|
التعديلات الشكلية موضوعات التعديلات الشكلية على السيارة خارجيا او داخلياً او ما يسمى بال - car Styling visual tuning |
|
أدوات الموضوع |
#1
|
|||
|
|||
اعمل فتحة سقف لعربيتك بالسعر ... بحث تفصيلي
السلام عليكم ورحمة الله وبركاته
الموضوع ده لكل واحد عايز يعمل فتحة سقف لعربيته وخايف او سمع كلام كتير زي مثلا فتحة السقف الاصلية اصلا بتجيب باروما انت بقي هتعملها ؟؟؟ اومال الشركات منزله فتحة سقف ليه اكيد عشان تخسر !!! بعيد عن كافة الهرتله وانا من يوم ماجبت العربيه ومتحدي هرتله السوق في العربيات كلها في كل شيء لانه ببساطه مقياسه النقل بين الالسنه .. واحد قال واحد سمع واحد حابب يعمل نفسه عارف فاتكلم كتيرررر فبتنتشر واحنا بناخد معلومتنا من السمكري او الصنايعي عامة !!! مع احترامي هو اتعلم منين !! اتعلم من صنايعي زيه مفتحش كتاب عشان كده البرنس فيهم بيكون متعلم وبيصلح الحاجه في لمح البصر باعلي التكاليف اتفقنا مبدايا ان نص الكلام بتاع فتحة السقف هرتله ... نثبته بقي عمليا اولا لو عربيتك مفيهاش فتحة سقف خالص ولا حتي مكان ليها في السقف 1- هتروح تتفرج علي عربيه كان فيها فتحة سقف استيراد !! او عند حد بتوع كماليات بس فخم شوية بيبيع فتحات السقف دي اللي هيا عبارة عن لوح زجاجي مبسط جدا مع اختلاف نوعية الفتح مش مهمة صورة للسقف اللي اقصده : في الغالب علي فكره بتكون فتحة السقف دي مفيهاش جرار .. يعني مفيهاش تكملة للفرش تتفتح وتتقفل هيا مجرد علبة فتحة السقف وبتتركب في السقف علي مقاسها وبس لو بصيت كويس للصورة هتلاقي ان فيه اطار حول فتحة السقف ده بيتلزق بسيلكون للعلم وبيكون اسود لان غالب انواع العربيات بتكون فتحة السقف اسود ولو انت عايز تدهنه بعد كده بيكون برحتك ناخد بالنا انه هيبقي هو والصاج حته واحده مساحته بتكون استاندرد في الغالب مفيش فيه اي خطورة من الميه تماما ببساطه لان السيلكون قافل من فوق ومن تحت واللي بيسرب الميه جلد الفتحه نفسه لو كان وحش فننسي خالص موضوع الصاج والميه والحاجات دي النوع ده بيكلفك حسب نوع العربية ونوع السقف لو جبت سقف استيراد وفكيه منه فتحة السقف هيفيدك في نقطه ان فيه فرش للعربيه وده بيكلف 1100 ج بالكتير لو جبت فتحة السقف من بره عباره عن القطعه بس من تعديلات هيكلفك 850 ج 2- هتجيب السقف وتروح لسمكري شاطر هيشتغلك فيها 4 5 ايام لانها عايزه فن لو خلصها قبل كده هتخلص اي كلام واللزق مش هيكون جيد ويفضل انك تتابع معاه وتفضل معاه اكبر وقت ممكن عشان تطلع مظبوطه 3- بعد ماتركب فتحة السقف روح اغسل العربيه وشوف بتسرب ولا لا ... وفي الغالب مش هتسرب حاجه وبالمناسبة الازاز ده بيكون مضاد للامطار والثلوج وكده فمش يتقلق منه : تكلفة السمكري 400 كويس 4- الموضوع ده بيتعمل في اغلي العربيات يعني لو دورت علي النت هتلاقيه بيعملوه في عربيات 2014 عادي جدا المهم التقفيل يكون جيد وممتاز وبس ثانيا لو عربيتك فيها مكان لفتحة السقف العربيه لو فيها مكان لفتحة السقف بتشتريه من التوكيل او مركز بيع معتمد وتركيبه بيكون سهل جدا لانه كده كده بيتعمل ببساطه وغالبا بيكون تكملة للفرش والكتروني زي ده كده زي الصورة النوع ده من العربيات زي الاوبل الكورسا والاسترا والحاجات دي نازله كده وكده وبتعرفها من الصالون الداخلي واماكن رفع حلة السقف كلها بيكون فيه شرايط اوبن سودا ده نحذر انك تعمل فيه اي حاجه من النظام التاني لانه هيبوظ الدنيا لان العربيه دي بيكون فيه مواسير للميه عشان البرومه والدواخل للعربيه مش يلمسه اي ميه تماما وده بيكون تكلفته حسب العربيه بس بيبدا من 1000 وانت طالع ثالثا سقف بانورما .... لسا مشوفتش حد عملها لكن هيا بتتعمل كتير بره مصر احنا هنا في مصر كبيرنا نجيب استيكر بانورما ونلزقه علي السقف وخلاص لكن ده خطأ طيب السقف البانورما ليه معدل توزان للعربيه والسقف ككل لانك بتغير 90 % من حلة السقف والحلة دي زي الصورة كده لاحظ انه كله اسود كله ازاز ... انا شخصيا مبنصحش بيه لان اللي بيعمله بره مصانع مش ورش تكلفته في مصر ممكن بتوصل لـ6000 ج الازاز فقط غير المصنعيه حسب كل واحد في النهاية انا جبت الكلام ده من تجربه عمليه لان انا عربيتي مكنش فيها فتحة سقف وحاليا فيها فتحة سقف ودول صورتين ليها قبل وبعد بالنسبة لسعر السيارة هو لايقل لا اذا ذهبت لبيعها لتاجر وليس في السوق حتي ... واي حد بيشتري بيحب يشتري العربيه حتي لو بتطير بارخص سعر عربيتك هتزداد جمال ورونق وتالق وهتكون مميزة كتير جدا وفي نفس الوقت انت هتستمتع بفتحة السقف جدا لانها حقيقي مميزة وممكن تعمل فاميه اسود من الداخل ليس من الخارج لحجب اشعة الشمس اذ احببت لو فيه اي حد عايز اي اسئلة في الموضوع ده ان شاء الله نرد عليه وبالصور كمان .. وارجو اننا نلتفت للعلم بدل كلام السمكري او اي حد .. بالوفيق للجميع .. محمد |
#2
|
||||
|
||||
رد: اعمل فتحة سقف لعربيتك بالسعر ... بحث تفصيلي
الله ينور عليك .... موضوع محترم
__________________
............ الله العظيم أعلي وأعلم اللهُــم يا فارج الهَم, ويا كاشف الغــــم, فرّج همّــي, وفُك كربي, واغفر ذنبي , وارزقنــي من حيثُ لا احتسب ما شاء الله تبارك الله ما شاء الله لا قوة إلا بالله , اللهم إني أسالك الهدى والتقى والعفاف والغنى اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك لا نفع للمال اذا كانت النفس فقيرة ولا ضرر من الفقر اذا كانت النفس غنية Its easy taking it apart. But getting it back together is another story .
|
#3
|
||||
|
||||
رد: اعمل فتحة سقف لعربيتك بالسعر ... بحث تفصيلي
بس اقول لك حاجة العربية اللي مش نازل فيها فتحة سقف ولو فتحت فتحة سقف مش بياثر في العربية
__________________
............ الله العظيم أعلي وأعلم اللهُــم يا فارج الهَم, ويا كاشف الغــــم, فرّج همّــي, وفُك كربي, واغفر ذنبي , وارزقنــي من حيثُ لا احتسب ما شاء الله تبارك الله ما شاء الله لا قوة إلا بالله , اللهم إني أسالك الهدى والتقى والعفاف والغنى اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك لا نفع للمال اذا كانت النفس فقيرة ولا ضرر من الفقر اذا كانت النفس غنية Its easy taking it apart. But getting it back together is another story .
|
#4
|
|||
|
|||
رد: اعمل فتحة سقف لعربيتك بالسعر ... بحث تفصيلي
لا بقالها سنتين في العربيه عندي ماثرش علي حاجه خالص....
|
#5
|
||||
|
||||
رد: اعمل فتحة سقف لعربيتك بالسعر ... بحث تفصيلي
شكرا على الموضوع المميز
R OSE4U
__________________
|
أدوات الموضوع | |
|
|