لو أنت مكاني تزعل وللا تفرح ؟؟؟؟

[AHMEDCAR]

المشاركة الأصلية كتبت بواسطة amr_Sahoka2006 يا باشا هي الرينو مش وحشه اووي كده ولا انت شايف ايه؟؟؟ انا شايف انها عربيه محدش اشتكي منهاكتير بس حضرتك طبعا ادري

هاقولك كلمه واحد كنت امبارح فى معرض سيارات انا و صديق عزيز عليا و لقيت فيه عربيه سينك

قولتله العربيات دى ايه نظمها قالى دى من فشل الى فشل اكبر ان شاء الله

قولتله كلامك ده على تجربه و لا كلام سوق

قالى كان معانا هنا ميجان

و الله العربيه تحس انها ماشيه على فيش يعنى مع كل مطب ولا هزه جامده لازم تعطل

عربيه تعبانه بجد

[Payoo]

المشاركة الأصلية كتبت بواسطة bmkbmk تقول الحمد لله يا باشا .. انه جت لحد كدة و ربنا يعوض عليك خير ان شاء الله

الحمد لله على كل حال ... متشكر جدا

المشاركة الأصلية كتبت بواسطة salahabdelnabi تفرح وتقول الحمد لله قدّر الله وماشاء فعل وكويس انك لسة واقف على حيلك وصالب طولك بعد اللى عملته فيك الميجان وكمان جابتلك قرشين تقدر تكمل عليهم وربنا يكرمك باللى احسن منها ان شاء الله

فعلا والله الحمد لله إن الواحد لسه صالب طوله بعد غللي شافه من الميجان

المشاركة الأصلية كتبت بواسطة mazen mazen لا حول و لا قوه إلا بالله هو فعلا الفرق كبير و مش عايز اقول الخساره لانك مخسرتش انت ركبت عربيه نظيفه اوروبيه وقضت بيك غرض

هي فعلا قضت الغرض التي صنعت من أجله وهو مص دم مالكها .... ولكن بصراحة ما قضيتش الغرض إللي كنت أتمناه وهو أني اركب عربيه تريحني وتكون في خدمتي مش انا إللي في خدمتها

المشاركة الأصلية كتبت بواسطة ahmed_kamel تحمد ربنا إن عرفت تطلع منها على خير بدون خسائر فعليه ..( وش المقابله حلو عليك والحمد لله وعرفت تطلع منها على خير ).. آدي ياسيدي فيديو للعروسه قبل الزفه وهيه لسه عند الكوافير http://www.youtube.com/watch?v=dPzxjhbc4M4&feature=fvw

فعلا يا أيو حميد وش المقابله حلو عليا جدا ومتشكر جدا جدا على الفيديو الجميل ده

المشاركة الأصلية كتبت بواسطة amr_Sahoka2006 يا باشا هي الرينو مش وحشه اووي كده ولا انت شايف ايه؟؟؟ انا شايف انها عربيه محدش اشتكي منهاكتير بس حضرتك طبعا ادري

ياريت حضرتك تزور التوكيل أو أي مركز صيانه رينو وأنت تشوف بنفسك شكاوي الناس ومدى سخطهم على العربيه وسيبك من الكلام إللي بتشوفه على النت

[AHMEDCAR]

عموما الف الف مبروك يابايو انك خلصت منها و انا اسف و الله انى مقدرتش اساعدك فى الموضوع بتعها ده

[Payoo]

المشاركة الأصلية كتبت بواسطة AHMEDCAR عربيه تعبانه بجد

أنا بشكرك جدا يا أبو حميد على أهتمامك من يوم المقابله لتساعدني في بيع العربيه

بجد متشكر جدا

المشاركة الأصلية كتبت بواسطة horas3000 تقول قدر الله و ما شاء فعل و تدعي ان اللي اشتراها يكون حظة و نصيبة احسن منك و تخش تتفرج علي مقالات و فيديوهات و ريفيوهات لعربيتك الجديدة عشان تنسي و تحمس نفسك الف مبروك يا باشا و عقبال متستلم الفانتازيا ان شاء الله

فعلا قدر الله وماشاء فعل .... شكرا يا حورس

المشاركة الأصلية كتبت بواسطة Ahmed_lol2007 الف مبروك يا باشا أنا والدى كان عايز يجيبها ليا أنا وأخويا بس بعد ما شفت رأى حضرتك عن الميجان خليتو يفكر فى ال أوكتافيا وربنا يعوض عليك فى الفلوس اللى إتدفعت فيها

الظاهر كده والله أعلم إن والدك كان غضبان عليك أنت واخوك وكان عاوز العربيه دي تساعد في تربيته لكم

المشاركة الأصلية كتبت بواسطة Dr. Bolbolan نقول الحمدلله ان بيعها لم يؤثر علينا وان معانا فلوس نجيب غيرها و غيرها ! Dr. Bolbolan ptmnlo123per122

فعلا يا دكتور الحمد لله الذي لا يحمد على مكروه سواه

المشاركة الأصلية كتبت بواسطة AboNoRa انا مع راى الدكتور بلبلان وحورس انا شايف انك تفرح والحمد لله انك خلصت منها قبل ما سعرها ينزل اكتر وتكلفك مصاريف اكتر واكتر فاحمد ربنا انها جت على قد كده وبإذن الله ربنا يعوضك عليك ويباركلك فى الجديدة ان شاء الله

شكرا يا أبو نورا

[Payoo]

المشاركة الأصلية كتبت بواسطة AHMEDCAR عموما الف الف مبروك يابايو انك خلصت منها و انا اسف و الله انى مقدرتش اساعدك فى الموضوع بتعها ده

أنت بتقول أيه بس يا أبوحميد ؟ دا أنا إللي مكسوف منك ومن تعبك معيا في بيعها
وأنت جبت أقصى سعر تقدر عليه وهو 50ألف جنيه

والحمد لله أنا بعتها بزيادة شويه وكله تمام وخلصت منها والحمد لله