اشتريت لانسر 2013 و ليا سؤال

[basoomvip]

السلام عليكم
انا كان عندى لانسر 2008 و الحقيقة من اعجابى بالعربية لما قررت اغير جبت برده لانسر 2013 1600 الشكل القديم ( البومة ) بس لاحظت حاجة غريبة :
لما بخبط على الصاج من بره صوت الرفارف بيكون صوت الصاج الفابريكة اما صوت الابواب فله صوت مكتوم مختلف عن الرفاراف و الصوت ده فى الاربع ابواب انا الحقيقة خايف يكون المعرض تكون اتخبطت منه و رشهها و انا مش فاكر فى العربية القديمة اذا كن الكلام دا كان موجود و لا لأ ياريت الاخوة الاعضاء اصحاب البومة يجربوا و يطمنونى هل دا طبيعى خصوصاً ان العربية اتحكت من الباب و انا داخل الجراج و بان تحت الدهان طبقة لونها لبنى فاتح ( السيارة لونها كحلى اساساً ) انا خايف لانى قريت مشاركة لواحد كان كاتب انه جاب عربية زيرو و اكتشف فيها رش بعد كدة

[spider_amrdiab]

انت تاريخ التسجيل بتاعك ديسمبر 2009
و دى اول مشاركة ليك!!!!!؟!؟!!

عالعموم ماعتقدش ان العربية رشه حاااجه

[الكنج2000]

ياباشا دى سمعه شركه مستحيل تكون رشه

[eng/walaaeldeen]

السلام عليكم
اشتري العربيه من مكان موثوق فيه لأن بعض المعارض فعلا بيركبو السيارات وممكن تكون اتخبطت منهم ورشوها
والله المستعان

[عبدو حجازى]

كل ده طبيعى لان صوت الصاج بتاع الابواب مكتوم علشان لوكنت فتحت باب قبل كده من الداخل هاتلقيها عبارة عن طبقتين صاج قوى يتوسطهما ماسورة للمتانة بلاضافة الى الفرش الجارجى وكل ذلك عكس صاج الرفرف تقريبا فاضى من وراه علشن كده صوته بيرن على الفاضى اماصاج الابواب بيرن مكتوم