خبير امنى : مصر تتعرض لمؤامرة بعد 4 محاولات ارهابية

[tarek elbadry]

المشاركة الأصلية كتبت بواسطة ahmed1981 ونسي برنامج صباح الخير يا مصر أن يكتب في نهاية التقرير: وتم إذاعة هذا اللقاء طبقاً لتوجيهات السيد اللواء عباس بن فرناس مدير لجنة الحرب النفسية في نظام حسني مبارك وذلك تابع لحملة الحرب النفسية على الشعب المصري من نظام حسني مبارك الآيل للسقوط المصري أيضاً وهذه الحرب النفسية هدفها في النهاية تهييج الشعب على أبطال الثورة لتدمير كل مكاسب الثورة وكان رد الشعب المصري في إتصال هاتفي لم يذاع: قديمة يا حسني الراحل

انا مش معاك فى الكلام دة
انتة نسيت كنيسة القدسين ولسة ممسكوش مرتكبى التفجير
فى فعلا خلايا ارهابية فى مصر فى منخدش الامور باستخفاف ونربطها بمبارك الراجل انتهى خلاص

[Ahmed Anwer]

المشاركة الأصلية كتبت بواسطة tarek elbadry انا مش معاك فى الكلام دة انتة نسيت كنيسة القدسين ولسة ممسكوش مرتكبى التفجير فى فعلا خلايا ارهابية فى مصر فى منخدش الامور باستخفاف ونربطها بمبارك الراجل انتهى خلاص

لما إحنا مخترقين أووي كده ،،،

يبقي النظام فاشل ؟؟؟

مش عارف يحمي مصر و مخترق من كل ناحية ،،، يعني حتي التهديد الأمني

اللي عايز يكتسب مصداقية بيه ،،،، فاشل فيه ايضا

يعني كل الدنيا ليها أجندات عندنا و إحنا مالناش أجندات عند حد ،،، من ضعفنا و هوانا

يبقي النظام في ستين داهية و نجيب ناس بتشتغل بجد

[ahmed1981]

المشاركة الأصلية كتبت بواسطة tarek elbadry انا مش معاك فى الكلام دة انتة نسيت كنيسة القدسين ولسة ممسكوش مرتكبى التفجير فى فعلا خلايا ارهابية فى مصر فى منخدش الامور باستخفاف ونربطها بمبارك الراجل انتهى خلاص

الكنائس خلال أسبوع المظاهرات لم يكن يحرسها أحد
لو كان هناك إرهاب من هذا النوع هل هو أحمق لتفويت هذه الفرصة

أنا لا أستخف بالأمور
لكن نحن دولة مؤسسات
تخيل لو مبارك ربنا خده في أي وقت
نضيع إحنا مثلاً ؟؟؟ !!!


بأي منطق يا أستاذي نربط شعب بالكامل برجل واحد في الحقيقة لم تكن الأمور في يديه منذ فترة طويلة وحتى لو كانت فنحن في دولة مؤسسات


لا أستخف بالمؤامرات
ولكني متأكد من عملية نفسية إعلامية موجهة لتجعلنا نظن أن رحيل مبارك هو بداية إختفاء مصر من على الخريطة

[sad-bird]

المشاركة الأصلية كتبت بواسطة ahmed1981 تخيل لو مبارك ربنا خده في أي وقت نضيع إحنا مثلاً ؟؟؟ !!!

فيه فرق بين ان مبارك يتوفاه الله
وبين ان مبارك يتم الانقلاب عليه
لو النهاردة سهل اني اشيل رئيس وامشي ومعايا مليون واحد بكرة هجيب 2 مليون واشيل اللي بعده وبعده هجيب 4 مليون واشيل اللي بعده
راجع الموضوع ده وانت تفهم قصدي
http://www.masrmotors.com/vb/showthr...d=1#post352913

[ali farouk]

ماهو لما البلطجية مقدروش يعملوا حاجة مع أبطال الثورة الأسود قالوا يجربوا الحرب النفسية على الشعب المصرى ....طيب لما مصر فى خطر كده يبقى الأولى أن الرئيس ( فرد ) يحقق مطالبة الشعب بالتنحى وبلاش كلام الهجاصين اللى يقولك أريد التنحى لكنى أخاف من الفوضى .....طيب ما أحنا فى فوضى فعلاومن كلام سيادتة برضوا انه لم ينفصل يوما عن الشعب وانه يدرك متطلباته ويعمل من أجل أمن المواطنين ........طبعا هو الراجل بيقول الحق لأنه فعلا يعمل هو وأجهزته من أجل الأمن اللى هوا أمن الدولة والعصابة اللى حوليه...وانه لم ينفصل عن الشعب ويدرك متطلباته فأكيد ده شعب تانى غير الشعب المصرى