مامـدى استفـادتك من التقنيات المضافة للسيارات الحديثه( كاميرا,شاشه,بصمه...) شاركنا.!!

[eng/walaaeldeen]

السلام عليكم

في ظل تطور السيارات الحديثه أصبح هناك كماليات جديده مضافة إليها مثل (شاشه , كاميرا , بصمه , بلوتوث , أوامر صوتيه ,USB , DVD وغير ذلك من الكماليات والتكنولوجيا )


وكما يعلم الجميع بأن هذه الكماليات والتكنولوجيا هي المميزات الفارقه بين فئة وأخرى وأن لها تأثيرا كبيرا في سعر السيارة .


شأركنا برأيك ..

هل هذه الكماليات والتكنولوجيا أصبحت مهمه في السيارة ؟

ومامدى استفادتك من هذه الاضافات الجديده في السياره .؟

والله المستعان

[sherifabden]

بص ياباشا
في كماليات اساسية لا يمكن الاستغناء عنها في السيارات الحديثة (التكييف الباور السنتر الازاز الكهربا المرايات الكهربا )
وفي كماليات ملهاش لازمة اوي او من الرفاهيات (التكييف التاتش مثبت السرعة مالتي زينون حساسات فتحة سقف اشارات في مرايات .. الخ الخ)
وفي في نفس الوقت كماليات تعتبر من وسائل الامان ولا بد من تواجدها زي الايرباج والاي بي اس والكاميرا والسنسور بارك والفوجات )

[eng/walaaeldeen]

السلام عليكم
افهم ان قصدك ان الكماليات ضروريه والرفاهيه مش ضروري
والله المستعان

[محمدصلاح القاضى]

فى حاجات فعلا لا غنى عنها فى اى عربيه دلوقتى
يعنى{ باور& وازاز كهربا& مكن رفع & تكييف & بارك سينسور & فوجات شبوره & ABS & EBD & ESP & AIR BAGS }
وفى حاجات تانيه
تعتبر من الرفاهيه
زى
(طاره مالتى & تكييف تاتش & فتحة سقف & زينون & كاميرا خلفيه& نقل من الدريكسيون& بلوتوث& مفتاح بصمة اليد& DVD )

و انا من وجهة نظرى ادينى عربيه امان وميهمينش اووى فيها الكماليات

[dr_eslam_66]

كلكوا إتفقتوا إنكم تقسموا الكماليات منها ما أصبح أساسي ومنها ما أصبح رفاهية.
طيب ما الأساسي دا فيه منه رفاهية وفيه منه أمان.
إتفقتوا إني الزينون رفاهية مع إنه ممكن يكون علشان الرؤية ويزود عامل الأمان.
عموما أنا عن نفسي عايز عربية يكون فيها كماليات الدنيا بما فيها ولاكن ليس بالإمكان أحسن مما كان والحمد لله على كل شيء وعلى قد لحافك مد رجليك وهنيالك يا فاعل الخير والثواب وكماليات قليلة تمنع بلاوي كتير ......