حيرتوني و احتار دليلي معاكم .. أرجو المساعدة من أصحاب الفيرنات الرقيقة

[Dr.Mustafa]

المشاركة الأصلية كتبت بواسطة tonsy1979 شوف يا دكتور درش الفيرنا افضل سيارة فى فئة ال70000 وحتى لو انتهت السنة دى فمافيهاش مشكلة لان الفيات انتهت من 30 سنة ولسة قطع غيارها منتشرة ورخيصة عكس عربيات لسة زيرو زى اللوجان والساجا وقطع غيارها نار ومش موجودة حتى فى التوكيل فالموضوع راجع لانتشار العربية وزى ما انت شايف زى الرز اما رأى الشخصى تسمع كلام جدو وتجيب فعلا يابانى لانه افضل من حيث التقفيل زى الانسر او صنى حتى لو قسط او تفكر فى الاوكتافيا مستعمل 2007 عربية فعلا متينة وثابتة وقطع غيارها معمرة جدا بس مش رخيصة

أنا معاك في ان الياباني حلو بس انا جربت المستعمل و معنديش اي رغبة اجربو تاني

عايز اركب زيرو بقى و الفيرنا حبوبة و شكلها ظريف اوي بالنسبالي
لكن لسه برضو خايف بالنسبة للتوكيل في المنصورة
انا عايز اعرف هيا عيوب التصنيع دي كتيره اوي يعني ؟؟

[Dr.Mustafa]

المشاركة الأصلية كتبت بواسطة memodina1 لية والله الفيرنا كويسة وحلوة وحكاية الثبات وكدة كلام والله العربية كويسة جدا جدا على 120 بعد كدة متهيقلى خطر عليك انما هتجيب عادى و200 لو عايز بس اخرها اية مثلا على السرعات العالية دى دقيقة بالكتييييييير وخلاص بتهدى عشان الطريق صدقنى والله الفيرنا كويسة

و الله لو على الثبات انا شايفها ثابتة لأن انا معايا تيريوس موديل 2000 الشكل القديم

عالية و رفيعة و زي الصرصار كده لو لفيت بيها بسرعة تيجي على جنبها

و بالنسبة للسرعة فأكيد انا اخري 120 و ممكن في دقايق محدودة في طريقي امشي 150

انما معنديش نية لأكتر من كده انا مش بحب السرعة أنا بحب التسارع يعني من 0 ل 100

و ده اللي عاجبني في الفيرنا

[Ahmed Salah ahmed]

والله الفيرنا عربيه محترمه لكن غبور الله يجازيه

دا انا سمعت ان الفيرنا الاوتوماتيك النهارده ب 82000

انا اشتريتها من سنه ونص ب 76250

هي في المجمل عربيه كويسه جدا

لكن انا ارشحلك BYD اوتوماتيك

عفشه تويوتا كورولا وموتور لانسر قطع غيار التويوتا كورولا شغاله معاها كويس

[tamerhassan]

الفيرنا بقالها معايا سنه ونص بسم الله ما شاء الله تحفه مفيش اعطال مفيش مرواح عند ميكانيكي انا جبتلها فانوس خلفي ب 75 جنيه ماليزي واكصدام خلفي 150 جنيه هاي كوبي تخيل

[Dr.Mustafa]

المشاركة الأصلية كتبت بواسطة Ahmed Salah ahmed والله الفيرنا عربيه محترمه لكن غبور الله يجازيه دا انا سمعت ان الفيرنا الاوتوماتيك النهارده ب 82000 انا اشتريتها من سنه ونص ب 76250 هي في المجمل عربيه كويسه جدا لكن انا ارشحلك BYD اوتوماتيك عفشه تويوتا كورولا وموتور لانسر قطع غيار التويوتا كورولا شغاله معاها كويس

شكرا لردك بس الاوتوماتيك مش خيار مطروح بالنسبالي

انا مقدرش على الاوتوماتيك
و ال BYD اخاف منها جدا

تبقى هيونداي ماركه ليها اسم اكبر و اعرق