خليك صفيق وانتخب شفيق !!

[goudai]

المشاركة الأصلية كتبت بواسطة kimo10 تعرفوا يا شباب فوائد استمرار المظاهرات إيـــه ؟ : - على الصعيد "الدولي" : سيتراجع الدعم الأمريكي المباشر للعسكر ومخططهم الذي اقترحوه لواشنطن لشكل المرحلة المقبلة ، وبالتالي ستبحث واشنطن عن حلول أقرب للشارع كي تحافظ على استقرار مصالحها . - على الصعيد "العربي" : استعادة الصورة "الثورية" الحرة عن مصر "الأبية" القائدة لكل العرب ، واستمرار دعم الثورات الأخرى معنويا بعد أن خيبت آمالهم تصويت "حزب العبيد" للملعون شفيق . - على الصعيد "الداخلي" : أ- لـ "حزب الكنبة" : تحذير شديد اللهجة أن الاستقرار لن يأتي بمجيء حاكم عسكري ، وأن لن تهدأ البلد إلا بنظام "مدني" ثوري حقيقي ، وبالتالي ربط مصير مصالحهم بمصير "الثورة". ب- لـ"الثوار" : استعادة الروح المعنويــة للشباب ، واستعادة قوتهم وعنفوانهم وثقتهم بأنفسهم ، بعد أن عمل العسكر على كسر إرادتهم مدة سنة ونصف . جـ ـ لـ "الأحزاب والجماعات" : فرصــة أخيرة للتوحد حول أطروحه سياسية موحدة تُنقذ مــصر من أزمتها ، وتلبي طموح الجماهير ، فرصــة أخيرة للتوحد حول مــصر ، فرصــة أخيرة لنعلم الخبيث منهم والطيب ، وضربة لكل رجال العسكر . د - لـ "العسكر" : رسالة شديدة اللهجة ، والله لن تنعموا بالراحة حتى ينعم بها أهالي الشهداء ، يا حرس حدود "تل أبيب" ، و أن عملكم لمدة سنة ونصف لتفريق الصفوف جمعته لحظة صدق واحدة . ختاما / لو لم تستمر المظاهرات لمدة 10 أيام على الأقل ، وفي شكل مسيرات متحركة متنقلة توصل الثورة لكل شارح وحي ، نصل بها لشباك البيت الخاص بكل مواطن ، فسيستطيع الإعلام العسكري وقاذرواته أن يحتووا تلك الحركة في غضون اسبوع الى 10 أيام لو جلسنا ف الميادين . - اللهم انصرنا على من عادانا

تعرف من اضرار استمرار المظاهرات ايه:
على الصعيد الدولى : البورصة هتخسر واقتصادك هيسوء يوم بعد يوم
على الصعيد العربى : اتاحة الفرصة لدول عربية لا ترغب لمصر الاستقرار فى توسيع نشاطها المعادى داخل مصر
على الصعيد الداخلى:
ا-لحزب الكنبة : زيادة كرهه للثورة واللى عملوها وتاييدهم المطلق للعسكرى
ب- للثوار اتاحة الفرصة للمخربين للدخول بين صفوفهم وتشويه صورتهم
ج- للاحزاب والجماعات : بتديله المادة والمحتوى اللى يكيف عليه مصلحته الخاصةزى الاخوان كدة بيستغلوا الميدان فى الاوقات اللى يحتاجوه فيها فقط وهم حاليا بيستغلوا الغضب من الحكم على مبارك لكسب تاييد لمرشحهم محمد مرسى
للعسكر : فرصة للبقاء فى السلطة لمدة اطول ومساعدتهم على ترك مهمتهم الاصيلة وهى حماية حدود البلاد لان هما كدة كدة مش هيسيبوا البلد تنهار وهى فى ايديهم
ختاما " ليس التظاهر هو الحل لتحقيق المطالب وانما ابداء رايك مع استعدادك لتقبل الاخر
وبعدين ده حكم قضائى رفضه معناه عدم الرغبة فى الامتثال للقانون والاستعداد المطلق للفوضى

[goudai]

المشاركة الأصلية كتبت بواسطة man2731212 واحنا ايه اللى يغصبنا ان احنا نجرب ناس ودونا فى داهيه قبل كده الثوره تعنى التغيير والا مكنش نعمل الثوره ديه من الاساس خلينا نبص للمستقبل شويه ونجرب كوادر جديده لعل وعسى ينصلح حال البلدى

وهل الثورة قامت لتضع بين يدى الاخوان كافة مؤسسات الدولة تشريعية وتنفيذية ونقابية لتحتكر السوق السياسى وتطيح بكافة الاطياف الاخرى
اعلم انك من الممكن الا تتقبل منى الكلمات الاتية ولكنى اعتقد ان وجود شفيق كرئيس سيدفق الدماء فى عروق الشارع السياسى كاملا لانه بذلك يتيح للكافة فرصة النقاش والتعارض والقبول اما وجود مرسى يعنى ان القرار يصدر عن ممثلى الشعب لينفذه ممثلى الشعب ممثلين فى مرسى ونعود بذلك لحزب وطنى يعرف مصلحتنا اكتر مننا ومتنساش ان القرار اولا واخيرا سيخرج من تحت مظلة المرشد

[silverlite]

جوداى,, اسم محارب من حروب الافلام الامريكى ...بس المحارب المصرى- اللوكال - طلع تعبان خالص ...!!

[goudai]

المشاركة الأصلية كتبت بواسطة silverlite جوداى,, اسم محارب من حروب الافلام الامريكى ...بس المحارب المصرى- اللوكال - طلع تعبان خالص ...!!

ارجو انك تعذر فهمى البسيط وتوضح لى
حضرتك بتحاول تشارك باسلوب لوكال ولا اسلوب محارب

[tacker]

وهل الثورة قامت لتضع بين يدى الاخوان كافة مؤسسات الدولة تشريعية وتنفيذية ونقابية لتحتكر السوق السياسى

طبعا لأ ..ولكن الشعب اللى قامت من أجله الثوره عاوز كده..طيب ليه ما نجربش؟؟؟

ولكنى اعتقد ان وجود شفيق كرئيس سيدفق الدماء فى عروق الشارع السياسى كاملا

أنا لا أعتقد ذلك لأن شفيق اتربى على الأمر والنهى والتسلط والعنجهية ..وينظر للشعب المصرى نظره دونية..وهو فعلا كرئيس سيدفق الدماء ليست فى عروق الشارع ولكن على اسفلت السجون والطرقات بالقبض على كل معارضيه وارجاع أمن الدوله أقذر من عهد مبارك لأن ده اللى اتربى عليه ومايعرفش غيره

يتيح للكافة فرصة النقاش والتعارض والقبول

أشك فى ذلك تما ما تماما للاسباب السابقة انه مايعرفش غير الأمر والنهى والطاعه العمياء (هو اتربى على كده ومنقدرش نلومه)

اما وجود مرسى يعنى ان القرار يصدر عن ممثلى الشعب لينفذه ممثلى الشعب ممثلين فى مرسى

يعنى انت معترف انهم ممثلى الشعب ..طالما الشعب هو اللى اختارهم بخطره يعنى مقتنع بطريقتهم ..يبقى لازم يلتزم بأسلوبهم

ومتنساش ان القرار اولا واخيرا سيخرج من تحت مظلة المرشد

ده كلام مغلوط بيردده اعوان الحزب الوطنى والفلول واحنا بنردده وراهم ..وبعدين هو امتى تسلم الأخوان الحكم علشان نعرف الحكاية دى ..ولكن شفيق تلميذ مبارك احنا جربناهم ثلاثييييييين سنه وعارفينهم كويس قوى..
وتقبل تحياتى ...