استفسارات عام 2012

[ابوعاصم83]

المشاركة الأصلية كتبت بواسطة mahmoud elmasry بس علي فكره انا لما سالت في فرع المهندسين قالولي ان التامين اجباري فرحت فرع المعادي وافقو وقالولي ان الحجات ديه بنجيب بيها موافقه من الاداره بس وافقوا عادي. بس انت لو مش عايز تامن صمم علي الموضوع ده

على فكرة انا سالت فرع المعادى قالى ان التامين اجبارى فى حالة القسط ب 9% لكن غير اجبارى فى حالة قسط 11%

[Saif eldien]

المشاركة الأصلية كتبت بواسطة bosyjoy84 عايزة سيارة ماروتى بالتقسيط من غير أي تعامل مع بنوك ومعايا جميع الضمانات - يعنى عايزاها من المعرض مباشرة من غير بنك

برجاء تحديد ضمنات حضرتك
كمان انت مقيم فى القاهرة ولا لا
للاستفسار السريع
09009488

[Saif eldien]

المشاركة الأصلية كتبت بواسطة dr.fashel السلام عليكم مشكلتي ان انا عاوز اشتري عربية مستعمله و فلوسي كلها ف شهادات ف البنك و مش هينفع افكها الا بعد 6 شهور و لو فكتها دلوقتي هخسر مبلغ كبير و مش معايا غير 10 الاف سيوله عاوز اي طريقه اشتري بيها عربية مستعمله و ادفع 10 الاف من تمنها و الباقي بعد 6 شهور مع العلم ان انا لسه طالب ف 5 طب و معنديش دخل ثابت ادفع بيه اي قسط شهري.انا عاوز ادفع عشر تلاف بس و الباقي ياخدو بعد 6 شهور حتى لو ب فايده عادي.و العربية ال عاوزها ف حدود 30 او 40 الف حد عنده حل ولا اصبر و اشتري بعد 6 شهور و شكرا مقدما بجد محتاج العربية جدا و عندي ف البنك مبلغ كبير جدا اكتر من تمن العربية بس مينفعش افكها دلوقتي :-(

عامل موضوعين وعامل تنادى كل الناس علشان يساعدوك وكانك فى مشكلة بجد
ونسيت تقراء او تسال عنى وانا اقولك
بكرة الصبح تصحا بدرى تروح البنك ال انت عامل فية الشهدات وتدخل تقابل اى حد فى خدمة العملاء وتقولة عايز قرض بضمان شهداتى عندكم هيقولك ممكن تحصل على 90 فى المائة من فلوسك
وتطلب المبلغ ال انت عيزة ويفضل تطلب مبلغ قليل ويتم خصم المبلغ من شهداتك عند فكها
اتفقنا ومفيش قرف تانى من الموصلات
للاستفسار السريع
09009488

[محمد صالح - المحامى]

نصيحة . اصبر ال 6 شهور دول بدل ما تخسر اى مليم انت اولى بيه
كلية الطب حوت فلوس
ومفيش عربية هتجيبها قسط او قرض الا لما يكون عليها فايدة
والمدة مش كبيرة اوى دول 6 شهور الى صبرك كام وعشرين سنة مش قادر تصبر دول كمان ويبقى معاك فلوسك كاملة وجاهزة وتختار براحتك

[dr.fashel]

استاذ سيف الدين اولا شكرا على اهتمام حضرتك بس انا كاتب ف بوست تانيه تحت البوست الأولانية ان الشهادات ف البنك ب اسم والدي الله يرحمه.و لسه مقدمناش شهاداه الوفاه و الورق عشان لو قدمنا الورق الشهادات هتتفك قبل ميعادها و هنخسر مبلغ كبير جدا.ارجو من حضرتك تشوفلي اي حل ل مشكلتي بما ان حضرتك خبره و اكيد هتقدر تفيدني و شكرا مقدما