الحمد لله استقريت على النترا 2010 مانيوال بس فى سؤالين مهمين

[wst]

طبعا عندك حق انا عمرى ما عديت 120 لسببين :
الاول لأن اكثر من كدة تبقى العربية هي اللى سايقاك مش العكس
الثانى أنا بخاف من الرادار ومعنديش استعداد ادفع مخالفة لأنى مش بلقى الفلوس فى الشارع

بس انا حبيت اقولك الكلام دة اثباتا لثبات وجمال العربية وربنا يحفظنا جميعا

[bahaa44]

ربنا يحرسنا جميعا من كل شر
وحابب اعرف انت اية بالظبط اللى خلاك تختار الالنترا عن اى عربية تانية يعنى اية المميزات للى شايفاها وملاحظات عليها واكيد طبعا عملت عليها بحث زى ماعملت بس حابب اعرف رايك

[HAboOuf]

المشاركة الأصلية كتبت بواسطة wst بارك الله لك فيها أعطاك خيرها وكفاك شرها أنا كمان هاستلمها بكرة ان شاء الله بس انا جبتها اتوماتيك ولونها فيرانى وناوى اول حاجة اعملها اركب ليها فرش جلد بالكامل قولى انت ناوى تدلعها ازاى النتراوى جديد

يا باشا ألف مبروك وأسأل الله لك خيرها وأعوذ بالله لك من شرها
الفيرانى رائع بس انا شايف إن التابلوه البيج فيه فخامة وشياكة أكتر شويه من الرمادى
ولا إيه رأيك

[lol64]

الف الف مبروك يابهاء انا استلمتها من 5 ايام وسافرت بيها امبارح نويبع بصراحه روعه انا طبعا معديتش ال100 كيلو او ال 90 كيلو سرعه عشان لسه فى التليين
لكن ااكدلك انها ثابته على سرعات فوق ال 150 انا سقتها لانى اجرتها قبل ماشترى من معرض تاجير
بالنسبه للدريكسيون اقسم بالله تعالى بيتقل معاك كل ماتزود سرعه سيبك من اللى يقولك غير كده
انا ركبت فرش بيج جلد فى قماش فى قطيفه شكله رائع من شارع دمشق هو غالى بس ممتاز ورايى افضل من الجلد
لون عربيتى نبيتى فاتح وكله بيلم تراب ياباشا وسلملى عالتلوث

بالنسبه للجنوط ركب 15 احسن زى ماهيه بس بلاش الصينى لانه مع اى مطب او حفره جامده هايتعوج منك
انا جالى عرض من واحد ممكن ادخل ده فى ده اندونيسى وادفع 850 جنيه وانشاء الله هاعملها الاجازه الجايه لما انزل القاهره كمان شهر

الف مبروك والله اختيار موفق والحمد لله ربنا يكفيك شرها ويعطيك خيرها

[bahaa44]

شكرا ياباشا وربنا يكفيك شرها وبجد ريحتنى فى موضوع الدركسيون دة ويارب يحمينا جميعا ويباركللك فيها بس هل الجنوط بتفيد فى الثبات ولا منظر وخلاص ؟؟ وتقريبا سعرها كام مقاس 15 بس مش صينى ؟