رابطة ملاك ومحبى السفينه فيات 132

[Hisham.Elgazzar]

المشاركة الأصلية كتبت بواسطة aimooo انا لسه مكلم مصطفي من قريب حوالي اسبوع وقالي انو همو ساب الشغل وهينزل شغل تاني بعد العيد وانت يا اتش اكيد حصل حاجه منك بعد منزلت الفتيس بتاع العربيه حاول تروح لميكانكي ونزلو الفتيس والكردان واظبط الدنيا تاني علشان هنتطلع بعربيتك شرم وخليك صبور علي العربيه

ليه مصطفى ساب الشغل ليه كده هو فى حد لاقى شغل ياناس
لاحول ولا قوة إلا بالله العلى العظيم


انا متأكد من تركيب الفتيس وتعليق الكردان كويس بإذن الله

لكن المشكلة فى صمولة البنيون عاوز أقرط عليها مع انها بتيلة الفبريكة

والعفشة ورا بايظه خالص فعلا لازم تتهد وتتعمل من جديد لأنها متبهدلة

[محمدصلاح القاضى]

الحمد لله انتهيت من السمكره بفضل الله
والامور اتظبطت عن الاول بكتيير
وجبت واد بتاع بويه رايق وشغله على الهادى جدااااا واجمد حاجه انه شغال عندى فى البيت
تخيلوا طول النهار امبارح خاد العربيه سنفره وطفى البويا وبعدين اداها سكينه معجون وبعدين قالى انت تسيب العربيه 3 ايام عشان المعجون يعضم على الصاج وبعدين نصفيه ونسنفره بالكاوتشه ونديه معجون تانى ونلقط الواطى
وكان فى سؤال ليك يا أيمن بتعرفوا تعملوا استوكات الفريقه اللى هو عامل زى البلاستيك دا
لان مع التسخين والسمكره فى حتت باظت منه
وايه اسعار البويا من الاول لحد الاخر وايه افضل نوع يقضى الغرض وفى نفس الوقت مش غالى

المشاركة الأصلية كتبت بواسطة aimooo احب ابعت سلامي لكارز ادماير واحمد صادق

:36_1 3_6[1]::36_ 13_6[1]:

المشاركة الأصلية كتبت بواسطة Hisham.Elgazzar السلام عليكم ورحمة الله وبركاته إزيكم يا إخوانى ، عاملين اه يارب تكونوا جميعا بكل خير ويارب نسمع دائما عنكم كل خير يارب مستر كارز أدماير مصطفى مش باين وكل ماأكلمه مش بيرد محمد القاضى ، عامل اه ، يا رب تكون بخير أيمن ، معلش انا حاولت انى اجرب اسافر بالعربية لكن شكلها باظت من عند الدفرنسل بقى صوت تخبيط جامد على سرعة 70 ونتا طالع ، فيدوب بروح بيها مشوار صغير واركنها أحمد صادق ، تحياتى وسلامى سلامى للجميع يارب نتجمع على خير بإذن الله

:Wki ss5:

[shoman011]

اولا مساء الفل على احلى رابطة
يجماعة النهاردة اكتشفت حاجة جديدة فى العربية الى مشتريها من حوالى شهر فرحت النهاردة علشان اطمن على زيت الكرونة والفتيس لاقيت ان الكرونة محشية قطع كاوتش من جوة ومش هينفع املاها زيت وسألت واحد صاحبى على الموضوع ده قالى كده يبقى الكرونة منتهية يعنى محروقة وقالى انها اكيد بتطلع صوت ونه وهى ماشية
بس الصراحة العربية مفهاش اى ونه خالص وصوتها زى العسل وانا بسافر دايما من اسكندرية لــ القاهرة كل اسبوع والعربية حلوة معايا فى السحب يعنى بمشى بيها دايما 130-150 بس انا اول ما عرفت موضوع الكرونة قلقت اوى منها وخايف اسافر بيها مع انى لازم اسافر بعد 3 ايام
فياريت تنجدونى وتقولولى ايه الحل ولو غيرت الكرونة هتكلف كام ومنين مع العلم انى من اسكندرية . وهل لو مشيت كده بيها فيها خطر ولا عادى ياريت حد يرد على بسرعة. والف شكر مرة اخرى