لو معاك 90 الف وعجباك واحدة من النوعين دول هتشترى انهى فيهم؟!

[cmatcho]

حسب احتياجك من العربيه
لكن لو مكانك
تيجو الانسب وتتفوق بمراحل في شوراعنا الجميله
كفايه التكاتك وسواقين الميكروباص واللي بيتعلموا السواقه
يعني لو ركبت لها دفيندر امامي وخلفي وعتب جانبي
توكل علي الله والكل هايعمل لك 1000 حساب

[M.TONSY]

لو انت معاك عيلة واستخدامك فى طرق وعرة وبتحمل كتير وعايز صاج ناشف هات التيجو وتوكل على الله
ولو انت شاب ولسة عايز تروش وتعيش الحياة وبتحب الجرى والطرق جميلة معاك السيراتو انسب لك

[mhamdy75]

المشاركة الأصلية كتبت بواسطة mohm_016 ولحضرتك استاذ mhamdy75 وصورة معبرة فعلاً ههههههه عن رأى حضرتك طبعاً

دى عربيتى

انا افتكرتك صورتها

ههههههههه

[TryToDriveSlow]

ولا ديه ولا ديه اختار لانسر بومه او اجيب بروتون جين تو

[mohm_016]

فعلاً لاخاب من استخار ولا ندم من استشار والله العظيم انتم أجدع ناس وأنا اشكركم على أرائكم الجميلة اللى بجد خلتنى هعيد تفكير وأدخل خيارات أخرى مثل الانسر والنيسان الصنى الإلنترا برغم ان التيجو طالعة من عينى شكلها عاجبنى جداً وبحب السواقة الهادية جداً برغم إنى لسه شاب 32 سنة وبرغم انى من بلد ارياف قرية يعنى الطريق فيها غير ممهد بس دا داخل القرية لكن براها الطريق مظبوط جداً يعنى التيجو هتنفعنى لأنها عالية ولانى مش بحب أكون مديون بس لانها صينى وفيه لغط وكلام وبلبلة عليها دا هيخلينى ابعدها من اختياراتى والله انا محتار حيرة جامدة جداً لان الفلوس دى انا انا تعبت فيها جداً ومش عاوز ارميها فى الأرض ولا أجيب عربية تقرفنى واصرف عليها بخصوص بئا المصاريف انا سمعت ان السيراتو بتستهلك بنزين بنسبة عالية على غير العادة هل الكلام دا صحيح ؟؟؟ اسعار قطع الغيار فى اى نوع تكون بسيطة كدا وعلى أد حالنا بس فى نفس الوقت تكون عربية شكلها شيك وأى حد يشوفها يقول عليها جامدة
وانا متشكر جداً