البنات دى تستاهل تتسحل ولا لأ

[الصقر_الجارح]

مهما كان دول بشر ولا يستحقون السحل, ولكن أنا ضد قلة الأدب والتطاول على الجيش.

وبعدين هو ايه اللي منزلهم من بيتهم أصلا؟

[waelnado]

المشكلة الواحد فى حيرة مين صح ومين غلط بس اللى مقتنع بية حاجة واحدة مهما يحصل مصر مش هتقع ابدا دى محروسة من ربنا ومذكورة فى قرانة بالامن انا برضة متفائل

[dr_eslam_66]

حتى لو كانت ألفاظها خارجة على القانون فاليعاقبها القانون لا العسكري.
وإلا هنلاقي نفسنا في غابة لا يسودها إلى قانون العسكري بيسحل الي بيغلط.
مافيش بنيآدم في الدنيا يقدر يعلن أو حتى يفكر مابينة وبين نفسه إني فيه أي حد يستاهل السحل والمعاملة القذرة دي الي كلنا شوفناها.

[ramy01011]

و الله الواحد بجد مبقاش فاهم اي حاجة ولا مين الصح ولا مين الغلط
يعني لو الواحد حط نفسه مكان ضابط الجيش و لقي ناس جاية تهاجم عليه او علي المنشئة اللي بيحميها طبيعي هيدافع عن نفسه.
و في نفس الوقت انت لو شفت ضابط بيضرب حد قدامك بالوحشية دي هتبقي عايز تولع فيه

مين صح و مين الغلط الله اعلم و لك الله يا مصر

[abu_ruqayyah]

السلام عليكم ورحمة الله وبركاته
ربنا يصبرنا جميعا كمصريين
وخلونى اقول رأى الشخصي من غير تخوين والكلام دا لانى بجد مش هخاف حد يهاجمنى لانى معارض وهقول اللى يرضي ضميري
وبجد كل اللى بيحصل دا مش عاجبنا كلنا ولا فى واحد بس راضي عنه
ومسألة العنف المفرط و ضرب المتظاهرين دي مشكلة كبيرة جدا
وبرضو حرق المنشأت وتاريخ مصر مسألة ما ينفعش يتسكت عليها ولازم لازم لازم نعرف مين اللى وراها
وضرب البنات دي لاهى من اخلاق المسلمين ولا من اخلاقنا كمصريين ولو كان الجيش ضرب بنت يبقي اخطأ وعليه لوم طبعا لكن للاسف احنا سمعنا من طرف واحد بس والطرف التانى لأ ....عموما عموما انا مش مع اللى الجيش بيعمله لكن ليا سؤال :

هل فى حد مننا يسمح لأخته انها تبات بره البت اكتر من شهر وبترجع تغير هدومها وتنزل تانى ؟! هل فى ؟!
(كانت الدكتورة غادة من حركة 6 ابريل قالت كدا يوم ما اتضربت وطبعا على حد كلامها فالظابط كدا يبقي اخطأ ....لكن ليه احنا بناخد كلامها مصدق 100 % وبشكل قاطع ؟! هل هى نبي ؟! او ملاك من السماء؟! دا حتى كلام الملائكة مش كل البشر مصدقاه .....
وافتكرت كدا لقطة من فلم محامى خلع لما الواد اتفرج على مرات عبد الرحمن ابو شقفة وهى قالعة قدام الترعة ...طيب لو كانت مراته احترمت نفسها او بتخاف على نفسها او حتى ليها حد يخاف عليه كان هيتعمل فيها كدا !!
انا شخصيا ما اقبلش ان امى يتعمل فيها كدا او مراتى او اختى او بنتى وماحدش يضحك على نفسه زيادة عن اللااااااااااااااام ويسأل نفسه كدا لو مراته او اخته قالتله انا نازلة التحرير هيقولها ايه !!!!


كمان فى حاجة اخيرة للناس المناضلين ...

عمرنا ما قرينا فى التاريخ ان مصطفى كامل اتسمم من سندوتش حواوشى
عمرنا ما قرينا فى التاريخ ان احمد عرابى كان من الالتراس بتاع نادى المحتل
عمرنا ما قرينا فى التاريخ ان جيفارا اتعالج فى صندوق مصابي الثورة
عمرنا ما قرينا فى التاريخ ان الشيخ عمر مكرم لعب كورة أمام مبنى رئاسة الوزراء
عمرنا ما قرينا فى التاريخ ان هدى شعراوى نامت فى خيمه فى الشارع مع شباب
عمرنا ما قرينا فى التاريخ ان سعد زغلول اعتصم فى التحرير او قدام وزاره الدفاع او الداخليه
عمرنا ما قرينا فى التاريخ ان مصطفى النحاس رمى ملوتوف على منشئه حكوميه
(الكلام منقول للأمانة وفعلا زمان كان فى حاجة اسمها احترام )