انا محتارة بين ال128 والعربيات الصينى

[محمد حنفى]

انا من رأى تجيبى 128 تتعلمى فيها كويس وبعدين تجيبى حاجه أحسن

[Dantes010]

ممكن تشوفي برضو بيجو - 205 1300 سى سى
وربنا يوفقك في الاختيار

[hoba_a1]

على فكره انا نفس الحيرة
بس ان شاء الله انا بقول اشترى 127 اتعلم فيها الاول
وبعدين ربنا يكرم بحاجه احسن
اعملى زى وريحى بالك

[ابراهيم داود]

المشاركة الأصلية كتبت بواسطة AboNoRa لو عايزة زيرو يبقى قسطى حاجة كورى او هندى زى الماروتى افضل من الصينى عامة وانا انصحك لا تزودى ولا تقسطى وجيبى 128 حالتها نظيفة او ماروتى اتعلمى عليها الاول وخسارتها بعد البيع مش هتبقى كبيرة واصلاحها سهل وموفر وبعدين ربنا يكرمك وتجيبى حاجة اعلى

انا رأئى من رآى اخونا الفاضل / ابو نورا
انا جبت الماروتى جديد ومستعمل ما شاء الله عربيه حلوه واقتصاديه جدا
ومش ضعيفه مع انها 800 سى سى والبنزين ال 80 ماشيه عليه كويس

[nicolass]

ماروتى بلا تردد وبالمبلغ دا تجيب موديل 99 او 2000 او ان شاء الله اكتر واهتمى بالحاله عن سنه الموديل
يعنى لو 98 حالة ممتازة احسن من 2002 حالة نص نص.....
عن تجربة عربية مناسبة لبنت او سيدة(من ناحية المنظر وانها مش هتسحب ولا هتشد مع عربيات تانية يعنى)وحاجة كدا بناتيتى جدا وقطع غيارها ببلاش تقريبا واى ميكانيكى لعب اطفال يشتغل فيها هههههههههه
وهى مع اختى ومش تعباها خاالص وممتازة معاها جدا ماشاء الله