تغير تلاجة رينو لوجان عند الاسطورة أحمد حنفى محفوظ بالمعادى بالصور موضوع حصرى ونادر

[sayed2077]

السلام عليكم ورحمة الله وبركاته

امبارح الخميس 7/3/2014
كنت عند الاسطى احمد حنفى محفوظ علشان يظبطلى شوية حاجات فى الكهربا بتاعت عربيتى فروحت لقيت عربيه لوجان بيختبر التكيف لانه مش شغال وراح لناس كتير وكل واحد براءى فلما دور على الانترنت شاف مواضيع الاسطى احمد والناس اللى اتعاملت معاه وقرر انه يروحله علشان يعمله الصيانه للتكيف لانه بقاله مده كبيره مش شغال وطبعا العربيه من غير تكيف لا تتطاق

ولما روحت هناك اتقابلنا واتعرفنا على بعض
وطبعا بعد ما الاسطى احمد كشف كشف خارجى بالكامل مكنش فيه اى تنفيس نهائى بره فكده كان لازم يحل التابلوه بالكامل وبعدين يحل البار الحديد اللى ورا التابلوه وبعدين يحل التلاجه البلاستيك وبعدين يوصل اخيرا للتلاجه الحديد علشان يكشف عليها وطبعا كانت رحلة عذاب وما اداراك بغتاتة التصميم الفرنسى ناس تنكه بجد يعنى علشان افك تلاجه فى الرينو لوجان لازم احل الدنيا كلها كده المهم بداء الشغل وحل كل الكلام السابق ذكره لغاية ما وصل على التلاجه واختبرها لقاها بتنفس
وطبعا كان لا بد من تغير التلاجه وفعلا غير التلاجه بواحده جديده وبدائت رحلة التجميع من جديد كل شىء كما كان بمعنى الكلمه وبدقه شديده
وبعدين تم شحن التكيف وطبعا كانت النتيجه خرافيه بجد كان فوق الممتاز لدرجة اننا روحنا قفلنا التكيف من شدة البروده
وطبعا موضوع زى ده يبقى كان لازم الصور

ديه اول صورة بعد فك الطابلوه كاملا وفك التلاجه الداخليه


ديه صورة الطابلوه بعد ما اتفك

ديه صورة بيت التلاجه الداخليه



وديه صورة التلاجه بتاعت السخن و المروحه بتاعت التابلوه

وديه صورة اثناء الكشف عن التسريب الموجود بالتلاجه
وطبعا كانت ضاربه زيت وحالتها حاله ولو تلاحظوا فقاقيع الهوا اللى طالعه وهى ديه بسبب التسريب وطبعا كان اكتر من مكان بيسرب فكان يلزم تغير التلاجه نهائيا


صورة الاسطى احمد حنفى محفوظ اثناء الكشف عن التسريب

الصورة ديه بعد تركيب التلاجه الجديده وكل شىء رجع كما كان وطبعا قبل التجميع تم كبس دورة التبريد الاول للاطمئنان على عدم وجود اى تسريب والحمد لله مكنش فيه حاجه وبداء عملية شحن الفريون

اما اخر صورة ديه فانا كنت داخل العربيه للاستمتاع اخيرا بالتكيف وفعلا كان الاداء مذهل



وفى نهاية الموضوع طبعا حاليا الاسطى احمد بقاله حوالى سنتين فقط منذ ظهورة على الانترنت وطبعا ناس كتير اوووى اتعاملت معاه سواء من منتدى مصر موتورز او من منتديات اخرى والحمد لله له سمعه طيبه جداااا بفضل الله وطبعا قليلا ما نجد صنايعى يكون امين فى شغله زى الاسطى احمد وفعلا ربنا يباركله وتقدروا تشوفوا سواء المواضيع بتاعت السنين اللى فاتت او تجارب الاعضاء

وديه بيانات الاسطى احمد حنفى محفوظ
اسم المهندس: أحمد حنفى محفوظ
رقم التليفون:01065020100
العنوان : شارع التعاون بالمعادى قريبا من نادى المعادى و جامع الفتح الاسلامى و مكتب صحة المعادى
التخصص : كهرباء وتكيف لجميع انواع السيارات بمختلف انواعها وموديلاتها

و
السلام عليكم ورحمة الله وبركاته

[AbOnOrA]

: 018A1D~146::0 18A1D~146::01 8A1D~146::018 A1D~146::018A 1D~146::018A1 D~146:

[ahmed_eng2001]

مشكور باشمهندس سيد على نقل التجربة .... الراجل ده لازمله مشوار ضرورى ان شاء الله

[ahmedkonica]

بارك الله فيـــــــــــــــــــــــ ــك

[zing0]

أفتخر و أتفشخر على الآخر
علشان المعادى طلع فيها 2 صنايعية بيفهموا
1- معتز بتاع الكربراتير -دار السلام
2- أحمد حنفى -ميدان التعاون
بس الأهم إن حبيب قلبى و أخويا الأستاذ سيد عصام منها