عاوز اتعلم السواقه واطلع رخصه اعمل ايه ؟

[MR/E]

بسم الله الرحمن الرحيم
السلام عليكم ورحمة الله وبركاته
--------
انا عندى 18 سنه
وعاوز اتعلم السواقه واطلع رخصه

* فى اسكندريه
-----
عاوز اعرف ايه افضل مدرسه سواقه فى اسكندريه
وايه هى الاوراق المطلوبه عشان اعرف اطلع رخصه
* انا فى معهد ( لو فى ورق لازم اخده من المعهد )
---
وسعمت ان فى مدرسه تبع المرور
الكلام ده صح ولا ايه ؟
--------
وان شاء الله لما اروح مدرسه السواقه
هتعلم السواقه فى اد ايه
-------------
تحياتى للجميع

[eng/walaaeldeen]

السلام عليكم
مدرسة تعليم القياده هيه اقصر طريق لأخذ الرخصه بس بعد كده تتعلم القياده في الخارج
القياده تحتاج عدم الخوف وتقدير المسافات ومعرفة امكانيات سيارتك
والله المستعان

[محمد حسن عبد الرحمن]

المشاركة الأصلية كتبت بواسطة MR/E بسم الله الرحمن الرحيم السلام عليكم ورحمة الله وبركاته -------- انا عندى 18 سنه وعاوز اتعلم السواقه واطلع رخصه * فى اسكندريه ----- عاوز اعرف ايه افضل مدرسه سواقه فى اسكندريه وايه هى الاوراق المطلوبه عشان اعرف اطلع رخصه * انا فى معهد ( لو فى ورق لازم اخده من المعهد ) --- وسعمت ان فى مدرسه تبع المرور الكلام ده صح ولا ايه ؟ -------- وان شاء الله لما اروح مدرسه السواقه هتعلم السواقه فى اد ايه ------------- تحياتى للجميع

زى ما قال لك أستاذ مشمش المدرسة هى أقرب طريق لأستخراج الرخصة وهى المدرسة التى تبع المرور والتكلفة الإجمالية لأستخراج الرخصة تبع المدرسة هتلاقيها فى حدود الـ 600 جنية بالـ ..... وأنا عملت رخصتى تبع المدرسة وبينجحوك فى النظرى والعملى عليك وبيديك بونات بيتهيالى 10 أو 20 مش فاكر بالظبط كل وأحد بـ 5 دقائق أو لفة وبيكون المكان فى سموحة فين مش فاكر بس هم هيقولولك ولأزم تروح بدرح علشان تلحق علشان بيبقى زحمة جدا جدا أنا مروحتش ولا مرة للتدريب أنا كنت بعرف أسوق بس مروحتش التدريب ولا مرة وبعد مرور أسبوعين روحت المرور وقولولى على مكان الأختبار النظرى هما بيقرو السؤال من الكمبيوتر ويجوبوا علية بنفسهم وأنا عن نفسى هى أسالة تافهة جدا بالنسبة لشخص يحب القرأءة ليس كما يقول الناس أنها صعبة جدا (وفى سؤال أنا مش هانسة أبدا كان فى سؤال بيقول لو أنت ماشى بالعربية بسرعة والأستبن فرقع تعمل أية؟) (تفرمل علطول - تكمل ماشى لغاية ما العربية تقف - ولا متعملش حاجة) هما بيختبرو معرفتنا ولا غبائنا مكان الأمتحان النظرى هو بجوار حلقة السمك والقلعة بشارع صغير من الناحية اللى عند البحر وزى ما قال لحضرتك مشمش 1 متعتمدش على تعليمهم بس الا كانت هتستنى لأخر اليوم مع السوق فى أى حتة لغاية ما يخلص الناس اللى بيدى كل واحد لفة وبعد كدة تروح للسائق تدفعله فلوس علشان يعلمك على الصح بيتهيالى الساعة بـ 20 جنية وبكدة مبلغ الـ 600 جنية هيزيد لآنك كل يوم هتدفع للسائق اللى بيعلمك مبلغ كهذا أو أكثر قليل عند حضرتك الطريقة دية أو تطلع مع سائق تاكسىتديله 20 جنية ويعلمك وفى ناس بتعلم السواقة فى حدود المبلغ ده على عربيات ملاكى ممكن تتعلم معهم وفى طريقة وه ديه اللى أنا بفضله وبفضلها تعلمت السواقة ووصلت لدرجة جيدة ودراية بالسواقة بنسبة كبيرة أشتغل بجراج سيارات وستصبح سائق لايستهان به وديه معلومة لحضرتك ستكون سائق لا يستهان به وهتتعلم السواقة على الصح داخل الجراج وأرجو أنى أكون قدرت أفيد حضرتك.

أخوك محمد

[Om Omar]

أنا عملت الرخصة تبع المرور (مدرسة السواقة)
قدمت فى اسم الرمل وهم حيقولولك الأوراق المطلوبة والخطوات
بتجهز صور وكشف نظرسليم وصورة البطاقة وبيتهيألى المؤهل مش فاكرة (هم حيقولولك)

وبيعرفوك ميعاد امتحان الاشارات (فى بحرى عند القلعة) وهم اللى بيمتحنو بدالك
وبعدين بيقولولك على الامتحان فى أبيس وبرضه اللى بيختبرك بيسوق انت بس بتمسك الدركسيون وتديله ال50ج بتوع ال...............

ربنا ينضف بلدنا من عنده
واوعى تديه أنقص من ال50 ج أحسن حد قال لى 20 وأخدت منه كلمتين مالهمش لازمة كمان
نقول إيه بس بجاحة حسبنا الله ونعم الوكيل

[Om Omar]

أه بالنسبة للتعليم بقى إحنا قطعنا الوصولات ال10 اللى بتديهم لنا مدرسة المرور أصلى بتقف طابور كل حصة على ما تركب وفى الاخر بيلففك 5دقايق وهو اللى بيسوق مش بيعلمك ولا حاجة


اتعلم بره مع حد شاطر بقى
المدرسة لتسهيل خروج الرخص بس