ايه رايكم في 124 سبور بالتعديلات دي؟ اشتري ولا؟

[سيف الدين سعيد]

المشاركة الأصلية كتبت بواسطة fiat 124 sport انا في منتهي السعاده ان حد رد عليا اخيرا - انا هكتب كل الحاجات دي و انا المفروض بكره هدفع 4 و يوم الحد هدفع الباقي ياريت بقي لو تقولي هل انا هعرف اتعايش مع العربيه دي؟ هي اول عربيه ليا انا لوحدي يعني هتبقي مصاريفها و حاجتها من معايا انا و هل ليها قطع غيار؟ مثلا اكصدامات عايز اتنين انا و تابلوه و خلافه

العربيه حلوه وبالإمكانات اللى انت قلتها يبقى مش حاتتعبك ميكانيكيا ولا فى قطع الغيار واسعارها . اما بالنسبه للإكسسوارت ممكن تشوف فى الوكاله أو حتى توفق لها وتعدلها بشكل يعطيها مظهر رياضى . وهى اصلا مع شوية ميكياج حاتكون بتشبه الى حد ما الفورد موسانج . بالتوفيق وفعلا اكشف على الأساسيات والقوائم والحوض والدواسات كويس الأول . وبعد كده . . مبروك يا باشا وماتنساش تطمنا .

[fiat 124 sport]

طيب يا جماعه انا استنيت البيه السمكري ساعتين لحد ما جالي راجل عجوز و بطيء و شل الي خلفوني معاه و كنت سارق كمان عربيه ابويا اوصله بيها بحكم ان الراجل خبره علي حد قول اصحابي الي بيتعاملو معاه و شل الي خلفوني لحد ما وصل
في النهايه لف حواليها كده و قالي - وقفتها وحشه مش عدله -
ولا فهمت حاجه حط ايده من علي برواز الازاز الامامي و قالي - القايم ده فيه شغل و مش (سرح)
بعدين عمل حركه في منتهي الغباء لدرجه اني حسيت ان صاحب المعرض هيضربنا
السمكري حط مفتاح عربيته من ورا الجوان الجلد بتاع الازاز الي راكب علي القايم و مشي المفتاح من فوق لتحت و قالي- يلا نمشي مفيش داعي ننزل تحتها و اوسخ هدومي دي عربيه كلبه
انا بجد كنت عايز اكله قلمين افوقه - بس هو بقي شرحلي ان مفتاح الي حطه ورا الازاز ده كان بيدور بيه عله اثر لحام من الداخل لانه مش هيبان من الخارج بعد السمكره و الدزكر و الرش و خلافه
عمووما كتر الف خيره ضيع احلامي بس خيرها في غيرها و عموما انا بدور علي 128 علي حسب نصيحته او بيجو مش فاكر اسم موديلها كام 203 او 305 او اي تلات ارقام مش فاكر المهم انها يعني حاجه في حدود امكانياتي و كويسه و احسن من - كوم الخره الاحمر الي عايز تشتريه ده- علي حد قووووووووووووووله
مشكورين جميع من حاول مساعدتي
و الي يعرف 128 كويسه او اي حاجه في حدود 8 يقولي و ياريت لو في اسماعيليه و انا نازل السوق يوم الجمممممممممممعه
مشكورين مره تانيه

[Hisham.Elgazzar]

الحمدلله ان ربنا انقذك منها على خير
وانتظر بإذن الله هتلاقى الأحسن منها كتير
وبلاش البيجو ال304 وال305 عشان قطع الغيار والمتاهات
الفيات لا يعلى عليه لكن دور كويس وماتستعجلش

[hal71]

المشاركة الأصلية كتبت بواسطة Hisham.Elgazzar الحمدلله ان ربنا انقذك منها على خير وانتظر بإذن الله هتلاقى الأحسن منها كتير وبلاش البيجو ال304 وال305 عشان قطع الغيار والمتاهات الفيات لا يعلى عليه لكن دور كويس وماتستعجلش

: THUMBS~220::T HUMBS~220:

[winged]

لو العربية ديه فانوس واحد
اشتريها انا بجد علي حاله
رجاء انا جاد لو موش عاجباك