حنعمل AUX للعربيه مهما كانت مودلها او سنه صنعها

[FAR!D]

الموضوع سهل جدا وبسيط جدا بس عايز جراءه و قلب ميت مفيش كلام
اولا بيقسم الموضوع لقسمين:
أ - لو عندك CD Changer
ب- لو عندك كاسيت بشرايط زي حلاتي او CD
فيه اشياء حتجبها اساسيات زي كابل 3.5 مم ( بيقولوا عليه بتوع الموبيلات واحد في واحد او حتى كابل صب ) و ده منظره


و تشتري مكواه لحام بالقصدير بتعاعها واهي تنفع معاك في حاجات تانيه


نبدأ ب ( أ ) :
1- تشيل قطاش البطاريه او على الاقل اتأكد ان المفتاح متشال من الكونتاك عشان متطيرش حاجه لاقدر الله
2- تفك الكاسيت من الطابلوه وتخرجه بره ( كل عربيه ممكن مالكها يسأل فيه قسمها عن طريقه الفك )
3-ده منظر دهر الكاسيت شبه كده

وكل كاسيت حتلاقي ورقه عليه من فوق بتشرح السوكيتات ديه و اللي يخصنا دلوقتي سوكيت ال سي دي تشانجر
4-ده السوكيت اللي حنعمل بيه الوصله

اللي يخصنا اليمين و الشمال و الارضي و لما تقشر نهايه الكابل حتلاقي تلات اطراف اللي هما برضوا نفس اللي في البلج و حتعرفهم من الافوميتر و مهم اوي تعرف انهو الارضي و اليمين و الشمال
حتوصل الاطراف ديه مع سوكيت السيدي تشانجر اللي بيركب في ضهر الكاسيت زي كده

5-حتقفل تاني و تخرج الكابل بره التابلوه و تركب تاني الكاسيت مكانه
6- حتحرق اغنيه فاضيه على سي دي و الرابط اهوه :

F3GW0WNF9056PBO
بس تملى الاسطوانه كلها نفس الاغنيه و تكررها و حطها في السي دي تشانجر
7-حتشغل الكاسيت و تختار السي دي تشانجر و تختار اسطوانتنا
8-توصل وصله AUX على الموبايل و ادعيييييلي
_________________________ _________________________ ________
نيجي باه لحاله انك عندك CD او شرايط
نيجي باه لحاله ( ب ) :
1- حنكرر 1 اللي فوق
2-حنكرر 2 برضوا اللي فوق
3-هنا با قلبك يبقى قلب اسد غير كده روووووح ( ههههههه)
حنفك الكاسيت و ندور في البورده الرئيسيه على رسمه شبه كده( لو كاسيت cd دور حوالين وحده السي دي على النقط اللي جايه واشتغل و او شرايط دور في البورده )

وحنعمل كده بمكواه اللحام حنوصل اليمين في نقطه اليمبن على البورده و هكذا للشمال و الارضي

4- قفل كاسيتك يا معلم و ركبه مكانه تاني و قفل التابلوه
5- لو كاسيت شرايط حط شريط فاضي و لو سي دي حد اسطوانه فاضيه واعمل فيها اللي عملناه فوق في النقطه رقم 6
6-شغل ال سي دي او الشريط و وصل وصلتك الشيك على الموبيل او ال IPod وعييييييش
على فكره الوصله بالطريقه ديه صوتها حلو جداااا
_________________________ _________________________ _______
فيه بقى اضافه انت و مزاجك
انك تشتغل بوصله نتايه زي ديه

او ديه اسمها RCA و ديه زي كده

و تحفرلها بشنيور صغير في الطابلوه جانب الكاسيت على قدها و طبعا باحترام عشان شكلها يبقى شيك و حتحس انها بقيت فبريكه و كانها جايه اوبشن مع العربيه و طبعا حتحط فيها الكابل اللي احنا جبناه في الاول

عشان يبقى شكلها كده