حقك علينا يا ريس

[Meemo The Beast]

دعونا نتذكر بعضا من الإنجازات المشرفة في عهد السيد الرئيس

• سنة 1981 الخروج سالما من مقتل سلفه الرئيس السادات رغم جلوسه على المقعد المجاور
• في سنة 1984 تم نهب شركات توظيف الأموال و على رأسها الريان و توزيع اموال المودعين على كلاب الحكومة بمساعدة الجزار زكي بدر
• سنة 1985ضباط الأمن يدوسون ارضية مسجد ادم في عين شمس و يقطعون المصاحف و يلقون بها قي الشارع ايضا بمساعدة زكي بدر
• سنة 1986 تصفية الشهيد سليمان خاطر داخل السجن لأنه قتل بعض اليهود
• سنة 1991 سحب الفريق بلال القائد السابق للقوات المصرية في حرب الخليج من حفر الباطن لأنه ثار لكرامة مصر و قتل احد كبار الضباط السعوديين الذي كان قد اهان الجيش المصري
• سنة 1995 - 1999توزيع تعويضات الخليج على متضرري الحرب بعد خصم 50% منها لصالح هليبة الحكومة
• 1999 سقوط طائرة مصر للطيران أثناء عودتها من الولايات المتحدة و على متنها مجموعة من خيرة ظباط الجيش المصري
• 2000سحابات سوداء من التلوث تملأ سماء مصر منذ بداية الألفية و السبب حسب اجهزة الإعلام المصرية يعود الى حرق قش الأرز و الذي يحرق منذ الاف السنين و ليس طبعا السبب هو انتشار المصانع التي تفتقر لشروط البيئة و التي يديرها المستثمرون الطيبون
• 2002 احتراق قطار الصعيد و بداخله مئات المصريين المساكين
• سنة 2004 يوسف والي وزير الزراعة و العضو البارز في الحزب يخرج بفضيحة بعد ثبوت ضلوعه في جلب مبيدات مسرطنة للشعب المصري و طرمخة القضية بعد ذلك خوفا من أن يجر معه مسئولين اخرين
• 2006 غرق العبارة السلام 98 و على متنها الاف المصريين و هروب صاحب الشركة المالكة بمساعدة زكريا عزمي و الرئيس يصطحب عائلته لمشاهدة المنتخب القومي و التلويح للاعبين من داخل غرفة زجاجية مصفحة
• 2011 مئات من زهور شباب مصر يقفدون حياتهم على يد السفاح حبيب العادلي بمباركة من المبارك لأنهم أرادوا ان يتظاهروا سلميا

هذا على سبيل المثال و ليس على سبيل الحصر و نحن في انتظار باقي الإنجازات و حقك علينا يا ريس

في النهاية أحب ان اشكر العزيز SAM RAM على كل المشاركات الرائعة و الآراء التي كما لو كانت خرجة من داخلي و لك الله يا مصر

[Komy]

المشاركة الأصلية كتبت بواسطة BASSEM BESO كل اللى انت بتقوله ده صح يااحمد بس ده فساد حكومى وتنفيذى مش نظام بأكمله واقولك نقوله حقك علينا ليه : - طوال 30 عاما فى امن وسلام . - طوال 30 عاما فى تقدم مستمر . - طوال 30 عاما فى ازدهار وتطور . - طوال 30 عاما فى عدم تدخل فى شؤون مصر . - طوال 30 عاما فى تطوير الصناعه والأستثمار . - طوال 30 عاما فى حب وتأمين مصر . - طوال 30 عاما فى حريه . - طوال 30 عاما فى محاوله جاده فى طرد الفساد . - طوال 30 عاما رئيسا وقائدا عظيما لمصر . وانا معرفش لمصر رئيس غيره ولا عايز اعرف والرجل عمل كل مافى وسعه من محاربه للفساد والقضاء عليه ومننساش ابدا يااحمد انه بطل وقائد من ابطال حرب اكتوبر العظيمه فميستهلش ابدا اللى يتعمل فيه كده ابدا

إنت بتتكلم عن فرنسا ولا المانيا ولا الامارات يا ريت تحدد يا بيسو علشان الامور تبقى اوضح. ههههههههههههه

[MIDO-SPICY]

المشاركة الأصلية كتبت بواسطة Ahmed Anwer وصلت القاهرة صباح اليوم ،، الحمد لله ،، بعد رحلة طويلة من باريس لمدة عشر ساعات ليست هيا المهم الآن ،، في ساعات الانتظار بمطار شارل ديجول ،، شاهدنا علي كمبيوتر أحد المنتظرين المصريين بيان الرئيس مبارك في الواقع استقبله جميع المصريين المنتظرين في المطار بسعادة بل صفقنا بعد نهاية الخطاب فقد أعلن عدم ترشيحه مرة آخري ، أعلن تحديد فترة رئاسة محددة ،، أعلن تعديل مواد الدستور المعيوبة و أمتلأ وجهنا بالسعادة فقد انتهت الأزمة و نجحت الثورة وصلت القاهرة و في ساعات الانتظار الطويلة لم أجد ما أفعله سوي الجلوس مع بعض الأصدقاء علي مقهي بمدينة نصر عرض أحد الأصدقاء إن نذهب لميدان التحرير ،، حيث كان هناك بالأمس في وقت المظاهرة المليونية ، و كان الجو العام ظريف شباب و رجال و نساء و عجزة و أطفال و أسر و مشايخ و فرافير و محجبات و منتقبات و متبرجات كلهم في مكان واحد علي حسب وصفه و لما شاهدنا في التليفزيون صور الخيالة و الجمال المقتحمة للميدان ،، قلنا لا مشاكل فلنزيد عددهم و نؤازرهم و صراحة ،،،، اهو تسلية بدل فراغ الانتظار و ليتني ما ذهبت !!!! لم نستطع الوصول إلي ميدان التحرير حيث فوجؤنا ببلطجية أشكالهم و العياذ بالله بالضبط كده زي اللي بتشوفوهم بيقولوا عليهم مجرمين هاربين في التليفزيون المصري مع ناس شفتهم بعيني دوول ماسكين لاسلكي و و طبنجات في جنوبهم و للأمانة شفتهم في مظاهرات التأييد في شارع 26 يوليو حسبي الله و نعم الوكيل ،،، في المناظر اللي شفتها عربيات نص نقل شايلة شوية عربجية ،، و ستات أشكالهم و العياذ بالله قنابل مولوتوف ،، زجاجات مكسرة ،، سنج ، مطاوي ، سيوف ،، عاملين نلف من كل ناحية مش عارفين نوصل للمحتجين مش للمؤيدين البلطجية البلطجية عمالين يقولوا كلام جامد أووي البرادعي الخاين ،، عايز نرجع شغلنا ،، هوا ميدان أهاليهم ،، مش هيمشي ،ن دوول تبع إيران ،، دول عملاء ،، مين اللي بيأكلهم و بيشربهم الغريب ،،، إن البلطجية ما كانوش قادرين علي المتظاهرين و كانوا بيجروا منهم و ده لحد ما مشيت مش عارف أيه اللي حصل بعد كده ،، حسبي الله و نعم الوكيل خيرة شباب مصر و زهرتها و أجمل ما فيها يقتل علي ايد شوية عربجية و مسجلين خطر للأمانة شفت بعض مظاهرات تأييد للرئيس فعلا ،، تحس إنها مش مفتعلة و ناس محترمة و لكن أعداد قليلة جدا بالأمس كنت باقول نجحت الثورة و تحققت أهدافها و نحتفل ببيان الريس اليوم أقول و لا يوم واحد زيادة

حمد لله على السلامه مرتين ..
مره من فرنسا ومره من التحرير
بس يارجل فيه حد يبقى فرنسا ويرجع التحرير؟؟؟

[Komy]

يا باشا اولا حمدا لله على سلامة وصولك لبلدك ونورت بس معليش ومتزعلش منى , إنت رجعت اليومين دول باذات ليه ؟ خليك هناك هو حد لاقى فرصة يسافر وميرجعش تانى ويسيبها

[Grey_Fox]

المشاركة الأصلية كتبت بواسطة BASSEM BESO كل اللى انت بتقوله ده صح يااحمد بس ده فساد حكومى وتنفيذى مش نظام بأكمله واقولك نقوله حقك علينا ليه : - طوال 30 عاما فى امن وسلام . - طوال 30 عاما فى تقدم مستمر . - طوال 30 عاما فى ازدهار وتطور . - طوال 30 عاما فى عدم تدخل فى شؤون مصر . - طوال 30 عاما فى تطوير الصناعه والأستثمار . - طوال 30 عاما فى حب وتأمين مصر . - طوال 30 عاما فى حريه . - طوال 30 عاما فى محاوله جاده فى طرد الفساد . - طوال 30 عاما رئيسا وقائدا عظيما لمصر . وانا معرفش لمصر رئيس غيره ولا عايز اعرف والرجل عمل كل مافى وسعه من محاربه للفساد والقضاء عليه ومننساش ابدا يااحمد انه بطل وقائد من ابطال حرب اكتوبر العظيمه فميستهلش ابدا اللى يتعمل فيه كده ابدا

مش البيه (وطني) برده