ارشيف الاستراحة 2010

[tarek elbadry]

ان الله لايغير ما بقوم حتى يغيرو ما بئنفسهم
معاك حق فى كل الى قلتو الاخلاق خلاص ضاعت بس انا صابر على قول الرسول صلى الله علية وسلم الخير فى وفى امتى الى يوم الدين

[tom_gr]

كل الاصدقاء الى شاركوا ليهم كل الشكر وكل المواساه فى حالنا وحال بلدنا الى عايشين فيها

بس ماحدش منهم جاوب على سؤالى

انت شايف ان فيه امل ؟ ولو فيه امل ازاى يجى الامل ده ؟

[hisham853]

اختصار لاء مفيش

[TheSantos128]

انا ليا راى مختلف شويتين..انا مش بحب الاسلوب اللى اغلب الناس بتتكلم بيه " احنا كنا "-"الفراعنه"-"كنا زمان"... طب ماتيجى نبص من زاويه تانيه: احنا فعلا احسن من غيرنا كتير على المستوى العربى والافريقى والدولى كمان... صح ولا ايه.. اقولك ازاى
مثلا التعليم: التعليم فى مصر سئ صح معاك ,بس فى بلاد تانيه مفيهاش تعليم اصلا ؟
وعلى فكره دول الخليج وباقى الدول اللى فيها عماله مصريه زى "المهندسين-الاطباء-المدرسين" طب ماهم متعلمين فى مصر !!! يعنى على الاقل فيه تعليم
الصحه: المستوى الصحى متدنى جدا فى مصر :بس على الاقل عنده صحه ومستشفيات اه , قد حالها, بس فيها!!! صح ولا ايه على فكره انا اعرف عشت فى السعوديه اكتر من 10 سنين عمررررررررررى ما شفت دكتور سعودى "مصرى-سورى-اردنى-يمنى قليل"
والمصرى رقم واحد فى الطب فى دول الخليج.. ياراجل ده فى مركز طبى للكبد فى المنصوره الناس بتيجى من اوروبا تتعالج فيه ..بجد على فكره..
الامن : ايوه الامن عنده شويه بلطجيه لابسين ميرى ..بس معلش بتعرف تمشى لغايه 5 الفجر مطمن ومش قلقان فى دول فى افريقيا و اوروبا بعد 7 بليل مش تعرف تنزل الشارع وبتوزع دفتر تحذير فى المطار على مواعيد الخروج وتمش من غير كاش كتير واعتقد انكم عارفين..
يعنى لو حسبناها احنا احسن من : على المستوى العربى
1-موروتنيا,2- المغرب,الجزائر,تونس," ليبيا "على المستوى الامنى والصحى والتعليمى وليس الاقتصادى"- السودان -اليمن-جيبونى -جزرالقمر-الصومال-العراق-فلسطين-"
احنا بلد مفيهاش حرب زى:فلسطين-العراق-الصومال-لبنان
مفيهاش انقلابات زى:موروتنيا-السودان-البحرين
مفيهاش ارهاب وخليات ارهابيه نشطه زى:الجزائر-المغرب-اليمن-السعوديه
مش عيها عقوبات اقتصاديه ومواقف سياسيه خارجيه زباله زى:سوريا
احنا بلد موظفين الحكومه راكبين عربيات اخر موديل بالتقسيط وفرحانين مش شايلن هم
سواق التاكسى معاه موبيلين هههه احنا اللى بنجيبه لنفسنا.
بالنسبه لموضوع البطاله انا ليا راى بس خايف حد يزعلى منى ..اصل الشباب برضه غلطانه الواحد من دول يتخرج من الجامعه او الكليه ويقعد على القهوه مفكر هيكلموه يشتغل مدير بنك بى 50000 الف دولار..الناس بطلت السعى .بطلتالاتكال على الله فى قضاء الحوائج واعتمدو على التواكل والوساطه طب ماتشتغل شغلانه بسيطه وحوش وخد كورس وطور نفسك واسعى هنا وهناك وربك هيرزق..
بس عمتا انامش بقول كده علشان افهم الناس ان الدنيا "بنبى" لا الدنيا صعبه بس احنا اللى صعبناها على نفسنا اكتر واكتر..امريكا واوروبا نجحوا علشان عندهم سياسه "جلد الذات" الاعتراف بالخطا ومعاقبه المخظئ والعمل على التطوير لتفادى الخطا فى المستقبل..هيطلع واحد يقولى" السياسيه -الحكم التوريث" لا لا احنا اللى وحشين يعنى انتوا عايزين تقولو ان لو اى شخص اى شخص سواء البرادعى-ايمن نور-حسن شحاته ههه حكم مصر بعد كده ..المرتشى هيقفل الدرج بتاعه-المدرس هيبطل يدى درس خصوصى-الشاب هيبطل يتسنكح مع البت بتاعته وهيروح يحضر المحاضرات-الاقتصادى هينتعش مره واحده-امين الشرطه هيبطل يضرب الناس..
اكيد لا ..اخويا قلى جمله عجبتنى من كام يوم" لوانت شايف ان الحاضر سئ روح خد قرص للصداع علشان القادم اسوء" .....اعتقد انكم فهمته انا اقصد ايه,,
ومعلش يا جماعه انا حبيت اشارك معاكم واعبر عن وجه نظرى اللى ممكن تكون صح او غلط

بس برضه الحمد لله احسن من غيرنا
ودمتم فى خير

[hesham mansour]

المشاركة الأصلية كتبت بواسطة د.كمال هى لحظات مش اكتر من كده والا يحصله تهتك فى الكبد او نفجار فى الرئه

سبحان الله
ربنا يستر عليه بس أعتقد الخوف يبقي أكتر عالطحال من الانفجار؟؟