انشاء الله هفتح محل جديد قطع غيار فيات

[SAYED_ABDO63]

المشاركة الأصلية كتبت بواسطة mr_astra الف مبروك عليك المحل وخلى بالك البايرة ترجع بيت ابوها اى قطعة فيها عيب صناعة ترجع للتاجر انا غيرت او رجعت ديسك جديد لصاحب المحل وهو ادامى اداة للمستورد وادانى فلوسى وبالوقت هاتقدر تعرف شغل فلان من علان والكويس والوحش والغالى والرخيص وحاول تبضع من التوفيقية بتاخد سعر الجملة وشوية شوية هاتنزل عند ناس معينة بالاسم تجيب منهم الحاجات اللى انت محتاجها ومها اقنعك بنوع تانى هاتفضل عند رايك لانك مجربها وجب على تاجر الجملة انة يطلعك اول باول بالسعر بالتليفون او انت اللى تحدث اسعارك كل اسبوع بالتليفون حتى وتشوف قطع الغيار اللى عليها اقبال واستهلاك وتحاول توفر كمية مناسبة منها زى مثلا تيل الفرامل والسيور وكاوتش المية والجوانات وبعد حوالى سنة ممكن تنزلك بضاعة بالاجل وتبقى انت كومسيون بس لتاجر الجملة المهم فى الموضوع ان ميكنش عندك مسمار ناقص كل حاجة تبقى موجودة وصدقنى هايجلها زبونها اوعى حد يجى يسالك على حاجة وتقولة معنديش لازم يكون عندك ولو اعداد بسيطة من كل حاجة لان الزبون لو راح جاب من برة مش هايجلك تانى واعمل دعاية لنفسك على نطاق الميكانيكية والعفشجية وتعرفهم بنفسك وما يمنعش من هدايا متواضعة لميكانيكى او عفشجى كل فترة تحفيزا له انة يبتعلك الزبون ومش عيب ولا حاجة وحاول تجيب من الصنف الواحد اكتر من نوع صينى مثلا وايطالى وتركى عشان الزبون هايشترى يعنى هايشترى من عندك ولازم يكون عندك لباقة فى اقناع الزبون بقطعة الغيار ودى اكيد هاتيجى من المممارسة وخببرتك فى السوق خلى بالك الزبون لما بيروح يشترى من محل ما بيفرقش معاة السعر على اد ما بيفرق ان الحاجة تكون كويسة وان اللى بيبعها يحسسة ان المحل دة بتاعة ومتقلش لحد عاوز يغير حاجة لا تكشف عليها لو فى علبتها ومحصلهاش حاجة اية المانع انك ترجعها قطع الغيار الكهرباء هى اللى مش بتترجع

بجد والله الله ينور عليك معلومات والله من ذهب بجد وفرت معاى كتير وكمان عرفتنى انى ماشى فى الطريق الصحيح
بس كان لى طلب وهو عمل موضوع لمعرفة القطع الاصلية

[nassser]

mr astra
انت رائع
انا النهاردة رحت اشتري كونتكت لان الللي عندي بيعض ورحت فيات 2000 معاملة الولد البائع فيها تناكة ومريحنيش في الكلام سبته ولو مفيش غيره رغم م اني اسمع انه كويس واشتريت من الفتح وسبحان الله الولد كانت معاملته كويسة وارخص 10ج
المعاملة اهم حاجة .. الزبون بييجي بسبب الصدق معاه والنصيحة والمعاملة الحسنة
هذه نصيحتي لك الزبائن ممكن تشتري الأغلى بس مستريحين لكده .. والف مبروك
التوقيع
زبون جديد غشيم

[SAYED_ABDO63]

المشاركة الأصلية كتبت بواسطة nassser mr astra انت رائع انا النهاردة رحت اشتري كونتكت لان الللي عندي بيعض ورحت فيات 2000 معاملة الولد البائع فيها تناكة ومريحنيش في الكلام سبته ولو مفيش غيره رغم م اني اسمع انه كويس واشتريت من الفتح وسبحان الله الولد كانت معاملته كويسة وارخص 10ج المعاملة اهم حاجة .. الزبون بييجي بسبب الصدق معاه والنصيحة والمعاملة الحسنة هذه نصيحتي لك الزبائن ممكن تشتري الأغلى بس مستريحين لكده .. والف مبروك التوقيع زبون جديد غشيم

شكرااااا على النصيحة بجد والله الواحد مبسوط لما بيلاقى الناس الى تنصحه عشان الواحد بجد محتاج النصيحة دى بارك الله فيك

[nassser]

متنساش كمان ان مش كل اللي بييجو يشترو فاهمين فلازم يكون عندك خبرة نسبيا على الاقل توصفلهم ايه اللي يعملوه والمفروض ايه .. ده بيخليهم ييجو تاني .. بجانب ممكن يسألوك على ميكانيكي كويس او كهربائي .. الخ
عملية التسويق ده اصلها فن ومنها إدارة علاقات العملاء وفن البيع وغيره وغيره
الله
وربنا يوفقك

[SAYED_ABDO63]

المشاركة الأصلية كتبت بواسطة nassser متنساش كمان ان مش كل اللي بييجو يشترو فاهمين فلازم يكون عندك خبرة نسبيا على الاقل توصفلهم ايه اللي يعملوه والمفروض ايه .. ده بيخليهم ييجو تاني .. بجانب ممكن يسألوك على ميكانيكي كويس او كهربائي .. الخ عملية التسويق ده اصلها فن ومنها إدارة علاقات العملاء وفن البيع وغيره وغيره الله وربنا يوفقك

شكرااا على الكلام الجميل دا وياريت لو حد عنده خلفية عن اى شئ يقوله
او تجربة فى المجال دا يقول ونقشه مع بعض
او اى اسعار او محلات رخيصة يقولها