يا جدعان عايز مكان يكون بيقسط اسلامى بجد ومن غير تحويل مرتب.. ومش لاقى؟؟!!

[magdy_c_c]

المشاركة الأصلية كتبت بواسطة حسن فتحى كلامك صحيح بنسبة 95 % لكن هناك نسبة بسيطة من المعارض بتقسط بدون مخالفات شرعية ولكنهم قلة قليلة جدا جدا انا جلست فى مرة مع صاحب معرض سيارات وتحدثنا مع بعضنا البعض وعندما اطمئن لمجال عملى وقدرتى على سداد القسط قالى فقط اعطينى 50 % من ثمن اى عربية انت عايزها واكتب ايصالات التقسيط وخدها دلوقتى وامشى ومعاك عقد خالص مخلص نهائى ولا حظر بيع ولا تأمين ولا يحزنون صراحة فى اصحاب معارض محترمين جدا ولكن معاملة الناس وحشة فصاحب المعرض بيخاف جدا ويحتاج يأمن نفسة لضمان تحصيل ثمن العربية خالص تحياتى

يا باشا ده اسمه عرض الـ 50 % و باردوا بيدخلها تبع البنك الفرق الوحيد فى العرض ده انك بتمضى على ايصالات أمانة و الايصالات دى بتروح البنك يعنى لو فى مشكلة لا قدر الله بتلاقى البنك هو اللى بيحجز عليك انت شخصيا ً مش المعرض ، أما فى العروض الأخرى الأقل من 50 % لازم ضامن أو تحويل مرتب أو كليهما و السيارة باردوا بتحظر لصالح البنك ،،،،،،،،
يعنى :
الدفعة المقدمة من 10% ~ 49 % يشترط ضامن و تحويل مرتب
الدفعة المقدمة من 50 % ~ أكثر من 50% لا يشترط ضامن و لا تحويل مرتب
بتستلم بالبطاقة فقط و لكن بتمضى على ايصالات أمانة بقيمة المبلغ المتبقى مضاف اليه فوائد البنك و الرسوم الادارية و التأمين و خلافه و باردوا الايصالات بتروح البنك
اللى حضرتك تقصده هو التقسيط المباشر و أتحدى ان أى معرض فى مصر يعمل تقسيط مباشر تبعه يعنى تروح تدفع القسط له هو مش لحسابه فى البنك أو أحد مندوبيه يروح بالقسط بتاع حضرتك يدفعه فى البنك و على فكرة أقل معرض بيعمل تقسيط مباشر بيمضيك مرتين على ايصالات أمانة + شيكات بنكية و المصيبة ان الجنيه بجنيه الا من رحم ربى و اقرأ الموضوع ده من أوله
حلال أم حرام ؟ - مصر موتورز مجتمع السيارات

[حسن فتحى]

والله يا اخ مجدى انا شرحت لك تجربتى
وصاحب المعرض نفسة اللى كان قاعد معايا وكان التقسيط مباشر فعلا ودفع الاقساط بيكون فى المعرض
ولم يطلب ضامن ولا تحويل مرتب ولا تكلمنا على بنك اصلا
فقط هو طلب منى 50% من ثمن العربية + السجل التجارى والبطاقة الضريبية + كشف حساب بنكى لاخر ستة اشهر
ولم نتحدث نهائى عن بنك او تأمين
والراجل نفسة قالى مفيش الكلام دة ولا حظر بيع ولا غيرة

والمبلغ الى كان معايا وقتها مكملش 50%
والمفروض انى كنت ارجعلة تانى ونخلص فى النترا
لكن حصل عندى ظروف وقتها واضطريت تأجيل الشراء
والى الان انا لم انسى هذا الموقف
وناوى اقابل الراجل تانى فى اقرب فرصة احتاج لعربية بهذا الشكل

لكن فى ملحوظة
هذا ليس النظام العام فى المعرض
المعرض نظامة الاساسى مثلة مثل غيرة بنك وحظر والقصة المعروفة
لكن الراجل بيعمل كدة اذا اطمئن لضمانات كفاية عندك وبالشروط اللى طلبها منى

[حسن فتحى]

المشاركة الأصلية كتبت بواسطة احمد محمد على مصطفى فين المعرض دة لو سمحت

المعرض اسمة محمود موتورز
امام الكاتدرائية بالعباسية

لكن علشان تتعامل بهذا النظام لابد من مقابلة الحاج محمود نفسة
هو اللى بيقيم الحوار معاك وبيحدد يقبلك على هذا النظام ام لا

وراجع مشاركتى السابقة لانة طلب منى اوراق ضمانات معينة

[عبد الله محسن]

شكرا لك يامان