القصة التي ابكت العالم قصة كفاحي مع ال 128

المشاركة الأصلية كتبت بواسطة مهند سالم إنت عارف يا كورسير إلا يبان من كلامك عن العربية دي إيه، العربية يا باشا حضرتك كنت شاريها مفيش فيها حاجة سليمة: دائرة كهربا مدمرة، بطارية تعبانة، كبالن وعفشة زي الزفت، صاج مصدي وواكلاه البرومة، موتور مقتول. وده أقل حاجة تتقال في عربية بالوصف إلا حضرتك بتوصفه ده، عموما أديك دلوقت بتفتكر الحاجات دي وبتضحك عليها، وكله بيعدي، ومستني البقية

يسلام عليك انتا كدا قولت الصح شوفت بقا صحبك لبس في الحيط ازاي يا عم مهند واصبر التقيل لسه جي ورا

المشاركة الأصلية كتبت بواسطة tobgy موضوع جامد يا كرويسر باشا بس دى غلطتك فى الاول و فى الاخر تعرف لييه؟ عشان لو مكنتش اهلاوى و كنت زمالكاوى كان زمانك جبت العربية البيضا و كانت حتبقى مريحاك و مكانش زمانك بعتها و اوووووووووووووه زمالكاوى اووووووووووووووه زمالكاوى

يا راجل يا طيب ما اسخن من ستي الا سيدي

وبعدين انا لو كنت جيبتها لونها ابيض كانت هتسود من اللي عملته فيها لاكن الاحمر استحمل لكن الابيض بيستسلم من اول قلم

نيجي بقا للجزء الرابع في حلقتنا النهارده وهو السفر الي الصعيد وبالاخص مغاغا بلدي الام

الطريق ده انا لما روحته بالفيرنا خدته في ساعه وربع وكنت في مغاغا


تعالي بقا لل 128 نشوف خدت الطريق ده في قد ايه


المهم كنت معزوم علي فرح بنت عمتي وقولت ربنا يستر وهاخد العربية معايا مكنتش اعرف الطريق الصحراوي الغربي مصر كلها قالتلي اخد الطريق الغربي وانا طبعا ماشي بمقولة رحم الله امرءا عرف قدر نفسه وطبعا الطريق الغربي مفيهوش سريخ ابن يومين قولت مفيش قدامي غير الزراعي وروحت طالع من المنيب علي الطريق الزراعي للصعيد كان يوم جمعه


المهم مشيت معايا بتاع 40 كيلو زي السكينة في الحلاوه بس اجارك الله معرفتش اجيب الرابع في الطريق ده كله 5 متر في مطب المهم انا مشيت في الطريق ده الساعه 9 الصبح وبعد المطب رقم 20 لقيت مره واحده الماتور صوته علي وزي ما يكون ماشي علي سرعه 100 اللي عمري ما جيبتها بالعربية المهم مشيت بيها شويه لحد ما لقيت شبه ميكانيكي واللي قابلني الاخ اللي في الصوره ده






المهم قعد يلعبلي في العربية وانا مش عارف هوه بيعمل فيها ايه بس تقريبا كان بيرضعها لانها كانت بتصرخ بصوت عالي اوي زي العيال الصغيره المهم سكتها وخدت العربية ومشيت وبعد ما عديت بني سويس قصدي بني سويف رجعت تاني صوتها يعلي تقريبا كدا جاعت تاني بس اجيب الراجل اللي رضعها في الاول ده دلوقتي منين قولت هكمل بيكي كدا يعني هكمل بيكي كدا وفعلا بعد عناء طويل وصلت مغاغا الساعه 7 بليل 10 ساعات سواقة لما جالي بواسير من كتر القاعده في العربية ولزقت في الكرسي لما وصلت هناك وجالي كام واحد صعيدي من العيله شالوني من العربية زي ما يكون كنت في خناقة وخارج باصابات واحلي حاجه لما دخلت بيها العزبه عندنا كل الناس عماله بتتفرج عليا زي مايكون داخل بالهامر مش عارفين اللي فيها اصل اشد عربية بيشوفوها عندهم هيه النص نقل موديل الخمسينات وفاكرني واحد جاي من الخليج وصرف اللي عملته في الخليج علي ال 128 ديه بس حسيت بقيمتها اوي هناك كنت الحاله الفريدة من نوعها اللي دخل البلد ومعاه عربية ملاكي

واحلي حاجه كل الصعايده قرايبي وغير قرايبي كانوا عايزين يركبوها ويجربوها تقولش داخل عليهم بالفيراري


كان لازم امشي تاني يوم بليل علشان الشغل عندي روحت بردك محرمتش ورجعت من الطريق الزراعي بردك وقد كان استلمتني سحابه من اول ما طلعت مغاغه لحد ما وصلت القاهره تقريبا مبتمطرش علي حد غيري انا واحلي حاجه كانت المطره بالطين والمساحات علقت ومرضيتش تشتغل واطريت اني اطلع راسي من الشباك وانا ماشي زي جيم كاري والمطره محوطاني من كل الاتجاهات من الدواسات وعلي وشي المهم خدت دش طين معتبر في اليوم ده وقبل القاهره يجي ب 60 كيلو كل ما اخد مطب العربية تبطل تقريبا كدا الكربيراتير اتسد من البنزين المنيل بنيله اللي عبيته من هناك وكل مطب العربية تبطل وانا ادورها تاني قعدت تبطل وانا ادور يجي 50 مره علي ما وصلت القاهره وكنت شبه اللي بيصطادو في الترعه كلي طين وده كان يوم الصعيد المشئوم


واحلي حاجه كان عايزين يزفوا بنت عمتي فيها علي اساس اني راكب مرسيدس بس قولتلهم بنت عمتي هتكتب تعهد علي نفسها اني غير مسئول عن اللي هيحصلها من ورا العربية ديه لو جوزها طلقها انا غير مسئول وبس وانا راجع عملت انجاز كبير ضربت الرقم القياسي ورجعت في 9 ساعات ونص وفرت نص ساعه

واحلي حاجه لما روحت بالفيرنا لما اشترتها وخدت الطريق ده في ساعه وربع طول ما انا ماشي عمال بفتكر الشريط الاسود بتاع ال 128 وعمال بضحك وكل اللي معايا في العربية افتكروني اتجننت


ودبه كانت حكاية ال 128 مع خط الصعيد

[احمد بدر1978]

صباح الخير حمد الله على السلامة فية جزا تانى ولا خلاص منا لو منك كان من اول مشكلة كنت بعتها

[osos medo]

enta gaaaaaaaaaaaaaaamd a5r 7aga walahy:CHICKA~11 :ptmnlo123per161