هيونداي الانترا ( افانتي ) 2011 صاروخ جديد حيقعد هوندا سيفيك و تويوتا كورولا و شيفورلية كروز و كيا سيراتو في البيت

[pro a7mad]

الي عملته هيونداي بيفكرني بيلي عملتو تويوتا ....تويوتا نزلت الكامري و أوريون و الافالون , تقريبا بشكل متشابه في التصميم العام للتلات سيارات مع الاختلاف البسيط في شكل الكشافات و بعض الخطوط غير طبعا امكانيات العربية الداخلية الي هتختلف...لكن الشكل العام الخارجي متشابه ... وده الي عملته هيونداي , هنلاقي ان الاكسنت و الالنترا و السوناتا , كلهم طالعين بشكل واحد تقريبا مع اختلاف الحجم و الامكانيات

[PoweRPassioN]

جامده جدا طبعا وحتى موتورها 138 حصان وفتيسها 6 سرعات اوتوماتيك كمان روعه
خساااااااره ف غبور

[horas3000]

المشاركة الأصلية كتبت بواسطة Ahmed Anwer لا يا باشا هيونداي في السوق الأمريكي و الصيني ترتيبهم ممتاز و بتقارير و الأول تقريبا كمان في الهند من حيث التصدير،، كفاية انهم الشركات الوحيدة اللي مبيعاتهم زادت في ظل الازمة الاقتصادية الخليج أنا عارف ان ترتيبها في السعودية و من فترة بعد تويوتا مباشرة و طبعا معروف عشق السعوديين لتويوتا و قوة توكيلها هناك حتي عندكم في الكويت ،، سمعت من ناس قرايبي هناك إن بعد 2006 حصل إسهال عربيات هيونداي و الوضع احتلف تماما اوروبا طبعا سوق مقفول علي كل الآسيوي و بخصوص الطابع العام ،، أنتا عارف ان الشركات الاسيوية كلها مالهاش طابع يعني كل جيل من فئات سيارتهم علي بعضه بيكون تصميم مختلف تماما عن الجيل السابق زي الياريس - كورولا - كامري ،، اختلاف كلي و جزئي عن الجيل السابق

مش مختلف معاك يا احمد باشا
هيونداي فعلا عاملة مبيعات هايلة في الصين و امريكا ده حتي فتحت مصنع في الصين كمان بجانب اللي في الهند و كوريا طبعا يعني مسيطرين علي اسيا بالكامل
اما في الخليج فالسعودية بس اللي شهدت انتشار كبير ليها لكن باقي الدول و منها الكويت الانتشار مش كبير

انا قصدي انه علي الرغم من المبيعات دي تبقي غير مفضله بمعني ان ملاكها و في اقرب فرصة هيكونوا سعداء من التخلص منها و استبدالها بسيارة اخري من ماركة اكتر شهره و ده حقيقة للاسف
هيونداي نفسها عارفة كده و بيشتغلوا بقالهم فتره علي تغيير صورتهم ده عشان كده ابتدوا في اعتماد التصاميم الاوروبية و الثوريه و استغلوا كيا كفرع رياضي ليهم و طبعا الدخول في مجال السيارات الفخمة
كل ده ساهم بشكل و لو ضعيف في تغير صورتهم لكن لسه برضوا الناس مش قادره تهضم هيونداي كشركة كبيرة علي الرغم من انها كده فعلا

شخصيا انا شايف ان هيونداي ماشية علي خطي تويوتا بالظبط و قدامها شوية عشان تكمل صورتها كمصنع لسيارات عاليه الجوده و الاعتمادية لكن زي ما قلت ده كله هيخسرها اهم ميزة ليها و هي السعر المتواضع. يمكن ده مش ظاهر حاليا بسبب الازمة الاقتصادية و ارتفاع اسعار السيارات اليابانية و الاوروبية مما افسح المجال لهيونداي انها تنتشر لكن لما الامور تستقر اعتقد انه هيبقي فيه كلام تاني
و هو ده في راي سبب ان هيونداي عماله تفتح مصانع في كل حته عشان تقلل تكاليفها علي قد ما تقدر عشان تظل محتقظة باهم مميزاتها و بصراحة اهنيهم علي الفكر ده و ان كانت دي فكرة تويوتا في الاساس لكن تخلت عنها لما تضخمت بالشكل الحالي

[hero_hamada]

طيب يعنى الناس تشترى ولا تستنى الشكل ده
واعقتد انه هينزل اغلى 30 او 40 الف عن السعر الحالى
صح؟

[lol64]

ياجماعه العربيه مزغلله عنيا جامد قوى امتى نشوفها فى مصر بقى بس يارب الخال غبور مايشيلش الجنوط منها انشالله يسيب الفردتين اللى قدام بس بجنوط سبور حتى واحنا نكمل