هل استخراج رخصة المعاقين مثل اجراءات الرخصة العادية؟

[dodo66462]

السلام عليكم
هل استخراج رخصة المعاقين مثل اجراءات استخراج الرخصة العادية ويا ريت لو خد عارف مرور شبين الكوم بياخدوا اوراق اية ومصاريف كام وهل بعمل الاختبار فى نفس اليوم ولا بيحدد لى يوم تانى وهل فية مشاكل لما اعمل اختبار بالعربية اللى انا جايبها من الجمرك وخصوصا ان مش عليها نمر
والف شكر ليكم

[tham1010]

أهلا وسهلا بيك...

إجراءات إستخراج السيارة للمعاق مثلها مثل الإجراءات العادية ماعدا انك بتقوم بالأختبار العملى على سياراتك المجهزة. وعلى فكرة المعاق معفى من مصاريف أستخراج رخصة القيادة يعنى مصاريف الاختبار العملى مش بتدفع فيها فلوس ولو حتى عدت الاختبار لاكثر من مرة مش بتدفع فلوس

أما عن المصاريف التى تدفعها فهى دورة لمدة يومين على قواعد المرور إستعدادا لاختبار النظرى على الكمبيوتر وهذه على ما أتذكر بمبلغ ما بين 100 إلى 150 جنية . والناس فى مرور شبين كويسين ومش هتلاقى صعوبة فى الامتحان النظرى ولكن الاختبار العملى مش فيه هزار لازم تكون بتعرف تسوق كويس على عربيتك المجهزة...

بالتوفيق

[anas ebnmalk]

السلام عليكم
ممكن يااخى اعرف منك
اول ما اشترى سيارة معاقين اعمل اى اجراءات تقديم على رخصة تيسير سياره او رخصة قيادة فى مرور بلدى وخاصه ان ورق السياره لم يصل الى المرور من الجمارك
ولا انتظر لما يوصل الورق الى المرور

[tham1010]

المشاركة الأصلية كتبت بواسطة anas ebnmalk السلام عليكم ممكن يااخى اعرف منك اول ما اشترى سيارة معاقين اعمل اى اجراءات تقديم على رخصة تيسير سياره او رخصة قيادة فى مرور بلدى وخاصه ان ورق السياره لم يصل الى المرور من الجمارك ولا انتظر لما يوصل الورق الى المرور

اولا انت بتنتظر لحين وصول ملفك من الجمارك إلى المرور اللى انت تبعه. كل شوية تسأل فى المرور لحد ما يوصل الملف. ساعة ما يوصل الملف بتاع العربية بتبدأ ترخص السيارة وفى نفس الوقت تطلع رخصة قيادة. طبعا لازم رخصة السيارة الاول لانك مفروض محتاج سيارة مجهزة لا تستطيع قيادة السيارت العادية . فلما تيجى تمتحن عملى مفروض تسوق عربيتك المجهزة ولس غيرها. الحكاية بتأخد شهر وشوية لحد ما يوصل الملف.....