إحذر مخاطر بيع السيارات بالتوكيل !!

[Hisham.Elgazzar]

المشاركة الأصلية كتبت بواسطة Vanditta طب دلوقتى انا بعت عربيتى القديمة لواحد بتوكيل وكمان كتب فى التوكيل البيع للنفس وللغيروالتجديد والترخيص والتعامل مع المرور وللاسف كنت ماعرفش ساعتها يعنى اية الجملة دى واكتشفت انها ممكن بسببها يرخص على اسمى تانى المهم سؤالى هنا الفحص هيخلص السنة دى بتاع العربية القديمة هل ممكن يفحص ويرخص بأسمى بالتوكيل عشان مكتوب فية الجملة دى ؟؟؟ ولا هو كان اخرة التجديد بأسمى لغاية ما الفحص ينتهى ؟؟ ولو ممكن يرخص تانى بأسمى ياترى اية الحل عشان اخلص من القرف دة

UP UP UP UP

[asdzoom]

السلام عليكم بالنسبه لموضوع البيع للنفس وللغير والتجديد والترخيص هو هيرخص علي اسمك مرة واحده فقط يعني سنه واحده بعد لما الرخصه تنتهي وبعد كده هيبقي لازم يعمل لنفسه عقد بيع يعني يبيع العربية لنفسه او للغير وده الي متعارف عليه

[dockhedr]

السلام عليكم
انا اشتريت سياره بتوكيل شهر عقاري والان انا خارج مصر وزوجتي معاها توكيل عام لكن لما راحت الشهر العقاري علشان تعمل توكيل بيع للعربيه قالولها ما ينفعش لان العربيه غير مسجله باسمي . وان الحل ان الشخص اللي انا اشتريت منه العربيه يعمل توكيل للمشتري الجديد مع اعتبار ان التوكيل اللي عمله لي كان لم يكن. فايه راي حضرتك وهل فيه حلول اخري لاني لازم ابيع العربيه قبل يوم 22 -9 لان الرخصة حتنتهي وانا مش هقدر انزل مصر قبل التاريخ ده . وجزاكم الله خيرا

[AbOnOrA]

اعتقد زوجتك بالتوكيل تبيع وتنقل ملكيه لنفسها وبعدين هي تبيع عادي

Sent from my SM-G531H using Tapatalk