يعني ايه توكيل مفتوح او مقفول وما الفارق؟؟؟!!!

[ايمن عبدالحميد]

التوكيل المفتوح هو الذى يعطى فية الموكل ( البائع) الحق للوكيل ( المشترى ) فى تجديد الرخصة مرة او مرات اخرى بإسم الموكل ( البائع) يعنى بالعربى هيفضل يجدد الرخصة بإسم سيادتك ومينقلش العربية بإسمة ابداً مما يحملك مسئوليتها كاملة وعلى سبيل المثال لا الحصر : فى حالة قيامة بصدم احد المارة سيتم عمل المحضر باسم المالك فى حالة عدم القبض على قائد السيارة ، ما لم تكن حضرتك ناصح وفاهم وبتسأل متخصصين وبما انة تخصصى فحضرتك اولاً لازم تعرف ان التوكيل المقفول عكس المفتوح وبيتكتب فية صراحة ولا يجوز لة تجديد الترخيص ، وثانياً وفى كل الاحوال سواء مفتوح او مقفول او بعقد مسجل حضرتك هتروح الشهر العقارى ، قوم اية بقى "على رأى العمدة سليمان غانم فى ليالى الحلمية " تاخد اقرار استلام موثق فى الشهر العقارى محدد فية تاريخ وساعة ودقيقة وثانية استلامة السيارة : قوم اية ؟ تبقى انت برائة حتى لو لغمها وفجرها فى ميدان الجرجير
تحت امرك يا باشا دعواتك بقى يا برنس لأخوك بالتوفيق والبركة فى الاولاد والأموال
( لما تيجى يعنى)والسلام عليكم

المشاركة الأصلية كتبت بواسطة ايمن عبدالحميد التوكيل المفتوح هو الذى يعطى فية الموكل ( البائع) الحق للوكيل ( المشترى ) فى تجديد الرخصة مرة او مرات اخرى بإسم الموكل ( البائع) يعنى بالعربى هيفضل يجدد الرخصة بإسم سيادتك ومينقلش العربية بإسمة ابداً مما يحملك مسئوليتها كاملة وعلى سبيل المثال لا الحصر : فى حالة قيامة بصدم احد المارة سيتم عمل المحضر باسم المالك فى حالة عدم القبض على قائد السيارة ، ما لم تكن حضرتك ناصح وفاهم وبتسأل متخصصين وبما انة تخصصى فحضرتك اولاً لازم تعرف ان التوكيل المقفول عكس المفتوح وبيتكتب فية صراحة ولا يجوز لة تجديد الترخيص ، وثانياً وفى كل الاحوال سواء مفتوح او مقفول او بعقد مسجل حضرتك هتروح الشهر العقارى ، قوم اية بقى "على رأى العمدة سليمان غانم فى ليالى الحلمية " تاخد اقرار استلام موثق فى الشهر العقارى محدد فية تاريخ وساعة ودقيقة وثانية استلامة السيارة : قوم اية ؟ تبقى انت برائة حتى لو لغمها وفجرها فى ميدان الجرجير تحت امرك يا باشا دعواتك بقى يا برنس لأخوك بالتوفيق والبركة فى الاولاد والأموال ( لما تيجى يعنى)والسلام عليكم

بارك الله فيك ولك
في اولادك واموالك ( لما تيجي بس ماتنساش نصيب اخوك من اللي هاييجي...هههههههههه)

[ya_broker]

طب يا جماعه انا حاصل معايا الموضوع ده من 5 سنين و بعت عربيتى بتوكيل مفتوح و عرفت ان العربيه لسه باسمى و مش عارف اعمل ايه (انا معايا عقد من بتاع المكتبات و مكتوب على ظهر صورة التوكيل استلام العربيه بالساعه و التاريخ) تنصحونى بايه؟

[walidelmorsi]

كدة على ما فهمت من الينك انة يجب على البائع ان يعمل تنازل فى الشهر العقارى ويخلى مسئوليتة.

[سامح اد]

الاخ العزيز التوكيل المفتوح هو توكيل يعطى الحق للوكيل ببيع السياره موضوع التوكيل لنفسه اوللغير وتوكيل الغير فى البيع اوتوكيل شخص اخر بعمليه البيع كما يجوز له التجديد والترخيص والتعامل مع المرور وتجديد الرخصه مره اخرى باسم المالك الاصلى للسياره الصادره باسمه رخصه تسير السياره المباعه
اما التوكيل المقفول هو بيع للنفس او للغير فقط وفى هذه الحاله المشترى الثانى لابد ان يكون البيع بعقد بيع مسجل ولايجوز التوكيل ولايجوز للوكيل الاول تجديد اوترخيص السياره باسم المالك الصادره باسمه رخصه تسير السياره المباعه
وممكن ان يكون التوكيل مفتوح ولكن لايجوز فيه التجديد والترخيص جميع صلاحيات التوكيل المفتوح دون الترخيص فقط وهذا النوع يرضى الطرفان
الله الموفق
اخوك / سامح محام بالاستئناف العالى ( هاوى سيارات )