مشكلة فى 132 عدم السحب ومافيش عزم خلص

[احمد على 1999]

شكرا على نقل التجربة
كنت فعلا حقول مراجعة على الكاتينة و على سلك البنزين لانه مقاسه مش صح

[حمدى مخترع مانيوال بدون د]

المشاركة الأصلية كتبت بواسطة hosameyg السلام عليكم ورحمة الله وبركاته انا عندى عربيه 132 العربيه كانت تمام لحد ما سلك البنزين انقطع قولت اروح اغيره وقولت بالمره اكشف على العربيه المهم انا روحت اشترى سلك تانى المهم مالاقيتش نفس الطول وفجبت واحد اطول شويه 10 سم وغيرت بيجوهات وغير سير كاتينه وغيرت سير دينمو وغيرت ترس اللى تحت الاسبلتير وكابل من الموبينه الى الاسبلتير ( بكبل اخر بس مستعمل ) غيرت زيت وفلتر زيت وخراطيم بنزين وفلتر بنزين . انا كنت متوقع ان العربيه تبقى احسن من الاول بكتير ولكن حصل العكس حصل ان العربيه فى الطلعه لازم المس الاكسلتير براحه جدا لمسة هوا علشان تطلع ومتطلعش الا لما اشيل رجلى من على الدبرياج وحده وحده ولو غلطت ورجلى ضغطت على الدواسه بشده شويه كأنك هتزود واو بتقرص علشان تطلع مطلع او تعدى من عربيه يحدث العس ان العربيه ماتسحبش خالص وتحس انها هتبطل يعنى معرفش اطلع اضغر المطالع المكانيكى مش عارف حاجه وانا هغيره لانه هوه السبب . ملحوظه انا على اثر هذه المشكله رحت لبتاع الكربيراتير وضبط وعملت اكس ونظفه كويس ياريت حد يقولى الحل ايه ولو حد يعرف ميكانيكى كويس فى شبرا الخيمه او شبرا مصر او الهرم يقولى عليه بس يكون بيتقى الله

سير الكاتينة عندك مش مظبوط مش مخلى مواعيد فتح الصباب مع البستم مظبوطة فتلات اربع قوة المتور ضايعة بسببها

[محمد عزو]

حاول تغير سلك البنزين وتجيب بتاعها لان ده مبرجل العربيه وسير الكاتينه يبصلك عليه ... للاسف الصنايعيه ال معندهاش ضمير بدخلنا ف متهات

[سامح عمارة]

السلام عليكم
نصيحة من اخ الى اخ كبير لا تترك سيارتك عند اى فنى لابد من الوقوف على ايده وعلى فكرة الموضوع مش صعب وان كان محتاج منك شوية صبر ........
على فكرة العبد لله لسه جديد فى الموضوع بقالى حوالى شهر مشترى سيارة 128 ولكن شوفت وهاشوف حاجات غريبة من قلة ضمير و......
وفى الاخر عرفت ان الشئ الممكن تعمله لا تتركه لفنى ابدا اعمله بيدك انت ...
والسلام عليكم