اعمل ايه..مشكله كبيره وربنا يستر

[sad-bird]

المشاركة الأصلية كتبت بواسطة xabi المشكله ياباشا مش انى اطلع نسخه تانيه...المشكله ان المفاتيح ممكن توقع فى ايد اى حد..ده اللى انا خايف منه..طب مفيش اى طريقه او زرار ممكن اعمله عند الكهربائى بحيث مايشغلش العربيه الا لما اضغط على الزارار ده...

اقرأ كلامي كويس
انا قلتلك لغايه الصبح علشان تدور في النور وتعرف تغير الكالون لو هتغيره
مقولتش تعمل نسخه تانية

المشاركة الأصلية كتبت بواسطة sad-bird ملهاش حل غير انك تقعد فيها للصبح او تعمل نوبة حراسة مع حد كل واحد ساعتين لما النهار يطلع تدور مكان ما كنت بتتحرك تشوف المفتاح لو ملقتهوش يبقى مفيش مفر لازم يتعمل غيره

غيره يعني كالون تاني وتغيير المفتاح مش نسخة من اللي ضاعت

لو عاوز تفصل الكهرباء دلوقتي ممكن تفك البطارية
لكن لو حد اخده وناوي على اذي
مش هتفرق معاه بطارية
ما العربيه كلها معاه

[xabi]

ربنا يسهل الصبح وادور عليه..والف شكر لحضرتك

[hazem_khidr]

الاول العربيه نوعها ايه
يعني من السهل تغيير المفتاح ولا فيها ايموبلايزر و حيتكلف كتير تغييره.

اسلم حل دلوقتي تشيل كابلات البوجيهات و تخليها معاك و تنام مطمن ان محدش حياخد العربيه
و بكره الصبح لو العربيه موديلها قديم نسبيا
تروح لواحد بتاع كوالين يفك الكوالين كلها و يغير الخريطه بتاعها و يعمل لك مفتاحين جداد
و تروح لكهربائي يعمل لك مفتاح واحد شده تركبه في مكان مخي يفصل الكهرباء عن العربيه
بس يكون كهربائي نضيف و فاهم علشان ما يبهدلش العربيه

[حسام البورسعيدى]

مفيش قدامك غير انك تغير الكوالين ..

ولو العربية حديثة وفيها ايموبلايزر او حتى ريموت (بتاع الفبريكة) يبقى يستحسن تروح للتوكيل ...

[xabi]

المشاركة الأصلية كتبت بواسطة hazem_khidr الاول العربيه نوعها ايه يعني من السهل تغيير المفتاح ولا فيها ايموبلايزر و حيتكلف كتير تغييره. اسلم حل دلوقتي تشيل كابلات البوجيهات و تخليها معاك و تنام مطمن ان محدش حياخد العربيه و بكره الصبح لو العربيه موديلها قديم نسبيا تروح لواحد بتاع كوالين يفك الكوالين كلها و يغير الخريطه بتاعها و يعمل لك مفتاحين جداد و تروح لكهربائي يعمل لك مفتاح واحد شده تركبه في مكان مخي يفصل الكهرباء عن العربيه بس يكون كهربائي نضيف و فاهم علشان ما يبهدلش العربيه

شيفروليه افيو2008