مشاكل استخدام بنزين 80 للمحركات الانجكشن

[sayedkhedr]

البنزين ال80نسبة الاوكتان فيه واطية هذا ليس معناه ان عليه مية ولكن سرعة انتشار اللهب فى الخليط بتكون بطيئه وذلك فى غرف الاحتراق وبالتالى بطء اشواط القدرةوبالتالى يحدث التصفيق او الصفع وهو مثل الابانص فى الصوت.اخوكم م. السيد خضر

[ahmed turbo 1]

معني كده لو وطيت كهربه العربيه لا يحدث تصفيق مع البنزين 80 للمحركات الانجكشن ولايحدث اضرار للمحرك و الرشاشات وغرفه الاحتراق والكرنك

[mohamed ibiza]

نصيحة بلاش ..

مش عشان نسبة الانضغاط ولا الكلام ده كله مش هقولك حاجة بخصوص الكلام ده

بس ال 80 فيه رواسب بشعه ! ادام عيني فلتر البنزين طالع من عربية بتستخدم 80 مليان شوائب و رواسب غريبة والله كان فيها حصا صغير !! بلاش خصوصا لو عربيتك انجكشن و جديدة حطلها علي الاقل 90 انما 80 هيقتلها بالبطئ

[malsorafy]

المشكلة يا جماعة ان اللى هاتوفره فى البنزين سوف تدفع مقابله عند الميكانيكى

1. الرشاشات سوف تتخنق و ستحتاج كل فترة الى تنظيفها اما بوضع سائل تنظيف الرشاشات كل فترة اثناء ملء التانك او تروح عند الباشا الميكانيكى الذى بدوره يقول ننظفهم على جهاز تنظيف الرشاشات-(ملحوظة) كثرة تنظيف الرشاشات تؤدى الى إتساع فتحتها والعربية تاكل منك بنزين على المدى الطويل- وبعدين تيجى تركب الرشاشات فيقول لك الميكانيكى "هات طقم رشاشات جديدة او شونة".
2. الرداخ صوته سيعلو لانه مصمم لضخ بنزين 90 او 92 وبنزين 80 فيه نسبة زيت و بالتالى فلتر الرداخ سوف ينسد و تذهب مرة اخرى الميكانيكى لتغييره.
3. غرفة الاحتراق و البوحيهات سوف تكربن و تعمل على تأخير الاشتعال و بالتالى يزيد استهلاك البنزين.
4. وبعدين يا جماعة المصنع او الشركة المصنعة توصى بنوع بنزين معين لو كان ينفع نوع اقل كان المصنع قال . على الاقل المصنع كان يعمل نسبة مبيعات اعلى من ماركات او مصانع اخرى هذا عن تجربة شخصية لى.
5. وفى النهاية اقول لكم " الغالى رخيص " و اتمنى لكم ألا تزوروا الميكانيكى الا مرة كل سنة كما قالت السيدة فيروز زورونى كل سنة مرة

[Ahmed.gunners]

مشكلة 80 مع الانجكشن انوا بيخلي الرشاشات تتسد ودي هتفضل تنضفها كل شهر ولا حاجة دا غير سحب العربية هيفرق معاك اوي وتحس ان العربية مكتومة خاصة لو انت معودها علي 90 او 92 هتحس بفرق واضح اوي