عام الحزن(الثنائى اللى جاب اجلى الوطنى للتنميه - قناة السويس للتامين )

[Injection]

معلش يا أستاذ أحمد أكيد ربنا هيعوضك باللى حصل خير, وأكيد بشكل أو بأخر ده كان فى مصلحة حضرتك.

أنا والدى كان عموما بيكره حاجة أسمها التقسيط وعمره ماكان يحب يقسط جنيه واحد على أى حاجة علشان محدش ضامن الظروف.

وشركات التأمين من الحكايات اللى بقرأها وبأسمعها بقت فى قمة الأستهتار واللامبالاة والنصب, بس حضرتك فعلا كان لازم تبص على كل خرم فى الوثيقة وتفحصها تانى مع محامى, بس محدش بيتعلم ببلاش.

الحمد لله على كل شئ, وشكرا لحضرتك لمشاركتك قصتك, وفعلا علمتى أحذر من حاجات كتير ممكن كنت أقع فيها.

وربنا يرجع لحضرتك حقك, وعقبال متأمن على البى أم الفئة السابعة.

[Devill Blood]

لا حول ولا قوة الا بالله بصراحة ربنا أنا لسه جايب لانسر بومة مستعملة أنت خلتنى والله مش عايز أنزل ومرعوب يعنى أنت عندك تأمين وحصل لك كده أمال أنا أعمل إيه اللى جايبها مستعملة من غير ضمان,والله حاسس بيك وعلى فكرة أختى فى تجارة وبتقول لى دايما أن عندنا لازم شركة التأمين تطلع عينك ومش تديك حقك كامل أبدا لازم ينصبوا ويطلعوا عينك
والله مش عارف أقول لك أى أنا دايما بمشى على 40 عشان أتقى شر الحوادث والبنى آدمين

[prettykitty]

لاحول ولاقوة الا بالله العلى العظيم,,معلش يا استاذ احمد ربنا يعوضك عنها خير باذن الله ودايما ردد الدعاء اللهم اجرنى فى مصيبتى واخلف لى خيرا منها,,ومتزعلش على اى هم من هموم الدنيا اللى بتيجى فى الفلوس والحمدلله ان انت واسرتك بخير واى خسارة مادية ربنا يعوضك عنها وينتقم من كل شركات التامين والمعارض اللى معندهمش ضمير لان شركات التامين والعياذ بالله كلها نصب وسرقة وشغل 3 ورقات فى الاول يستقبلوا العملاء بابتسامة ولما يحصل حادث ونيجى وقت التعويض بيبقوا زى اليهود فى التعامل مع صاحب الحادث,,لو كل انسان فيهم يتقى الله مكنوش عطلوا مصالح الناس وسرقوهم وكفاية هم الاقساط والفوايد على صاحب الحادث مش كمان هيبقى نصب فى التعويض,,فوضنا امرنا الى الله وربنا يكفينا شر الحوادث وشر شركات التامين وشر غباء الاخرين واخطائهم ويسلمنا جميعا فى طريقنا,,اميييييييييييين

[تامين سيارات]

السلام عليكم اتصل بى لو حبيت اى مساعدة

[احمد بدر1978]

ربنا يكون فى عونك بجد شركات التامين فى مصر بتوعد بحاجات كتير وساعة الجد 90 % منهم بيجرى
ربنا يسدد ما عليك