الركنة بين العربييتين عشان انا خلاص هاتجنن

[نور]

تصدقى كل ما اخرج مشوار اشيل هم الركنه الحمد لله لقيت حد زى ب الامل فى ربنا كبير

[طارق ابوذيد]

المشاركة الأصلية كتبت بواسطة miam0502788391 فيه فيديو للركن أحد الأعضاء المحترمين كان وضعه هنا فى المنتدى ممكن حضرتك تبحثى عنه , لأن مش عارف اوصل للنك بتاعه الخلاص للركن بين عربيتين (خصوصا لو المسافة بنهم صغيرة) نفترض مثلا انك ماشية فى شارع وعاوزة تركنى شمال بين عربيتين راكنين شمال اتبعى الآتى : 1- لازم المسافة بين العربيتين تكون اطول من عربية حضرتك بمقدار نصف متر على الأقل 2- تقفى موازية للسيارة الأمامية وبينك وبينها مسافة حوالى 30- 60 سم بالعرض والأكسدامات الخلفية للسيارتين على مستوى واحد 3- لفى الدركسيون كله شمال وانتى واقفه 4- ابتدى ارجعى براحة حتى يكون منتصف سيارتك (عند القايم اللى فى النص) مقابل للأكسدام الخلفى للسيارة الأمامية اللى راكنه , عند النقطة دى قفى بالسيارة وبعدين 5- لفى الدركسيون لليمبن شوية بشوية وانتى بترجعى براحة وببطىء وخدى بالك من وش العربية بتاعتك لأن ممكن تخبطى فى اكسدام السيارة الأمامية 6- اول ما تحسى ان السيارة بقت واقفة عدل , لفى الدركسيون واعدلى الطارة فى النص , وشدى فرامل اليد يارب اكون افدت حضرتك

السلام عليكم ورحمه الله وبركاته .
بارك الله فيك أخى الحبيب لا يوجد كلام أخر بعد كلامك

[الكنج2000]

على فكره انا مش معاكم لانه الركنه مش كيميا يعنى الركنه عوزه تفتيح دماغ ك فى الجيش وبيقولك اتصرف مش اعد اكتر من 15 دقيقه او 10 دقائق على شان اركن عربيه

[khaabas]

http://www.youtube.com/watch?v=8TF991bgyH0

[yasser .mk]

3 خطوات لركن السيارة تخلى اللى مش بيعرف يسوق يركن بكل سهولة
أنا شخصياً بعد ما كنت بتمنى ألاقى مكان واسع أركن فيه دلوقت بقيت بحب المسافة بين العربيتين تكون يادوب تكفى العربية لأنى بصراحة إكتشفت إن ركن السيارة بين عربيتين متعة وخصوصاً إن ناس كتير فاكرينها صعبة مع إنها سهلة جداً
الخطوة الأولى الوقوف بجوار السيارة الأمامية بحيث يكون ظهر سيارتك مساوى لظهر السيارة المجاورة يعنى مسطرة
الخطوة الثانية لفى الدريكسيون على الآخر ناحية السيارة المجاورة والرجوع للخلف ببطء شديد مع النظر للمرآه الخارجية حتى ترى الفانوس الداخلى للسيارة الواقفة فى الخلف وعند ظهور الفانوس الداخلى فى المرآه إعدلى الدرسكيون فى المنتصف بحيث يكون العجل مظبوط ثم الرجوع ببطء للخلف مع النظر فى المرآه لأخرى (ناحية الرصيف ) حتى تقترب السيارة من الرصيف يعنى بينها وبيت الرصيف 20 سم أو أقل
الخطوة الثالثة لفى الدريكسيون على الآخر ناحية الشارع يعنى عكس المرة الأولى ثم الإستمرار فى الرجوع ببطء للخلف حتى تكون السيارة موازية للرصيف وبعدها يتم عدل الدركسيون فى المنتصف والسير للأمام ببطء بحيث يكون هناك مسافة بين سيارتك والسيارة الأمامية وكذلك بين سيارتك والسيارة الخلفية ..جربيها مع نفسك هتلاقيها سهل جداً وبعد كدة هتبقى بريمو ..والله الموفق