للرد على استفسارات الاعضاء والدعم الفنى لمالكى الفيرنا

[احمد سويلم]

المشاركة الأصلية كتبت بواسطة waelsalah السلام عليكم و رحمة الله تم بحمد الله تعالى استلام فيرنا 2013 زيرو أجره والله المستعان على امره تعالى 1- احط مية ريداتير زرقا ولا خضرا ونوع ايه وبكام من فضلكم ؟ 2- افضل زيت ايه احط شل الاصفر اللى مرسوم ع الزجاج ؟ 3-بنزين 80 مناسب ولالا ؟(خصوصا انها اجره) 4-عشان تفادى هبوط العربيه من الخلف عشان اسطوانة الغاز بيركب صدادت للمساعدين ولا تغيير السسط ( بيتغيروا لايه ونوعهم و سعرهم من فضلكم ) 5-الصيانة الدورية بتكون ازاى ؟ والعفشه بتتربط كل اد ايه ؟ 6- ايه تانى خلاف ما سبق من فضلكم ؟ اسف جدا للاطالة وشكرا جزيلا

ألف مبروك العربيه يباشا وربنا يديك خيرها ويكفيك شرها وانت اصلا بقالك سنه متردد فى الموضوع ده والحمد لله اخيرا ربنا كرمك
وبالنسبه لاسئله حضرتك هجاوبك عليها كلها وبالتفصيل
1- بالنسبه للميه عاوز اقولك ان الزرقاء هى الخضراء ومتفرقش اى حاجه خالص ولكن خد بالك ان السوق مليان ميه مضروبه عليها لون وخلاص وعشان كده بنقول لازم تجيب ميه مضمونه وانا ياسيدى لسه جايب جركن موبيل ازرق ب68 جنيه من بنزينه موبيل ومتخافش ومتعتبروش غالى لانه هايعيش معاك سنه كامله
يعنى الجركن اللى انا اشتريته من شهر ده تالت جركت اشتريه من 3 سنين

2-
لو هاتحول العربيه غاز حط زيت فيسكو الاماراتى واسنه فثيسكو 2000 وبيكون فى جركن لونه اخضر وهو زيت محترم جدا جدا وهايعد معاك اكتر من 5000 كيلو وسعره 97 جنيه فقط وهاتشتريه من اى بنزينه كار جاز بتاعه الغاز الطبيعى فى المنصوره واوعى تقولى مفيش كار جاز فى المنصوره لان انا كنت فى المنصوره من حوالى سنه وفولت غاز من كار جاز ولكن مش فاكر طبعا من فين !!
3- اوعى تحط بنزين 80 نهائيا ... لو حطيت 80 العربيه هاتجيب معاك طرمبه بنزين على طول ولازم تحط 92
ومتخافش لان انت هتفول بنزين مره كل شهرين وهاتتكلف حوالى 65 جنيه لان لتر 92 بيعمل 185 قرش
ونصيحه منى بقى متخليش المؤشر ينزل عن النص ابدا لان العربيه ممكن تشطب منك غاز فى اى وقت وانت مسافر او على طريق ومتلاقيش غاز وفىا لحاله ديه تعرف تتصرف وتحول بنزين وتكمل مشوارك وثانيا عشان تحافظ ع العوامه وربنا يقدم اللى فيه الخير ان شاء الله

[احمد سويلم]

بالنسبه لموضوع انا لعربيه واطيه فالموضوع ده خلاص انتهى من موديلات 2011 و 12 و 13 اللى هو اخر موديل للفيرنا
وكانت مشكلته ياسيدى فى ان علبه الشكمان كانت كبيره وفى الموديلات اللىا نا ذكرتهالك ده صغروا علبه الشكمان وانا شخصيا معايا 2010 والعربيه فعلا مؤرفه وبتحك فى المطبات
وعشان كده بقولك بلاش تعلى العربيه لانها ان شاء الله مش هتحتاج وهاتركب 3 ورا مرتاح

العفشه انا شخصيا بربطها كل شهرين تقريبا بصرف النظر عن عدد الكيلوات اللى انا بعملها
كل شهرين بظبط زويا وارصص واربط العفشه ب40 جنيه تقريبا

وبالنسبه للمشروع هو مشروع كويس جدا بس اهم حاجه انت اللى تركبه ومتخليش حد يركبه معاك لان التاكسى خيره للى راكبه مش لصاحبه

لو احتاجت اى حاجه تانى اسال ومش تتردد
ولو عليت فانصحك انك متجريش على الطريق لان العربيه مش هاتكون موزونه معاك

[waelsalah]

المشاركة الأصلية كتبت بواسطة احمد سويلم بالنسبه لموضوع انا لعربيه واطيه فالموضوع ده خلاص انتهى من موديلات 2011 و 12 و 13 اللى هو اخر موديل للفيرنا وكانت مشكلته ياسيدى فى ان علبه الشكمان كانت كبيره وفى الموديلات اللىا نا ذكرتهالك ده صغروا علبه الشكمان وانا شخصيا معايا 2010 والعربيه فعلا مؤرفه وبتحك فى المطبات وعشان كده بقولك بلاش تعلى العربيه لانها ان شاء الله مش هتحتاج وهاتركب 3 ورا مرتاح العفشه انا شخصيا بربطها كل شهرين تقريبا بصرف النظر عن عدد الكيلوات اللى انا بعملها كل شهرين بظبط زويا وارصص واربط العفشه ب40 جنيه تقريبا وبالنسبه للمشروع هو مشروع كويس جدا بس اهم حاجه انت اللى تركبه ومتخليش حد يركبه معاك لان التاكسى خيره للى راكبه مش لصاحبه لو احتاجت اى حاجه تانى اسال ومش تتردد ولو عليت فانصحك انك متجريش على الطريق لان العربيه مش هاتكون موزونه معاك

الف شكر يا ابو حميد

ايه رايك اروح التوكيل بعد الالف الاولى ولا اتوكل على الله واتابع بره مع الصنايعيه

امشي اد ايه بنزين قبل الغاز ؟ شهر ولا كام كيلو ؟

سمعت واحد قالى ان بنزين 80 مهم عشان يكربن العربيه قبل تشغيل الغاز

بنزين92 هيوفى فى الشغل ؟

ربنا يوسع عليك ويكفيك شر الطريق - اللهم امين اجمعين
ومتشكر جدا لاهتمامك

[M.TONSY]

المشاركة الأصلية كتبت بواسطة waelsalah السلام عليكم و رحمة الله تم بحمد الله تعالى استلام فيرنا 2013 زيرو أجره والله المستعان على امره تعالى 1000 مبروك 1- احط مية ريداتير زرقا ولا خضرا ونوع ايه وبكام من فضلكم ؟ هى بتنزل بمية خضراء ولو عايز علشان التزويد بتشترى مياه ايادا الاسبانى او موبيل اى نوع كويس عبوة ا لتر 2- افضل زيت ايه احط شل الاصفر اللى مرسوم ع الزجاج ؟ انا عن نفسى بحط فيسكو 2000 الاماراتى وشغال زى الفل احسن من شل 3-بنزين 80 مناسب ولالا ؟(خصوصا انها اجره) ابعد عن 80 نهائيا وركب غاز بعد 5000 ك تكون لينت وشربنت تمام 4-عشان تفادى هبوط العربيه من الخلف عشان اسطوانة الغاز بيركب صدادت للمساعدين ولا تغيير السسط ( بيتغيروا لايه ونوعهم و سعرهم من فضلكم ) انا لما ركبت الغاز معلتش خالص او عدلت حاجة فى العفشة وشايفها معقولة علشان التعلية بتعوم العربية وهى مش ناقصة 5-الصيانة الدورية بتكون ازاى ؟ والعفشه بتتربط كل اد ايه ؟ الصيانة الدورية اتبع تعليمات الكتالوج بتاعها وممكن انت بنفسك تعملها عند اى صنايعى كويس بعيد عن بوز غبور وبالنسبة للعفشة والترصيص والزوايا كل 10000ك تظبطهم 6- ايه تانى خلاف ما سبق من فضلكم ؟ تسوقها وتعيش حياتك وربنا يسترها معاك اسف جدا للاطالة وشكرا جزيلا

ربنا يبارك لك فيها يا وائل باشا ويسترها معاك

[احمد سويلم]

المشاركة الأصلية كتبت بواسطة waelsalah الف شكر يا ابو حميد ايه رايك اروح التوكيل بعد الالف الاولى ولا اتوكل على الله واتابع بره مع الصنايعيه امشي اد ايه بنزين قبل الغاز ؟ شهر ولا كام كيلو ؟ سمعت واحد قالى ان بنزين 80 مهم عشان يكربن العربيه قبل تشغيل الغاز بنزين92 هيوفى فى الشغل ؟ ربنا يوسع عليك ويكفيك شر الطريق - اللهم امين اجمعين ومتشكر جدا لاهتمامك

انسى التوكيل خالص لان انت اجره يعنى ممعكش الحاجتين اللى هما الوقت والصبر وعشان كده كبر دامغك من التوكيل ومن الليمون الساقع بتاعهم لان انت هاتعمل الحاجه برا ب100 ولو فى التوكيل هاتبقى 3 اضعاف يعنى 300
حول غاز بعد الفين كيلو وعلى فكره مش شرط تكمل ال5000 اهم حاجه بس تكون الشمايز والبساتيم والهلايل والسبايك اتشمعت كده بطبقه زيت خفيفه
وعشان كده بنصحك تحط 5 لتر 80 فقط مع الكام تفويله اللى انت هاتفولهم عشان توصل لالفين كيلو
لان ال80 فى زيت خفيف
وبعد كده متحطش 80 نهائيا عشان الطرمبه والسحب وعشان العربيه متسقفش معاك مزيكا حسب الله مع كامل حبى واحترامى وتقديرى لهذا النوع من الموسيقى

العربيه بتشتغل بيها الصبح بنزين لمده ساعه يوميا لان الغاز بيهرى المكنه
وانا بتكلم عليك لانك اجره عشان عارف ان الناس هاتدخل تستغرب الكلام
وطبعابعد كده هاتقلب غاز عادى وتكمل شغلك
خد بالك لو اشتغلت اليوم كله 92 هتلاقى نفسك مفيش مكسب لانا لشغره ديه مكسبها فى فرق سعر الغاز من البنزين
بمعنى انك لو اشتغلت مثلا 10 ساعات يوميا ع البنزين 92 هتلاقى نفسك اخر اليوم مطالب انك تحد بنزين ب40 او 45 جنيه
ولو هاتشتغل غاز ال10 ساعات هتكون مطالب تحط ب6 جنيه فقط غاز

اى استفسار تانى انا فى الخدمه ياكبيــــــــــــــــــر