سؤال فى بطارية مرسيدس معدلة
السلام عليكم
البطارية بتاعة العربية عندى خلاص شكلها بتموت
وكنت عاوز اجيب واحدة تانية لان الشتا داخل والعربية اتوماتيك
يعنى مافيش مفر من البطارية
العربية مرسيدس 200 معدلة مو 82
1- حد يعرف البطارية دى كام امبير
لانها فى العربية من يوم ماجبتها من زماااان قوى واول مرة اغيرها
فيه ناس بيقولوا 100 امبير وناس تانية بتقول الـ100 امبير دى للمرسيدس الديزل لكن البنزين يركب 90 امبير
2- اسعار البطاريات الجافة ايه دلوقتى وايه احسن الانواع الموجودة
3- كان فيه زميل فى المنتدى من فترة قريبة اشترى بطارية من مصنع بريستولايت
من العاشر من رمضان واخدوا منه القديمة وبيقول السعر ممتاز
حد يعرف عنوان او تليفون المصنع ده لانى سالت فى الدليل وقال الاسم مش مسجل
شاكر لكم جميعا مقدما
ودمتم بخير
تحياتى للجميع
|
05-11-2012, 04:36 AM
