سيــــــــــارات المعاقين

[tham1010]

المشاركة الأصلية كتبت بواسطة HaMaDa AzzaM لو سمحت أنا عندي اعاقة في رجلي بالاضافة الى اعاقة بايد (التواء باصابع اليد بالاخل) ممكن اعرف وضعي ايه بالنسبة للسيارة المجهزة ؟؟؟ وهل الحالة دي بتترفض في الكوميسيون ؟

اللجنة الطبية هى طبعا اللى هتقرر على حسب الدكتور الموجود فى الكومسيون ولكن لو بتقدر تستخدم وتتحكم فى ايدك وظيفيا يبقى هيكون مسموح لك سيارة معاقين.. الاهم مش يكون فى شلل نصفى طولى لان هذا يجعلك لا تستطيع القيادة بيد واحدة وخاصة لو كانت الإعاقة فى اليد اليمين لان هذا بيرفض...طبعا حتى ولو الامل ضعيف روح وقدم على السيارة فى الكومسيون بكشف عادى علشان لو ربنا مش وفقك يبقى الخسارة يدوبك 100 جنية وخلاص

[ellol3310]

الف شكر يا THAM1010 على المتابعة والردود الوافية.

كنت عايز اسئل طيب لو انا القومسيون بتاعى قال عربية مانول مجهزة .. فى نفس الوقت الاعاقة قدم يسرى فقط يعنى لو جبت اتوماتيك هيكون اسهل وافضل .. هيكون ايه الحل بالذات اننا اقدر اجيب سيارة اتوماتيك من الخارج بسهولة وباسمى.

[tham1010]

المشاركة الأصلية كتبت بواسطة ellol3310 الف شكر يا THAM1010 على المتابعة والردود الوافية. كنت عايز اسئل طيب لو انا القومسيون بتاعى قال عربية مانول مجهزة .. فى نفس الوقت الاعاقة قدم يسرى فقط يعنى لو جبت اتوماتيك هيكون اسهل وافضل .. هيكون ايه الحل بالذات اننا اقدر اجيب سيارة اتوماتيك من الخارج بسهولة وباسمى.

بلاش تخرج عن النص المذكور فى القرار.. واحد جاب عربية أتوماتك بدل المانيول وكانت النتيجة رفض المرور الترخيص له لعدم المطابقة. وفضل يحاول لحد ما دفع 500 جنية إكرامية والراجل رخص له العربية ولكن طلب منه يركب جهاز بنزين وفرامل علشان يرخص له ويكتب إنها مجهزة.. يعنى الراجل دفع 500 جنية وكمان برضوا دفع ثمن الجهاز اللى بيركب فى العربية...

والأن خايف يشيل الجهاز لحد يوقفة ويقول له العربية مش مجهزة. امشى صح واتكل على الله.. والجهاز يعنى مش بيخلى العربية وحشة وهيكون اريح لك

[HaMaDa AzzaM]

المشاركة الأصلية كتبت بواسطة tham1010 اللجنة الطبية هى طبعا اللى هتقرر على حسب الدكتور الموجود فى الكومسيون ولكن لو بتقدر تستخدم وتتحكم فى ايدك وظيفيا يبقى هيكون مسموح لك سيارة معاقين.. الاهم مش يكون فى شلل نصفى طولى لان هذا يجعلك لا تستطيع القيادة بيد واحدة وخاصة لو كانت الإعاقة فى اليد اليمين لان هذا بيرفض...طبعا حتى ولو الامل ضعيف روح وقدم على السيارة فى الكومسيون بكشف عادى علشان لو ربنا مش وفقك يبقى الخسارة يدوبك 100 جنية وخلاص

انا متشكر لحضرتك جدا على ردك

بس الـ 100 جنيه دي رسوم الاستمارة ؟؟؟
انا الي اعرفه انا 300 ولو مستعجل 600 ؟؟؟

[tham1010]

المشاركة الأصلية كتبت بواسطة HaMaDa AzzaM انا متشكر لحضرتك جدا على ردك بس الـ 100 جنيه دي رسوم الاستمارة ؟؟؟ انا الي اعرفه انا 300 ولو مستعجل 600 ؟؟؟

الأسعار اتغيرت واصبح العادى 100 جنية والمستعجل 500 جنية ولكن طبعا محدش بيعمل العادى الكل بيخلص بالمستعجل.. وهذه المعلومات من كابتن توفيق اللى لسة كاشف قريب خالص