معايا 27000 اشترى 504 مو79 L ولا شاهين ارجو المساعدة ضرورى

[more13]

انا من الصعيد وال504 منتشره جدا وقطع غيارها متوفرة وكل الميكابيكية بيفهموا فيها
وانا محتاج عربية للاسرة داخل المدينة وللسفر وطبعا علشان ترحمنى من المواصلات لما ارحو الشغل
لانى بشتغل فى قرية تبعد 10كم وانتم عارفين الطرق عاملة ازاى
انا محتاج تنصحونى
اشترى 504 ولا شاهين
والمكانيكى معرفة ومن الناس القليل اللى مش بيغش وهو مرشحلى ال504
انا محتار جدا ومش عارف اخد قرار
ياريت تشاركونى الراى ولو فية مقترحات اخرى فى حدود 27000
وشكرا

[mr_astra]

البيجو بقت حاجتها غالية اوى ومش موجودة
وانا مش بحب الشاهين بس اهى احسن شوية
ولو عاوز اختيار تانى
فكر فى رينو رينبو

[mahmoudelmasry2016]

ان جيت للجد الشاهين اقوى وقطع غيارها متوفرة واشيك فى الشكل كمان .....اما لانسبة للمبلغ ده فا ممكن تجيب بيه حاجات تانية باردو كتير زى .....دايو ماتيز موديل 99 او 2000 هاتشباك هيا كمان ممكن تجيب بيه عربية هوندا اكسيل موديل 94 كدا وممكن كمان تجيب فيات سيينا ب 3000 ج ودى هتكون احسن ما فيهم .

[more13]

المشاركة الأصلية كتبت بواسطة mr_astra البيجو بقت حاجتها غالية اوى ومش موجودة وانا مش بحب الشاهين بس اهى احسن شوية ولو عاوز اختيار تانى فكر فى رينو رينبو

بالنسبة لقطع الغيار انا سالت ناس كتير معاهم 504 قالولى انها كتير جدا ومفهاش مشكلة ومش غالية قوى خصوصا ان العربية منتشرة فى الصعيد
بالنسبة ل رينو والرينبو انا مش عارف فلوسى هاتجيب حاجة تسدمعايا ولا لا
وعموما انا هانزل السوق يوم الجمعة القادم ان شاء اللة وعايز مقترحات تانى ونصائح خصوصا ان دى اول عربية

[egyptiandiver]

الشاهين... الشاهين...