بصراحه هل تحب مبارك ؟؟؟؟؟

[محمد اشرف]

لا حول ولا قوة ال بلاه فيك ييا مبارك

[محمد عبد النور]

المشاركة الأصلية كتبت بواسطة albarbary أكبر دليل على ضيق الأفق فى الحوار إن الناس بتوع 25 يناير فاكرين ان الموضوع كله حب لحسنى مبارك الموضوع يا سادة يا محترمين تقييم لأداء حاكم حكم مصر لمدة 30 سنة ، هو عمل إيه صح و عمل ايه غلط ، لكن لا مؤاخذة هو لا هيجوز بنتى ولا بنتك علشان نحبه أو نكرهه و بعدين مش افتكاسة يعنى ان تقولولى مبارك مش كان بيحارب لوحده ، ما انا عارف كويس كدا ، لكن الضربة الجوية هى مفتاح النصر مش فى أكتوبر بس ، لا دا لأى جيش فى العالم ، و افتكروا القصف الجوى استمر على العراق أد إيه قبل نزول القوات البرية و بعدين على رأى لميس الحديدى لو حسنى مبارك فضل 30 سنة يحكمنا من غير أى انجازات و كنا ساكتين ، يبقى احنا نستاهل ضرب الجزم بيقولك دخل المبيدات المسرطنة و التهم الجاهزة دى ، وباع بلده لإسرائيل ، أقسم بالله حاجة غلب ، وعار عليكم ، و الله عار عليكم الكلام دا، زى ما تكونوا حضراتكم أكثر وطنية من رئيس الجمهورية أو اللى بدعوا الكلام دا أكثر وطنية من رئيس الجمهورية ، طبياً مفيش حاجة اسمها مواد مسرطنة دا طبياً و علمياً و اسأل دكتور يكون فاهم و هيقولك ، و ثانياً أنا أبقى أجيب لك صورة تقرير يوضح نسبة السرطان فى مصر و دول العالم و ترتيب مصر فيها كام الغاز لم يتم وقف تصديره لإسرائيل حتى الآن و الغاز كان يتم تصديره وفقاً للسعر العالمى ، و كان يتم تصديره للأردن بنفس السعر العالمى ، السعر العالمى له حدين أقصى و أدنى ، احنا كنا بنصدر بالأدنى ، يعنى عادى مش خيانة و الهبل دا ، خيانة ايه و هبل ايه ، دا كلام مصاطب ، يقعد ابراهيم عيسى ولا حمدين صباحى و لا أيمن نور فى قناة فضائية و يقعد يملأ الدنيا كلاماً و هو كالطبل الأجوف يسمع قرعه من بعيد و باطنه من الخيرات خاو و بعدين ما دام أحسن لك تقعد فى البيت و مش تعمل حاجة لبلدك يبقى حضرتك تلتزم الصمت بقى و متتكلمش فى حق واحد قاد البلد 30 سنة ، له مميزاته وله أخطائه زى أى حاكم فى الدنيا

ازاى مفيش اى حاجة اسمها مواد مسرطنة امال بنحقن الفيران اللى بنعمل عليها تجارب بايه براجون او بودرة نما مثلا انا وقفت لحد الحتة دى ومش هكمل باقى انجازات مبارك العظيمة واحد مرة قالى كفاية انه مسفلتلنا الطريق

[Joker2012]

هو فيه حد عاقل بيحب مبارك

اللي بيحبو مبارك دول مرضى متعودين يبقا فيه حد يحكمهم غصبن عنهم

[reda310]

يا اخوانا الموضوع انتهى وفى ايد القضاء وهيتحاسب زى زى اى حد غلط وريحونا بقا
وكفايه حرق دم هو يحرق دمنا وهو رئيس وبعد متخلع كمان
بس لا للتواطؤ ومصر فوق الجميع

[reda310]

تحية خاصة corsair ولكل من لا يرضى بالظلم من المصريين
والمصرين على محاكمة الظلم والظالمين والقصاص منهم
ولكم في القصاص حياة يا أولي الألباب لعلكم تتقون
صدق الله العظيم