ارشيف الاستراحة 2010

[atgps]

المشاركة الأصلية كتبت بواسطة ahrambc (9) الفقره دى لأنسات و سيدات المنتدى : هاتدينى خصم كام تقول 5 % تقولها 15 % تحسبها على الآله و بعدين تقولك لأ 10 % عادل كمان الأحجار الكريمه موجوده هناك بأنواع و تشكيلات غايه فى الجمال و الأناقه و اسعارها معقوله و الألوان بتاعتها خرافيه و اشتريت من عندهم بصراحه حاجات كويسه ( عرفت من واحد جواهرجى لما رجعت ) بأسعار اكثر من ممتازه و بيعملوا الأحجار دى هناك غوايش و حلقان و تعليقات فى السلاسل الذهبيه و خواتم طبعا. يتبع ....

على فكرة الفصال فى الصين يبدأ من 50% وانت وشطارتك ومن الطبيعى لما بتطلب خصم يبدأوا بـ 5% لإعطائك الاحساس ان موضوع الخصم صعب جدا.

وعلى فكرة الأحجار فى هونج كونج أجود وأضمن فى الشراء.

[atgps]

وبالطبع حضرتك رأيت النظام فى المرور فى الصين يشابه الدول الأوروبية ولكنه فى هونج كونج أكثر صرامة وعلى فكرة الصورة ديه فى شينزن (شين جين) وأكيد حضرتك عديت عليها وانت ذاهب الى هونج كونج وعلى فكرة أنا دائما أذهب الى هونج كونج سيرا.

[ahrambc]

المشاركة الأصلية كتبت بواسطة atgps وعلى فكرة أنا دائما أذهب الى هونج كونج سيرا.

لم افهم هذه النقطه جيدا

حيث سار بنا الأتوبيس حتى هونج كونج لمسافة كبيره فكيف يمكن قطعها سيرا

عموما هناك جزء فى اليوميات خاص بهونج كونج

تحياتى

[ahrambc]

(11)

جاء الرجل و لنطلق عليه مستر بيل فى الموعد و قد احضر لى هديه بسيطه – أو هكذا تخيلتها – و هى عباره عن علبتين من الشاى و لكنه طلب منى الأحتفاظ بهم حتى الرجوع للوطن و علمنى طريقة عمل الشاى منهم و كنت قد اشتريت له هديه من السوق الحره بالقاهره قبل سفرى . و بعد اخذ بعض الصور التذكاريه توجهنا للمعرض و من لحظتها تحول الرجل للمرشد السياحى و السياسى و الأجتماعى لحضرتنا . و قد عصرت الراجل أسئله لكى يفهمنى مالم أفهم .

و أول سؤال كان عن لون ازياء رجال الشرطه فأجاب بأن الأزرق للشرطه و الأخضر للجيش أى أن الجيش هو ما يتولى جميع أمور الأمن فيما عدا المرور و بعض الأمور البسيطه الأخرى . و عن الشرطى الواقف أمام الأوتيل يسجل أرقام التاكسيات فهذا مهمته فى حال نسيت شىء فى التاكسى أو السائق غالطك فى الحساب أن يحضر جميع السائقين فى الموعد الذى ركبت فيه لكى تختار واحدا هو سائقك و يجيب حقك منه .

اما عن السيارات الفخمه فى الشوارع فهى لمديرو الشركات . و يعنى انت عاوز لما ييجى ضيف أجنبى ( يعنى غير صينى ) نركبه موتوسيكل و لا سياره صغيره.

معظم الشركات الموجوده هناك قطاع عام اى ملك للدوله و القطاع الخاص مساهمته محدوده جدا و مساهمة القطاع الأجنبى محدوده أكثر و معظم الأستثمارات الأجنبيه فى قطاع البنوك و مشاركة رأس المال الأجنبى بالمال فقط يعنى لك أرباح و فلوس بس و تحولها لبره بدون مشاكل بس مالاكش دعوه بأى شىء آخر و لأن رأس المال الأجنبى بيكسب هناك كويس جدا فلا يتكلم عن أى شىء و لذلك نرى الشركات الأمريكيه و الأوروبيه تتقاتل للدخول هناك بأى شروط يفرضها الصينيون.

لا يزال تحديد عدد المواليد بواحد ساريا و بصرامه و اذا العائله خلفت واحد تانى فالدوله تفرض عليه ضرائب و رسوم باهظه لن تستطيع العائلات العاديه دفعها و بالتالى تقوم الدوله بأخد الطفل منهم و تربيته بمعرفتهم و طبعا لا تعليق عندى .

المافيا الصينيه موجوده فى بعض المدن ذات الأحتكاك بالأجانب بشده و اكبرها توجد فى شنغهاى و هى ميناء رئيسى بالصين و هى مافيا خدومه و مؤدبه أى أنك طالما تدفع الأتاوة الشهريه لمندوب الشركه الأنيق – كما يطلقون عليها - بانتظام فلن يحدث لك أن نوع من المشاكل و اذا كان لك فلوس عند واحد و عندك دليل على الفلوس فياخدوا 10 % منها و يجيبولك الفلوس اما بدون دليل فلا ...لأن هذه النسبه تقسم بين الفرع اللى انت تبعه و الفرع اللى الراجل التانى تبعه. و هناك تسعيره أخرى لعمليات التأديب و التخويف بل و الأغتيال و حسب أهمية الشخص نفسه .

هذه الظواهر جاءت نتيجة الأنفتاح كما قال لى مستر بيل و هى تتركز فى شنغهاى بالخصوص.

عندما وصلنا للمعرض طلب منى مستر بيل ان اتوجه معه للأستقبال لكى يتمكن من استخراج تصريح دخول لنفسه على أساس انه مترجم خاص لى و قد كان وهناك عرفت انه يمكن استئجار مترجم أو مترجمه شخصيه تكون مرافقه معك بقيمة تتراوح بين 100- 300 دولار و لكن يجب عليك ان تكون صاحى لنفسك لأن المترجم ممكن يعمل شغل مع البائع من ورا ظهرك .

هذه الظاهره منتشره بشكل ضخم . أى ظاهرة البيزنس من تحت الترابيزة و العمولات الخاصه و السمسره و بشكل يكاد يكون شرعى و معترف به لكن غير رسمى يعنى مثلا انا عاوز بضاعه من مستر لى و اتفقت معاه على سعر لكن مستر لى لا يستطيع ان يصدر و الشركه اللى هاتصدر هى شركة مستر بيل فاعمل حسابك ان فيه عموله خاصه لمستر بيل هاياخدها منك مثلا 3 % غير العموله اللى مستر بيل هاياخدها من مستر لى . لكن العموله دى مش عاشان يمشى الورق زى عندنا …لآ دى علشان يتأكد من مواصفات و كمية البضاعه و تبقى تحت مسئوليته . و هناك عندهم شركات أخرى للتأكد من انك لا تتعامل مه شركة وسيطه و أنك تتعامل مع شركة سمعتها كويسه ….الخ

الناس دى تعمل كل وقت و اى وقت و دايما . اتذكر اننى كنت اطلب مستر بيل فى أوقات العمل عندنا بكل بساطه . لما رحت هناك تذكرت انى ممكن اكون طلبته فى الساعه 3 الفجر او الساعه 1 الفجر و الراجل رد على بمنتهى البساطه و اتكلمنا على الماسنجر و بعت فاكسات و ايميلات و رد عليهم . كل ده من بيتهم و راح تانى يوم الشغل عادى . لما سئلته عن هذا الموضوع اخبرنى بأنه ده عادى جدا و انه عنده فى البيت اوراق للشغل و انهم متفهمين فروق التوقيت لباقى العالم عنهم و انه عنده بنت فى الجامعه و محتاجه مصاريف علشان تدرس.

كيف يمكن أن نتفوق على بشر كهؤلاء ………….. انسوا



يتبع ......

[mamelgadah]

النظام في اي مجتمع والامانه والشعور بالوطنية والخوف علي البلد هو اللي بيصنع المعجزات
طالما عايش كويس وواخد حقك