جال اكده؟؟ (مين قال كده) انا كيف ؟؟ ولكى اتخلص من هذا الباحث عن عمل بالأكراه قلت له / عندك انفار تلم الدودة؟؟؟ واندهش لكنه كان ذكيا او احب ان يزنقنى و...رد سريعا / عندى وبصراحة اتفرست وتمالكت نفسى امامه وسـأ لته / دودة القطن ؟؟؟ بثقة / طبعا اومال ايه ؟؟ هخلص من ده ازاى ؟؟؟ تتصرف كيف ياعبد الرحيم... تتصرف كيف ياعبد الرحيم.....تتصرف كيف ياعبد الرحيم وخطرت لى فكرة طيب انا عندى 50 فدا ن فى النوبارية هتقدرو تيجو هناك نيجى طيب احنا مش بنحاسب باليومية اومال الحساب كيف بالحتة (بالقطعة ) كيف يعنى؟؟ يعنى الدودة بشلن يعنى الالف دودة ب50 جنيه معجولة الكلام ده ؟؟؟ مش عايز....... خلاص ...... انت حر لا ياعم يفتح الله ماشى سلام عليكم وعليكم السلام ولم امشى 100 متر ونادى عليا يااستاذ....يااستاذ بقرف / نعم طيب خلى الدودة ببريزة  وبقمة الغيظ / اهو علشان فصالك ده الدودة بقرشين بغيظ / بجرشين؟؟ خليهالك هخليهالى و هعمل عليها شوربة كمان ومشيت بسرعة وبصراحة خفت احسن يوافق على الدودة بقرشين ويحرجنى ..... ولكن بعد شوية انفجرت ضاحكا ضحكا مختلطا بحزن على هؤلاء المساكين الذين يبحثون عن اى عمل وعن اى شىء يرتزقون منه ولله فى خلقه شئون التعديل الأخير تم بواسطة خالدخليفة ; 28-09-2010 الساعة 01:27 AM
|
 |
| أدوات الموضوع | |
|
|
ههههههههههههههههههههههههه هههههههههههه
