دايو لانوس خليجي موتور 2 كامة 1600 CC

[Cat Lover]

السلام عليكم

انا عندي عربية دايو لانوس خليجي موديل 97 1600 CC في مشكلة معايا في جوان وش التاكيهات .. كل ما اركبه يرشح .. اخر حاجه الميكانيكي قالي اغير الوش الالومونيوم اللي عندي واجيبه فايبر .. مش عارف اعمل كده ولا ايه ؟ أرجو الافادة وفي نفس الوقت المسامير بتاعت وش التاكيهات في منها متاكل وكنت عايز اشتري طقم جديد اجيبه منين .. انا ساكن في الهرم ...

[eng/walaaeldeen]

السلام عليكم
طيب ما تحاول تعمل جوان عموله وتحط سيليكون حراري لملأ الفراغات
علي ما أظن ستجد الوش والمسامير في الحرفيين
والله المستعان

[Cat Lover]

أستاذ walaaeldeen ,

أشكرك على مرورك .
انا بس كنت عايز اعرف انهى افضل الوش الالومونيوم ولا الفايبر .. يعني هل اسمع كلام الميكانيكي واغير الوش الالومونيوم واجيب بداله فايبر على الرغم ان الالومونيوم اللي عندي مفيهوش اي تجاعيد؟

والف شكر ليك يا باشا

[hyundai 2005]

طالما الجوان بيجيب زيت يبقي مقفع او ممكن وش السلندر هو اللي فيه عالي وواطي
بص بقي الحل الامثل
حتجيب الغطاء الفبر موجود عندك فالهرم عند الشيخ طارق بجوار محطه حسن محمد خلف كايرو مول
وتعمل جوان عموله مش جاهز
والميكانيكي يقفله بسليكون فواصل زي بتاع الفلتو وانسي الدنيا بعد كده

وياريت نصيحه تخلص من العربيه يا اما تغير الموتور هو ادائه مذهل جدااااااااااا وقوي ولا اكنك راكب طياره بس الموتور ده بيخلص علي العربيه ويدغدغها وعن تجربه اكتر من عربيه

[Cat Lover]

انت عندك حق هو الصراحه في فرق كبير بين العربيه دي والدايو التقفيل المصري . مشكلتها ان انت لما تحب تشتري قطعه غيار ممكن تلاقي يركب عليها قطع غيار انواع تانيه زي النوبيرا والاوبل فلازم تجيب قطعة الغيار معاك وانت بتشتري عشان تعرفها . يعني لما جيت اغير طلمبة الميه لقيتها مش موجوده لغايت ما نزلت التوفيقية ولقيتها بتاعت دايو سبيرو .. بس للأمانه انا ان شاء الله ناوي ابيع العربيه بس عايز اعمل كل حاجه فيها قبل ما ابيعها عشان اللي ياخدها يدعيلي .