شركة كايرو كاب "تاكسى العاصمة" بدأت تصفية أسطولها من السيارات

العربيات ديه هتلاقيها طالع عينها لف السنين اللي فاتت ديه كلها وانا بشوف اشكالها متهانه بطريقة وحشه جدا

خليك في المضمون احسنلك

لو فرق 10 الاف جنيه بينها وبين الملاكي يبقي خليك في الملاكي اضمن

[hazem_khidr]

تعالي نبص لها من زاويه تانيه
العربيه ب 40 الف اوك
لو جات و اتصرف عليها عشره الاف جنيه
(موتور استيراد و عفشه كامله و وش بويه محترم)
يعني تقف ب 50 الف او 55 الف لو غيرنا كراسي الصالون و عملنا فرش و كاوتش
مع شويه فوانيس و اكصدمات علشان تظهر العربيه
يبقي كده معانا عربيه بحاله قريبه من الزيرو
بس اهم حاجه
اساسيات العربيه تكون سليمه
يعني سدر و شنب و قوايم و شنطه فابريقه مافيش فيها قلم بويه
لو اساسياتها سليمه توكل علي الله
و بفرق الفلوس هتعمل منها عربيه محترمه

[asmar61]

السلام عليكم أساتذتى الأفاضل وشكرا على اهتمامكم
بالنسبة لحالة السيارات فأعتقد أنها جيدة وغير مهلوكة والفحص الفنى هو الفيصل
وبالنسبة لأماكن العرض فهى سفنكس وعبود
والشكر لكم مرة ثانية

[™Ķǻṙӗӗɱ]

المشكلة يا باشا ان العداد بتاع العربيات دى مش هيبقى اقل من 160-170 الف كيلو
يعنى كتير جداً
عموماً ربنا يوفقك

[devil_storm]

هو السعر رخيص قوى طبعا, يعنى ده كدة اقل من سعر الفيرنا و اللانوس نفس موديل السنة... بسى السعر مش كل حاجة لان اكيد العربيات دى متبهدلة و حتكون عاملة اكتر من 200 الف كيلو