لماذا شرط التسجيل

[بهاء العنانى]

ثانيا -عشان يريح دماغه من مسؤلية السيارة فى حالة لو اى حاجة حصلت بعد البيع من المشترى الجديد يعنى حدثة او لو واحد أتخبطت بيها ومات يبقى هو كده اى المالك الاصلى لها خالى من المسؤلية القانونية

لماذا ؟؟؟؟

الم يمضى وتم توقيع المشترى على انه مسؤل من الساعه كذا ويوم كذا عن اى مخالف او اى مسائله قانونيه
و تم التوقيع منه على ذلك ؟؟؟

[hazem_khidr]

المشاركة الأصلية كتبت بواسطة بهاء العنانى ثانيا -عشان يريح دماغه من مسؤلية السيارة فى حالة لو اى حاجة حصلت بعد البيع من المشترى الجديد يعنى حدثة او لو واحد أتخبطت بيها ومات يبقى هو كده اى المالك الاصلى لها خالى من المسؤلية القانونية لماذا ؟؟؟؟ الم يمضى وتم توقيع المشترى على انه مسؤل من الساعه كذا ويوم كذا عن اى مخالف او اى مسائله قانونيه و تم التوقيع منه على ذلك ؟؟؟

ايوه فعلا هو مضي لكن علي عقد مش موثق
انما لما بيسجل العربيه في الشهر العقاري بيبقي معاه عقد موثق
و ما يبقاش فيه لعب حتي من طرف الجاني
العقد اللي بنعمله اسمه عقد ابتدائي مالوش لازمه
انما العقد الموثق في الشهر العقاري هو العقد المعترف بيه

يعني مثلا انا ببيع عربيه و جه واحد و اشتراها و عمل بيها مشكله و سابها و مشي
الشرطه لما تيجي و تستعلم عن العربيه في المرور حيلاقوها بأسمي و يبعتوا يجبوني
لو روحت بالعقد الابتدائي مش حياخدوا بيه لحد ما يبعتوا يجيبوا المشتري و يقبضوا عليه .
انما لو معايا عقد مسجل و مختوم بختم النسر و ماضي عليه اتنين شهود في الشهر العقاري يبقي كده محدش حيكلمك .

حتي لو ما رحش المرور و فحص العربيه هناك و نقلها باسمه فالعقد المسجل بيحميك
و هو غصب عنه يوم ما يجي تاريخ الترخيص حيروح ينقلها بأسمه

[بهاء العنانى]

شكرا لاهتمامك وردك

[hazem_khidr]

العفو يا استاذ بهاء
انا عن نفسي لما ببيع عربيه اول شرط اشترطه علي المشتري انه يسجل العربيه
و بقوله مافيش توكيل نهائي لاني مش ببيع لتجار .
و لما بشتري برضه باخد صاحب العربيه في نفس اليوم او تاني يوم
و اسجلها باسمي علشان مش بحب امشي بالعربيه باسم حد ولا حد يمشي
بعربيه بأسمي

[rockyman]

شكرا اخى على المعلومه
كان السؤال يشغلنى ايضا