حد فاكر العربية دى

[luckyman]

شكرا لجميع المداخلات الجميله التى تدل على وجود حس وطنى ووعى عالى المستوى
للاسف
زمازالت مصر تسير للوراء .... للخلف در
كل المصانع الوطنية فى خطة لتخربها وتخسرها وبعدين نقول بتخسر ونبعها
حتى شركة النصر الى وقت قريب فى عقد الثمانينات كانت بتجمع احدث سيارات بجانب فيات فى نفس الوقت زى فيات ريجاتا كانت ايامها سيارة حديثة وقوية ومتقدمة
128 من عقد السبعنينات كانت النصر بتجمعها بايدى مصرية بجانب الصانع الايطالى اللى كان فى عصرة الذهبى وكان زى تويوتا اليابانية دلوقتى وكان انتاج مش وحش الخ
لكن حصل هجمة قوية لعدم تطوير المصنع دة وغيرة من ممتلكات الشعب المصرى اللى كان بيوفر عربيات رخيصة جيدة اقتصادية مقارنة بوقتها لفئات كتير وكانت كل الناس سعيدة وفرحانة وتم بيع وخصخصة النصر وتفتيتها الى 20 شركة منفصله
ودخلت صناعة التجميع السيارات المصرى بتشطيب وجودة وفنش سىء جدا جدا بمقايس العصر والدليل مفيش مجمع محلى واحد يقدر يصدر وكل المصانع بتشتغل بربع طاقتها وشكرا

[hazem fahim]

يا اخ محظوظ مش عارف اقولك ايه!!!! بس ها اقولك شيئ من واقع خبرتي السابقه في شركه usk هما كانو بيبيعو بخساره لمده ثلاث سنوات حتي تمكنو من السوق ودمرو شركه بقالها 300 سنه في السوق منتجاتها كانت جودتها عاليه جد وهيا شركه عربيه والمنتجات كانت اجود من الامريكيه الف مره خلوها تفلس واشتروها برخص التراب وبعدين خلو اسمها عندهم احتياطي بمعني فيه مقاطعه للمنتجات الامريكيه ينزلو اسم المنتج المحلي الي هما فلسوه واشتروه بتراب الفلوس مع الموظفين كمان وهوه نفس المنتج يعني برده بيضحكو علينا وده علي مستوي العالم اشتروي جميع الماركات العربيه ذات السمعه والجوده بعد ما فلستهم وبعد السوق ما بقي بتاعهم عوضو خساره الثلاث سنوات في نص شهر والي اكتشفته ان دي منظومه واول المشتركين فيها عرب اصحاب مصالح يعني موضوع العربيه كان لازم يبوظ والمشروع يموت قبل ما يتنفس يعني اكيد حد باع وحد قبض مواضيعك دائما جميله وانت نفسك سباق ربنا يباركلك طبعا انا اتكلمت عن شركه واحده وصنف واحد شوف انتا بقي عدد الشركات وصنفها علي حسب المنتج والصنف من الابره لورق القمامه او من طقطق لسلام عليكو مش كده ولا ايه

[luckyman]

[hazem_khidr]

رمسيس بالتأكيد فاكرها
كانوا بيقولوا عليها سياره مصريه لكن كانت بترخيص من شركه زي فارتبورج كده في المانيا الشرقيه
لكنه كان حلم نضيف و محترم لكن تحول الي كابوس مع مرور الوقت
و دا لينك من الفيس بوك اتمني انه يشتغل معاكم
http://www.facebook.com/profile.php?...0216443&ref=mf
فيه العربيه و خطاب جمال عبد الناصر اللي لو سمعته حتتحسر علي اللي وصلنا له فعلا

[نبيل عبدالرحمن]

ليست صناعة السيارات فقط التى فشلت فى مصر تعالوا نشاهد مصانع الغزل والنسيج التى أقفلت أبوابها فى جميع مدن مصر ومنها على سبيل المثال فى مدينتى الإسكندرية شركة " كابو " وكانت تنتج العلامة التجارية jil وهى علامة فرنسية عالمية شهيرة ، وكان انتاجها يصدر الى أوروبا والى فرنسا نفسها والى أمريكا والدول العربية ، الآن توقفت معظم مصانع هذه الشركة عن العمل وتم تسريح العمال بها ، أيضاً عملاقة الصناعات الثقيلة " الترسانة البحرية " التى أنتجت العشرات من سفن البضائع الكبيرة وأشترت روسيا العديد منها تم خصخصتها وتم تسريح عمالها وأصبح نشاطها قاصراً على عمليات إصلاح السفن فقط ، أيضاً شركة المنتجات المعدنية والتى كانت تصنع الغسالات الفول أوتوماتيك والبوتجازات وغيرها من الأجهزة المنزلية .....وغيرها الكثير من المصانع ، ما أنجزه عبد الناصر تم هدمه وتخريبه وبيعه الآن .