أشـيـاء تـجـنـبـهـا عـنـد قـيـادة سـيـارتـك

[ميدو عمر ايمن]

المشاركة الأصلية كتبت بواسطة amir elgamal فى مناطق فى القياده اسمها ديف زون وده معناها المناطق العاميه نعم يوجد ديف زون اثناء القياده كثيره جدا وهقولها لحضراتكم بالتفصيل وانا عن نفسى بتعقد من الديف زون ده لانه كان هيسببلى مشاكل على الطريق بس ربنا بيستر والراجل التانى كان صاحى المهم انا هتكلم بالعاميه علشان اعرف اتكلم براحتى 1- وانت ماشى مثلا فى الحاره الى فى الوسط وعاوز تيجى على الحاره اليمين طبعا بتبص فى المرايات الاول ومابتلقيش حد ولما تيجى تاخد الحاره اليمين تلاقيك لابس فى عربيه او واحد عمال يديك كلاكس طب ايه الى حصل؟؟؟؟؟؟؟؟؟؟!!!!! ده اسمه الديف زون الراجل ده كان جنبك بالظبط وفى الحاله ده مستحيل يظهر فى المرايات الحلول: كتير جدا منها فى مرايات محدبه صغيره بتلصق على المرايات من تحت كده هى صغيره جدا بس على الاقل بتظهر ان فى حد جنبك فى حل تانى وده انك تبص جنبك قبل ما تحود. فى ناس كتير بتقع فى المنطقه ده فخلى بالك انك لا تمشى جنب سياره ابدا وبالذات على الطرق السريعه لانه ممكن يغير الحاره بتاعته ويشيلك 2- فى موضع تانى وهو مثلا لما تيجى تلف صنيه مره واحده بتلاقى الكاوتش الى قدام شمال او الى ورا شمال طلع فوق الرصيف :bb12 7bc6eab060e3e23 طبعا ده قليل الى بيقع فى الموضوع ده الحلول: اترك مسافه كويسه بينك وبين الرصيف ده الى على بالى الان ولو حد يعرف مناطق عاميه تانيه يقولنا تحياتى يا رجاله مصر موتورز وربنا ما يحرمنا من موضوعاتكم الجميله

" ديف زون " لقد استفدت من تعليقك جدا جدا ففي هذا الموضوع انت صاحب المعلومة
اما ملحوظتي البسيطة ان كلمة " ديف زون" معناها المنطقة الصماء وليس العمياء المنطقة العمياء " بليند زوون"
شكرا

[amir elgamal]

المشاركة الأصلية كتبت بواسطة ميدو عمر ايمن " ديف زون " لقد استفدت من تعليقك جدا جدا ففي هذا الموضوع انت صاحب المعلومة اما ملحوظتي البسيطة ان كلمة " ديف زون" معناها المنطقة الصماء وليس العمياء المنطقة العمياء " بليند زوون" شكرا

مش عارف والله هى بالانجليزيه كلامك صحيح
بس انا سمعت المصطلح ده كده ديف زون
حتى المصطلح ده بيتقال ايضا على المنطقه الى مابيوصلش فيها الوايرليس (الانترنت)
بس ياريت نسال فى الموضوع ده برضو او لو فى عضو يعرف اللقب الصحيح ليه يقولنا للافاده
وشكرا على تعليقك الجميل

[momen_bondok]

- الإشارات ثم الإشارات ثم الإشارات
لا تتعامل مع قائدى المركبات بالنية أو إنهم يخمنون بأنك ستنحرف يمين او يسار
إستخدام الإشارات أمان لك ولغيرك


- حزام الأمان ولا تستمع إلى التُراهات والخذعبلات من بعض قائدى السيارة إن الحزام كان صفقة أو لا نرتدية إلا على الطريق السريع كل هذا الكلام حجج واهية
إرتدائك لحزام الأمان يُبين إحترامك لنفسك وخوفك عليها والأخذ بالاسباب و يُبين لك أيضا إنك ملتزم بقواعد واداب قوانين السير

[Ahmad Rizq]

مشاركات قيمة جدا جدا يا شباب , بارك الله فيكم ,
بالرغم ان آلة التنبيه في السيارة لا يحبذ استخدامها بصورة كبيرة , ولكن و على ذكر المنطقة العمياء , لما و عشان حياتك و حياة السيارة , حاول تقرب من سيارة تدي كلاكس بحيث تنبهه ان فيه سيارة جمبه , لان الحكاية دي بتحصل كتير جدا تلاقي حد حدف عليك مره واحده , فا بدل ما تحط نفسك في موقف انك تحدف على غيرك او تفرمل او او , توقع خطأ غيرك و اديله كلاكس .

[فريد عبود]

واحد واتنين وتلاته النظر في المرآة الجانبية قبل التحرك، حتى لو تحت بيتك، أصحاب العجل والموتوسيكلات والتكاتك والميكروباصات جاهزين للتصادم وبيطلعوا من تحت الأرض فجأة.
شغل الانتظار قبل التهدئة في المطبات، بتوع النقل جاهزين للصدم في المطبات ومتاخدش منهم حق ولا؟
السيدات في مطالع الكباري هيرجعوا عليك بعربياتهم أكيد، وحلها انك تهرب ومتوقفش ولا مؤاخذه وراهم.
تجنب تشد مع أي حد على طريق متعرفوش كويس هتبهدل العفشة وفي الأخر انت الخسران امشي براحتك يحتار طريقك وعربيتك فيك.
لو واحد أو واحد طلع منك مش عيب المثل الانجليزي بيقولك السيدات أولاً، عديهم وكله بيتساوى في الإشارة.
متزعلش من واحد بيديك كلاكس على الفاضي لأنه الكلاكس من غير سبب قلة أدب واحنا مؤدبين.
احذر دهس الحيوانات على الطرق السريعة .. لأنها موت وخراب ديار.