رجااااااء عايز مساعدتكم لاني اااابيض خالص في موضوع العربيات ده وعايز اجيب لوجان

[amor777]

انا عمري ما سوقت عربية اكتر مرة سوقت عربية كانت دقيقة واحدة بس بالظبط وفي حته فاضية كانت عربية واحد صاحبي انا بعد عنااااء بجد واللهي قعدت اقلب في كل مواقع النت وبعد طول تقلييب قررت اجيب رينو لوجان مانيوال ان شاء الله بس انا عايز اسئلكم علي حاجة وبالله عليكم الي يدخل يكتب رد يفيدني بيه مش يقري ويخرج تاني المهم انا مش عارف اجيب منين من معرض ولا من التوكيل انا رحت سمير ريان وسالت عن السعر قالي 72500 وسالت في التوكيل قالي نفس السعر بالظبط انا مش عارف اولا افاصل ولا ده سعر بيكون نهائي لانه زي التوكيل ثانيا سالت في التوكيل قالي هتستلم بعد 3 شهوووور واعتقد في سمير ريان هستلم في اقل من كده بكتير ناوي اجيب كاش ان شاء الله وبيقولي في المعرض التاخير ده عشان العربية عليها طلب طيب ليه الناس دي الي مستنيه مرحتش معارض لو الاتنين زي بعض وفي سمير ريان ملقتش غير لوجان واحدة بس محطوطة في الشارع كده (ده نظام العرض بتاعهم):w6w20050411220532 68 وما شاء الله بيغسلوا عربيات جميها والعربية استحمت مايه وحاسس انها لو اتكلمت هتشتمهم من كتر ما هما بهدلوها من الاخر عشان مزهقوش ممكن استني 3 شهور من مشكلة بس الفرق فعلا بين التوكيل واي معرض يستحق استني الفترة دي كلها ياريت يا جماعة انصحوني بسرررررعة اجيب منين ولا المعارض كويسة واجيب من انهي معرض لاني لو هجيب من التوكيل يا دوبك الحق احجز عشان استلم علي شهر ديسمبر كده ده لو كلامهم فعلا دقيق وهيسلموني بعد 3 شهور بالظبط بجد اي حد عنده نصيحه ليه يقولي بسرعه لاني عايز اقرر بسرعه انا هعمل اييه وشكرا لكل اعضاء المنتدي الي معاهم عربيااااات يا بختهم وعقباااالي يلا عايز بالله عليكم ردود تريحني من الحيرة دي

[sherifabden]

بص ياباشا
مفيش حاجة اسمها فصال مع المعرض او التوكيل يعني يا اما تشتري العربية ولو مش عاجبك السعر اشتري عربية تانية
ثانيا سمير ريان معرض محترم جدا جدا والناس كلها بتشكر فيه جدا جدا ومفيش فرق بين انك تجيب من معرض او تجيب من التوكيل يعني لو مستعجل هاتها من المعرض وول مش فارة معاك ممكن تجيبها من التوكيل
ثالثا انا معنديش عربية

[spear7]

بص يا باشا ما دام نويت يبقى زي الفل كدة ....

بس اللي قالقني هنا انك بتقول ما سوقتش الا قليل ... بص لو انت مش متمكن في السواقة يبقى خليك في فترة انتظار التوكيل احسن على ما تاخد حصص سواقة لحد اما تتمكن ... عشان بلدنا دي لا شوماخر و لا فيتيل يسلكوا فيها هههههههه ... اما لو متمكن يعني فقدامك خيارين

الاول : تروح معرض تكيش و تستلم في وقتها طوالي
الثاني : تروح توكيل رينو تحجز و هتكون ارخص حوالي 1000 جنيه و الميزة هي انك هتاخد العربية و انت رجلك اول رجل اتحطت عليها ... يعني نزلت من الكساحة على الارض و انت استلمت ... على عكس المعرض ممكن يكونوا لفوا بيها شوية و هما فاصلين الاودوميتر ( عداد الكيلوات )

يا راجل انت داخل بقلب جامد في صفقة ... مفيش حاجة اسمها تفاصل ... كدة يقولوا عليك مستجد و يبقلشوك في عربية مضروبة ههههههه ولا يهمك ملعوبة برضوا

انا كدة قلت المميزات و عيوب كل طريقة و تشخيص لحالتك ...

قدامك معارض تشتري منها بقى انا الصراحة مش باثق الا في 4 معارض
1 - اوتو سمير ريان
2- المصرية للسيارات ( بس ليا بعض التحفظات عليهم )
3- القرش
4 اوتو سلطان (شارع حسن المأمون بعد النادي الاهلي ... و انا اشتريت من دة ... و ناس تعاملهم جنتل قوي قوي قوي )

و ممكن يكون للرجالة هنا اراء أخرى و هما اكيد ليهم خبرة اكبر مني ... معنى اصح عتاولة

[akerima]

مفيش اي فرق من شرائك من التوكيل او معرض بس اهم حاجة يكون معرض كويس وموثوق فيه زي سمير ريان - طارق اسماعيل - عربيات واي موزع معتمد من التوكيل

التوكيل لما بتوصلة دفعة من العربيات بتكون اولية التوزيع علي الموزعين النعتمدين وبياجل الافراد اللي حاجزين لدمعات لاحقة وعشان كده بيتاخر في التسليم لكن في الاخر مفيش فرق في الاخر العربية بعد شراها مسؤلية التوكيل طول ما هي في الضمان

[amor777]

انا برضه برجح التوكيل بس خايف يأخروا عليه قوي اكتر من ال3 شهور عشان كده احيانا بقول اتعلم الاول واروح اجيب من معرض علي طول خلال شهر مثلا وبرضه خايف من حاجه لاني سمعت انه احيانا في المعارض بتكون العربيه موديل 2012 ومتبقية عندهم ويبعهوا علي اساس انها موديل 2013 وما شاء الله محسوبكم معلم كبيييير هشربها وولا هعرف افرق خالص انها مش موديل 2013 حتي لو مفيش فرق بين الاتنين بس ميضحكش عليه وافتكر ان التوكيل مش ممكن يعمل كده مصيبه ليكون فيه قلق التوكيل يعمل كده هوه كمان برضه خاصة فيه ناس كتير متقدرش تفرق وقريت انها حصلت مع حد في المنتدي هنا بس كان شاري من معرض فيا تري حد يعرف التوكيل فعلا بيلتزم بالتاريخ الي بيقوله ولا بيقعد يمطوح فيك لما يجي وقت التسليم ولا اشوف معرض واخاطر بالموضوع الي حكيته ده