ال 128 بتاكل بنزين جامد

[mantheman]

يا جماعة انا معايا 128 موديل 1990 1300 سي سي كنت ملاحظ انها بتاكل بنزين كتير فاخر مرة مونت 10 لتر بنزين 92 و كان العداد 93471 كيلو البنزين خلص و هى عاملة 93520 كيلو يعنى مشيت 50 كيلو تقريبا قولولى اعمل ايه

[Vanditta]

مبدئيا حضرتك بتحط 92 لية ؟!!!
نسبة الانضغاط عندك تقريبا 8.88:1 يعنى مش محتاج اكتر من بنزين 80 عشان تمشى زى الفل لو اعلى من كدة يبقى بترمى فلوسك فى الارض

اسباب استهلاك البنزين الزيادة كتيييييير منها مثلا

1- لو الموتور خفيف
2-لو التاكيهات مش مظبوطة
3-الكهربة لو مش مظبوطة مقدمة اوى او مأخرة اوى
4-الكربيراتير عايز يتظبط (بتعرف مثلا لو فى دخنة سوداء من الشكمان)
5-وجود تسريب من التانك او من خراطيم و وصلات البنزين
6-كان ممكن اقولك بلف ال pcv مسدود اولو مش مركب خرطوم الفايظ (بس دة تأثيرة بسيط ماعتقدش انو هايبقى واضح)
7-لو ماعملتش الصيانة الدورية (تغيير فلاتر وبوجيهات)
8-لو ضغط الهواء فى الاطارات مش مظبوط (تأثير غير واضح برضو)
9-لو سواقتك رياضية او عنيفة

وعلى العموم عشان تقدر تحكم العربية بتاكل بنزين ولا لأ هاتفول التانك للزور وتمشى بيها لغاية نص التانك مثلا وبعد كدة تروح تفول تانى للزور وشوفها خدت كام لتر بالظبط وشوف عملت كام كيلو على عداد الكيلوات

واقسم عدد الكيلوات على عدد اللترات هايطلعلك رقم وكسر اضربهم فى 20
هايطلعلك رقم هو دة ساعتها نقدر نقول العربية بتعمل كذا كيلو فى الصفيحة

على العموم عربية حضرتك انا عملت بحث على النت لقيت انها بتعمل فى حدود من 26-28 mpg يعنى حوالى من 220-250 كيلو فى الصفيحة
دة طبعا لو العربية زيرو
يعنى ممكن نقول بالتقريب كدا لو عربيتك بتعمل من 180-200 كيلو يبقى كدة كويسة مش بتاكل بنزين ولا حاجة
وبالتوفيق ان شاء الله

[mantheman]

طيب العربية مش بتطلع دخنة سودة خالص و انا لسه مغير البوجيهات و الفلاتر يبقي كده العيب في التاكيهات ??

[ابو منه]

تسلم ايدك يا باشا على الشرح

[wael nabil elsied]

نفس المشكله حصلت معايه وانا معايه 128 موديل 90 بص يا سيدى اولا لو العربيه بتتأخر فى الدواره الصبح فده عيب من البوجيهات الجديده وممكن تكون مرطبه ويا ريت لو تخلى ميكانيكى نضيف يبصلك عليهم ويزدضبط الخلوص بتعهم على 70 .ثانيا لو العربيه مكتومه فده حيكون عيب ابلتين وكوندنسر فيا ريت تجيب لتنين انجليزى بعشرين جنيه وتغيؤهم وبلاش الفرنساوى.ثالثا سيادتك حتلروح لواحد بتاع كربراتير يفك الكربراتير وينضفه ويبصلك على البيكات عشان انا البك الى كان عندى كان وسع وده كان بيخلى العربيه تسف البنزين مش تكله بس..رابعا وخامسا وسادسا بلاش لعب فى التكاهات لو ما اتلعبش فيها قبل كده عشان التكاهات ديه اطباق ولو ما ظبطهاش واحد محترف حتدخلك فى موال السخونيه والهجس ده...على فكره انا كمان بمون92 لان ال80باه عامل زى الجاز مش البنزين....وربنا يلطف بينا:da nceW7: