|
منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
|
أدوات الموضوع |
#6
|
|||
|
|||
رد: اغرب موقف فى حياتى !! تبا لكوبرى اكتوبر !!
نتصل بيهم التيليفون مغلق ... اكيد اى كلام , اكيد بيهزروا معانا بمناسبة الفلانتين !!
طب اتصل بالرقم اللى قبل ااموبايل , مرفوع مؤقتا مالخدمة .. ههههه ولود ال .. بيهربوا مننا !! اعدنا نشتم فى البلد شوية .. صاحبى التالت قاعد ساكت و عمال يضحك مع نفسه على اللى بيحصل طبعا قبل كل الكلام دة اتصلنا بكل الناس , اللى نايم , واللى خارج مع واحدة و مش فاضلنا , و طبعا كلهم مش هيساعدوا فى حاجة لان ابعاد البى ام زى ما قولت 5*120 !! ف لازم بى ام تقفلنا !! و مين هيستأمنا على الجنط بتاعه , و كمان كوريك !!! كدة كتير بدأنا نوقف عربيات , محدش وقف عشان 3 و الناس بتقلق .. اشحال لو مكناش واقفين ب بى ام !! اتفقنا ان واحد فينا يقف يوقف العربيات الحديثة عشان بتبقى 5 مسمار و احتما تصدف معانا ان يكون نفس الابعاد دة لو رضى اصلا !! وقف صاحبى يوقف العربيات , وقفتلنا سيراتو .... يا فرج الله !!! معهوش استبن اساسا .. شكرا وقفلنا نص نقل , اى مساعدة , الف شكر يا ريس ربنا يكرمك مازدا 3 لا والله انا 5*114 مش هتركب عندوكوا سيراتو لا والله مش هتركب عندوكوا بيجو 406 لا والله انا 5*118 ( ابعاد مسمعتش عنها :D)ي و جاءت المفاجاة جت e92 وقفت .. اى اوامر !! كذا كذا .. هممم هو المشكلة انى مسافر اسكندرية و للاسف مش هينفع اسيب الاستبن .. ولا يهمك يا باشا كفاية انك وقفت .. مرت نصف ساعة واحنا واقفين لا حول لنا ولا قوة .. و فجاة من غير ما نشاور .. لاقيت e21 الشهيرة بالشارك !! وقفت لوحداها يااااه فينك من زمان , انت مبتجيش ليه , مش تبقى تيجى !! انا ببقى هناك كنا معندناش ادنى معلومة عن ابعادها ولا يمكن تطلع 4 مسمار اصلا !! نزل شاب شكله ابن ناس .. الشاب : اى اوامر احنا : كذا كذا الشاب تحت امركوا بس كدة و جاب الجنط الاستبن بتاعه انا : نفس الابعاد الشاب : اه طبعا , ان شاء الله بشوف لاقيتها نفس الابعاد ... هففففف الحمد لله هات يعم الكوريك ... الشاب انتوا معكمش كوريك ؟! بقينا واقفين كلنا بنوقف اى عربية ناخد منها كوريك .. و اذ فجاةً ب e36 وقفت اخت بتاعت صحبى .. ههههههه هما تققريبا بيحسوا ببعض ولا ايه !! ؟ كوريك بس بعد اذنك جاب الكوريك !! رفعنا العربية , فكينا الجنط , بنبص لاقيناه اتكسر .. اتكسر بمعنى اتكسر !! طبعا الصدمة كانت وحشة بس احنا عايزين نمشى !! ركب يا عم .. مش عايزة تدخل .. الطانبورة كبيرة !! ازاى بس يا جدعان مش نفس المقاس , نفس المقاس بس طنبورة الدبانة كبيرة الجنط نفسه مش عايز يخش !! هات يعم بتاع الدبانة التانية , راج جبلنا الاستبن بتاعه ... طلع نايم فيه ايه بس !! هو احنا فيه ايه !! وقفنا اول عربية ( تالتة ) فيليشيا , معاك منفاخ .. اه معايا .. طب زى الفل الحمد لله وقفنا نزود العجلة !! حطينا فيشة الولاعة فى ال e36 بتاعت التانى مش بتاعت صحبى و دور عشان ميسحبش مالبطارية .. و اذ بالمفجأة .. والله والله كمان مرة ممكن محدش يصدقنى فعلا .. موتور ال e36 رزززززززع !!!! و تك تك تك تك تك تك تك !!!! الولد بقى واقف مبلم والله و مش فاهم فيه ايه !! يعنى دة جزاءه انه وقف .. و كان معاه واحد صحبه ميت مالضحك !! انا صعب عليا جدا !! يعنى دة جزاءة فعلا .. و مش هنقول لو مكنش وقف .. استغفر الله العظيم قكلمة " لو " من عمل الشيطان والعياذ بالله .. هو مكتوبله كدة .. و خصوصا كمان ان عربيتى السيفيك الموتور مرزع بردو ف عارف الصوت للاسف !!! وقفنا فى حالة من الصمت .. قال طيب نخلص الناس دى و نبقى نشوف المشكلة بتاعتك !! بيركبوا الفيشة فى الولاعة بتاعت عربية صاحبى و بندور دارت و بنزد العجلة .. تمام لغاية هنا ؟! حيث أن .. عداد البنزين بتاع صاحبى مش مظبوط .. لاقينا العربية فصلت !! طب ايه ؟! بيدور تانى .. فصلت بنزين .. عشان مطولش عليكوا ..to be continued |
#7
|
|||
|
|||
رد: اغرب موقف فى حياتى !! تبا لكوبرى اكتوبر !!
حضرتك اقرا الباقى
|
#8
|
|||
|
|||
رد: اغرب موقف فى حياتى !! تبا لكوبرى اكتوبر !!
ايه ياعم ده كله انتوا كنتوا رايحين تعملوا ايه بالعربيه دي ايه كميه النحس ده يا بني؟؟:12F099~1 6: |
#9
|
|||
|
|||
رد: اغرب موقف فى حياتى !! تبا لكوبرى اكتوبر !!
والله دة احنا الناس الوحيدين تقريبا اللى مكوناش بنعما حاجة بس الحمد لله
|
#10
|
|||
|
|||
رد: اغرب موقف فى حياتى !! تبا لكوبرى اكتوبر !!
يبقي العربيه زعلانه منكم عشان كده طروها شويه ع العربيه عشان تطريها عليكم واحزروا قلبة العربيه علي صاحبها |
أدوات الموضوع | |
|
|