مفاهيم سائدة ,,, لن تتغير الا اذا بدأنا بأنفسنا

[Dr. Bolbolan]

مستر ماكس ! مع احترامى الشديد لحضرتك أنا مافهمتش حاجه ! حضرتك بتقول كلام كتير صح !

بس برضه معاه كلام كتير غلط ! وبصراحه أنا تهت منك ! بس يمكن العيب عندى أنا علشان كبرت

فى السن ! حضرتك فى نهاية مشاركتك بتقول انك حاسس انك وصلت للى عايز تقوله !

ياريت احنا كمان يوصلنا الاحساس ده !

DR. Bolbolan ptmnlo123per1127

[sam ram]

ماكس باشا ....
معظمنا بيحب الاوروبي عن الياباني
والغالبيه العظمى بتفضل الاوروبي والياباني عن باقي الأسيوي ( كوري - صيني - ماليزي - هندي - ايراني )
لكن السوق المصري 80% منه اسيوي ولحد وقت قريب جدا 25% من المبيعات السنويه لهيونداي
تفتكر ليه ؟؟
لو حد قارن كورولا بجيتا او اوكتافيا حتلاقي الاغلبيه تروح للاوروبي ... لكن جرب تطلب مقارنه سيراتو او النترا قصاد كورولا او جيتا ... وشوف رد الناس ptmnlo123per115ptmnlo123p er1116
لكن لو قلت معايا 100 او 110 الف وعايز كذا و كذا ... حتلاقي اغلب الناس تقولك لانسر او سيراتو ptmnlo123per160

الحسبه بمنتهى البساطه انك بتدفع من 20 ل 30 % زياده عن تمن العربيه الياباني علشان تشتري التميز والبرستيج الاوروبي
و من 40 ل 60% زياده عن الكوري علشان تشتري الخامات والمواصفات والتقنيه الاوروبي
وضعف تمن الصيني علشان تشتري نفسك من نظرات وكلام الناس


في حد يقدر يقول ان السيراتو او الالنترا احسن من السيفيك او الجيتا !!

حقولها بطريقه تانيه
لكل فئه سعريه و ليها عربيه او اتنين منتشرين فيها ... صح

طيب ... فين الكوري اللي فوق 150 الف ( هل علشان مفيش كوري بالتمن ده و لا لأنه مش حيمشي في مصر - كيا موهاف - هيونداي جينيسس كأمثله و ليس حصر )
فين الياباني اللي فوق ال 200 الف ( كامري و اكورد وجالانت ... )

ليييه ؟؟!!
لسبب بسيط ... محدش معاه 150 الف و يجيب بيهم كوري .. او 200 الف ويفكر في ياباني




اديني اوروبي بمواصفات الاوروبي و بتمن الكوري و انا اعلن الحرب على كوريا و اليابان والصين و الهند و ايران و تايلاند ... و اندونيسيا و ماليزيا كمان

[_amr.mostafa_]

المشاركة الأصلية كتبت بواسطة MaXx بدون اي مقدمات ,,, لاحظت حاجة صغيرة كده ,,, اي حد بيجي يشتري كوري ولا صيني ,,, نقول دول يجوا ايه في الاوروبى ,,, و لو حد فكر يسألنا عن اوروبي الاقي ناس تقوله ,,, مش منتشر و سعر اعادة البيع ,,, دي عقدة الشعب زفي الاخر بيجيب صيني او كوري تخويف وخلاص اوكي واجب علينا نقول كل الحقيقة ,,, بس لو كل واحد فكر يشتري عربية كلنا عارفين انها مش منتشرة و قلناله لا لا بلاش ,,, خليك في اللي ماشي في السوق ( فيرنا و لانوس و اوبترا و افيو و الانترا و موخرا سيراتو ) امال مين هيجيب الاوروبي طالما عمالين نقلق الناس منه و هو برقبة اي عربية تانية كوري و لا صيني ( مش هتكلم عن اليباني لان مش كل الياباني حلو اللانسر مثلا معشوقة المصريين اكتر عربية بتتقلب في مصر ) والله انا عايش في السعوديه الانسر دي فقط لمكاتب الايجار او الشركات اللي بتجيب لكل موظف عربيه وعيزه توفر بنبدل حاجات كتير ببعض بس مش عارف ازاي ,,, يعني مثلا سعر اعادة البيع ,, محدش هيكسب في عربية بقالها معاه 4 ولا 5 سنين ,,, خصوصا في الفترة اللي جاية اللي الجمارك هتنزل فيها كل سنة لحد ما تصل صفر بحلول 2018 او 2019 ,,, يعني سعر المستعمل هيكون بطيخ خصوصا اللي بقاله شغال اكتر من 5 سنين ... في مصر هم عايزين يجيبو عربيه 100 الف تتباع بعد سنه 150 سعر قطع الغيار ,,, الاوروبي لازم يفضل اغلي ,,, بس لما ينتشر اعتقد دي تكون ميزة الخلاصة الاوروبي عمره ما هينتشر بسبب سياسات سعرية الحمد لله كلها كام سنة و تروح ,,, و كمان تخوف الناس من عدم الانتشار ( مش فاهم ايه السعادة في ركوب سيارة موجودة علي يميني ملاكي و علي شمالي تاكسي ) الانتشار حلو علشان توافر قطع الغيار تمام ,,, بس العربية برضو شكل و مظهر ... هم الناس بتركي الموجه وخلاص والسعر الرخيص بس رايي تكون مميز احسن من عربيه كل شعب راكبها علي الرغم من انه امانه اعلي دي اول حاجة ,,, قطع الغيار معمرة اكتر ,,, و طبعا التصميم الخارجى و التقفيل بيكون افضل ... بتكلم كتير انا ,,, بس انا حاسس اني وصلت اللي انا عايزه ,,, رأيكوا ايه ؟

شكرا...........

[pro mada]

المشاركة الأصلية كتبت بواسطة sam ram ماكس باشا .... معظمنا بيحب الاوروبي عن الياباني والغالبيه العظمى بتفضل الاوروبي والياباني عن باقي الأسيوي ( كوري - صيني - ماليزي - هندي - ايراني ) لكن السوق المصري 80% منه اسيوي ولحد وقت قريب جدا 25% من المبيعات السنويه لهيونداي تفتكر ليه ؟؟ لو حد قارن كورولا بجيتا او اوكتافيا حتلاقي الاغلبيه تروح للاوروبي ... لكن جرب تطلب مقارنه سيراتو او النترا قصاد كورولا او جيتا ... وشوف رد الناس ptmnlo123per115ptmnlo123p er1116 لكن لو قلت معايا 100 او 110 الف وعايز كذا و كذا ... حتلاقي اغلب الناس تقولك لانسر او سيراتو ptmnlo123per160 الحسبه بمنتهى البساطه انك بتدفع من 20 ل 30 % زياده عن تمن العربيه الياباني علشان تشتري التميز والبرستيج الاوروبي و من 40 ل 60% زياده عن الكوري علشان تشتري الخامات والمواصفات والتقنيه الاوروبي وضعف تمن الصيني علشان تشتري نفسك من نظرات وكلام الناس في حد يقدر يقول ان السيراتو او الالنترا احسن من السيفيك او الجيتا !! حقولها بطريقه تانيه لكل فئه سعريه و ليها عربيه او اتنين منتشرين فيها ... صح طيب ... فين الكوري اللي فوق 150 الف ( هل علشان مفيش كوري بالتمن ده و لا لأنه مش حيمشي في مصر - كيا موهاف - هيونداي جينيسس كأمثله و ليس حصر ) فين الياباني اللي فوق ال 200 الف ( كامري و اكورد وجالانت ... ) ليييه ؟؟!! لسبب بسيط ... محدش معاه 150 الف و يجيب بيهم كوري .. او 200 الف ويفكر في ياباني اديني اوروبي بمواصفات الاوروبي و بتمن الكوري و انا اعلن الحرب على كوريا و اليابان والصين و الهند و ايران و تايلاند ... و اندونيسيا و ماليزيا كمان

مش هقول غير كلمتين
اوجزت فانجزت ptmnlo123per112

[MaXx]

قبل ما ارد علي كل الكلام ,,, انا بعتذر اني ما اقدرتش اركز علي الفكرة ,,, او كلامي اتفرع كتير جايز ,,,

انا لا اقصد مطلقا اقلل من اللي راكب كوري ولا صيني ,,, ولا اقصد اتريق علي حد ,,, انا شخصيا معنديش عربية لحد دلوقتي ( ربنا يسهل علي اول السنة ) اكيد مش هتريق علي حد عنده حاجة و انا معنديش جزء منها ,,,

الفكرة اني لاحظت ان مثلا واحد كان بيسأل علي عربية اوروبي بس مش منتشرة ,,, زي الجراند بونتو علي سبيل المثال او اللينيا فيات ,, بحس ان الناس بتخليه يقلق من عدم الانتشار و عدم توافر قطع الغيار ,,,

لو كل واحد جه يسألنا نقوله علي عربية ما انتشرتش بشكل جيد لا ,,, يبقي محدش هيجيب حاجة جديدة ,,, لما واحد مننا بيجيب عربية ,, و لنفرض مثلا مش اوروبي اهه زي التيجو اللي بدأت تنتشر ,,, و الاقبال عليها بدأ يزيد كمان ,,, هل الناس كانت ممكن تقبل عليها الا لو لقت ناس جربتها و بتشكر فيها ؟!




انا كان كل قصدي ما نخليش الناس تقلق من الاوروبى لو هما بيسألوا عليه ,,,


اللي يضايقني ان مثلا عربية زي ال I30 من هيونداي يبقي سعرها 133 الف فول اوبشن اوتوماتيك ,,, و يبقي الفرق بينها و بين السيات ليون 12 الف تقريبا مش قليلين بس الفرق اكيد يستاهل ...


......................... ...


بعتذر مرة تانية لو كلامي كان فيه هجوم علي اي حد راكب كوري ولا ياباني ولا صيني ولا حتي عربية تصنيع محلي ,,,
,,,,,,,,,,,,,,,,,,,,,,,,, ,,,,,