رسيفر جديد...

[tham1010]

أخوانى عاوز أشترى رسيفر جديد.... الرسيفر الجديد لابد أن يكون HD علشان التلفزيون Full HD طبعا فى خيارات كثيرة.. ولكنى متردد شوية بين نوعين بالتحديد (Truman 9090 HD ) ورسيفر (Dreambox 500HD) الاثنين كما اعرف سعرهم فى حدود 500 جنية... الناس بتقول ميزة dreambox الدعم الفنى وكل شوية سوفتوير جديد له. والترومان إمكانيات ولكن الدعم مش قوى. أنا متحير.طبعا فى رسيفرات عالية وغالية زى Truman Premier 1 Plus وكمان dreambox 800 ولكن شيف ان الحكاية مش مستهلة يعنى انا مش من النوع اللى بيجرى وراء سيرفرات وتوصيل نت وفتح المشفر مشاهدة المباريات. أنا اهم حاجة الصورة تكون خلابة والرسيفر مش يسخن ولا يفصل ولا يعمل حركات فى الصيف. يعنى ثبات فى الآداء...هل أحد لديه خبرة فى هذا الأمر؟ ممكن أسمع تجارب الأعضاء الكرام؟.

[sayed2077]

اولا السعر هيكون فى حدود 1000 على ما اعتقد للرسيفر ال DVBs 2

مش DVB s 1

لان فيه رسيفرات الى هيا DVBs1 ديه هتلاقيها فى حدود ال 500 جنية فعلا بس مش بتشغل القنوات ال HD الجامده مثال على القنوات ديه زى قنوات الشو تايم HD لانها قنوات عالية الدقه جداااا ولازم لها رسيفر يتمكن من استقبال قنوات DVBS2 وحاليا طبعا قنوات الشو تايم مقفوله للاسف من نحية الشيرنج

بس انا بقول لحضرتك انك لازم تجيب رسيفر يدعم تقنية DVB s2
لان كده انت بتشترى رسيفر يفتحلك قنوات ال HD العادية زى مثالا قناة دريم HD و يفتحلك قنوات ال HD اللى لازم لها الرسيفر يكون فيه تقنية DVBs2

وبكده اقدر اقسلمك الرسيفرات من حيث الاستقبال الى ثلاثة انواع

1:نوع عادى بيستقبل القنوات العادية فقط ولا يستطيع استقبال اى قنوات HD بس بيجيب صوتها فقط وده بتلاقى سعره من 100 جنية لغاية حوالى 400 جنية

2:نوع يستقبل القنوات العادية وقنوات ال HD اللى بتعمل فقط بتقنية DVBs1 ولكن غير قادر على استقبال قنوات الHD اللى بتعمل بتقنيةDVBs2 وسعره بيبقى فى حدود 500 جنية
واشهر جهازين فيه جهاز اسمه الجوكر وده جهاز تبع شركة كيومكس ونزل خليفة لجهاز كيومكس جولد 999 وطبعا بيدعم الشيرنج وجهاز دريم بوكس الغنى عن التعريف وطبعا يدعم الشيرنج

3:رسيفر بيستقبل القنوات العادية وقنوات ال HD اللى بتعمل بتقنية Dvbs1 وقنوات ال HD اللى بتعمل بتقنية DVBs2 وبيكون سعره لا يقل عن حوالى 1000 جنية

ومن امثلته

جهاز هيومكس علبته سودا كدا وشكلها شيك فوق الوصف بس اعتقد لا يمكن تشغيل الشيرنج عليه

وجهاز دريم بوكس بس غير واثق من وجوده فى الاسواق

وعموما لازم اللى ينزل مع حضرتك علشان تجيب الجهاز ابو 1000 جنية ده يكون خبير وفاهم فى الحكاية ديه ويفضل لو تجيبه من الوكيل الخاص بالجهاز

ولازم تتاكد ان ده قادر على تشغيل قنوات DVB s2

مش الراجل يقولك ده HD وخلاص لان للاسف التجار مش بيبقوا فاهمين اووى ايه الفرق بين الحاجات ديه

وطبعا لو حضرتك جبت رسيفر يدعم الشيرنج ممكن تشترك مع واحد
الثلاث شهور بحوالى 75 جنية
وهيفتحلك على النايل سات
الايه ار تى والجزيرة الرياضيه بقنوات ال HD

وعلى العرب سات
باقات المجد و الجزيرة

وعلى الهوتبيرد هيفتحلك باقات قنوات

السيفرا و كانال و نوفا و باقات كتير

وايضا بعض الباقات الاخرى على بعض الاقمار الاخرى

مثل القمر استرا و القمر اموس الاسرائيلى


وطبعا انا برىء من طريقة استخدامك له فى الطرق الغير سليمه


ولو معندكش غير طبق نايل سات بس

يبقى هتدفع اشتراك
50 جنية كل 3 شهور

وهيفتحلك الايه ار تى

والجزيرة الرياضيه كامله حتى بقنوات ال HD

ولو حضرتك محتاج اى اسئلة ممكن تتصل بيا فى اى وقت فى 24 ساعه

01007490168

[tham1010]

المشاركة الأصلية كتبت بواسطة sayed2077 اولا السعر هيكون فى حدود 1000 على ما اعتقد للرسيفر ال DVBs 2 مش DVB s 1 لان فيه رسيفرات الى هيا DVBs1 ديه هتلاقيها فى حدود ال 500 جنية فعلا بس مش بتشغل القنوات ال HD الجامده مثال على القنوات ديه زى قنوات الشو تايم HD لانها قنوات عالية الدقه جداااا ولازم لها رسيفر يتمكن من استقبال قنوات DVBS2 وحاليا طبعا قنوات الشو تايم مقفوله للاسف من نحية الشيرنج بس انا بقول لحضرتك انك لازم تجيب رسيفر يدعم تقنية DVB s2 لان كده انت بتشترى رسيفر يفتحلك قنوات ال HD العادية زى مثالا قناة دريم HD و يفتحلك قنوات ال HD اللى لازم لها الرسيفر يكون فيه تقنية DVBs2 وبكده اقدر اقسلمك الرسيفرات من حيث الاستقبال الى ثلاثة انواع 1:نوع عادى بيستقبل القنوات العادية فقط ولا يستطيع استقبال اى قنوات HD بس بيجيب صوتها فقط وده بتلاقى سعره من 100 جنية لغاية حوالى 400 جنية 2:نوع يستقبل القنوات العادية وقنوات ال HD اللى بتعمل فقط بتقنية DVBs1 ولكن غير قادر على استقبال قنوات الHD اللى بتعمل بتقنيةDVBs2 وسعره بيبقى فى حدود 500 جنية واشهر جهازين فيه جهاز اسمه الجوكر وده جهاز تبع شركة كيومكس ونزل خليفة لجهاز كيومكس جولد 999 وطبعا بيدعم الشيرنج وجهاز دريم بوكس الغنى عن التعريف وطبعا يدعم الشيرنج 3:رسيفر بيستقبل القنوات العادية وقنوات ال HD اللى بتعمل بتقنية Dvbs1 وقنوات ال HD اللى بتعمل بتقنية DVBs2 وبيكون سعره لا يقل عن حوالى 1000 جنية ومن امثلته جهاز هيومكس علبته سودا كدا وشكلها شيك فوق الوصف بس اعتقد لا يمكن تشغيل الشيرنج عليه وجهاز دريم بوكس بس غير واثق من وجوده فى الاسواق وعموما لازم اللى ينزل مع حضرتك علشان تجيب الجهاز ابو 1000 جنية ده يكون خبير وفاهم فى الحكاية ديه ويفضل لو تجيبه من الوكيل الخاص بالجهاز ولازم تتاكد ان ده قادر على تشغيل قنوات DVB s2 مش الراجل يقولك ده HD وخلاص لان للاسف التجار مش بيبقوا فاهمين اووى ايه الفرق بين الحاجات ديه وطبعا لو حضرتك جبت رسيفر يدعم الشيرنج ممكن تشترك مع واحد الثلاث شهور بحوالى 75 جنية وهيفتحلك على النايل سات الايه ار تى والجزيرة الرياضيه بقنوات ال HD وعلى العرب سات باقات المجد و الجزيرة وعلى الهوتبيرد هيفتحلك باقات قنوات السيفرا و كانال و نوفا و باقات كتير وايضا بعض الباقات الاخرى على بعض الاقمار الاخرى مثل القمر استرا و القمر اموس الاسرائيلى وطبعا انا برىء من طريقة استخدامك له فى الطرق الغير سليمه ولو معندكش غير طبق نايل سات بس يبقى هتدفع اشتراك 50 جنية كل 3 شهور وهيفتحلك الايه ار تى والجزيرة الرياضيه كامله حتى بقنوات ال HD ولو حضرتك محتاج اى اسئلة ممكن تتصل بيا فى اى وقت فى 24 ساعه 01007490168

أنا بشكر حضرتك وبشدة على هذا الشرح الوافى الذى إن دل على شئ يدل على فهم جيد جدا للرسيفرات وأنوعها.......حضرتك كلامك صح ماية الماية فيما يخص DVB-S2 الحقيقة أنا مش بتاع قنوات وأشتراكات فى سيرفرات وكدة.. انا يدوب عندى طبق متر وعلى عدسة النيل سات وخلاص.. ومش مهم عندى خالص Art ولا الشوتايم ولا الجزيرة خالص... أنا عاوز أشترى رسيفر هاى دفنشن فقط علشان الصورة لما أشوفها أقول (( واوووووووو) على دقة وحلاوة الصورة وخاصة أنى هجيب تلفزيون LED - full HD أو تلفزيون 3D فكنت عاوز رسيفر برضوا هاى دفنشن لتكون الصورة بأجود ما يمكن.... أنا شخصيا مش عارف هل الرسيفر يفرق جامد فى نوعية الصورة على النيل سات لان الحكاية منظومة واحدة يعنى لازم تلفزيون Full HD ورسيفر يكون HD والقنوات اللى بيستقبلها الرسيفر تكون HD ولو حلقة من السلسلة الثلاثية دى مش مش HD يبقى ولا كأننا عملنا حاجة، وتبقى الحكاية كأننا بنستخدم تلفزيون عادى على رسيفر عادى... فأنا هجيب تلفزيون Full HD غالى يبقى نجيب له رسيفر HD برضوا ونستنى بقه لحد ما القنوات تتحول هى كمان HD القناة المجانية الوحيدة على النيل سات اللى HD هى قناة dream2 والبقية تأتى..... لهذا أرى ان الرسيفرات اللى بتكون فى حدود 1000 جنية مبالغ فيها ومحتاجة ناس مشتركة فى الشوتايم او مغرمة رياضة. وأنا مش كدة... أنا الحقيقة عندى رسيفر ترومان عادى 150X utltra والحقيقة هذا اروع جهاز وجعلنى اثق بشدة فى شركة ترومان. الجهاز عمرة ما بيسخن ولا قبلت مشاكل معاه خلال الاربع سنوات الماضية سريع جدا وفيها خصائص ممتازة تسهل التحكم والسرعة فى ترتيب القنوات والتعامل معها.. وأنصح به اى حد عاوز يشترى رسيفر.. وهذا جعلنى أبحث عن رسيفر HD ووقع الإختيار على رسيفر ترومان 9090 HD وثمنه فى حدود 500 جنية وفى الأنترنت مكتوب أنه بيدعم DVB-S2 يعنى حديث ولكن مش مهم بالنسبة لى قوى.أن يمكن أحب أكثر جهاز ممكن أسجل منه على الفلاشة وهذا خاصية حلوة بالنسبة لى. تبقى عامل زى الفيديوا. جهاز مش يسخن ولا يبوظ يعنى يكون الهارد وير بتاعة قاسى.. الجوكر وأشباهه من شركة عبد العال هو سوفت وير جامد وإمكانيات ولكنه جهاز غير معمر ومش بتاع شغل وطحن. يعنى يدوبك تجيبة سنة ولا اثنين وترمية.. انا عاوز واحد يقعد ويعمر زى الرسيفر اللى عندى.. أرجو أن اكون أوضحت فكرتى.................... ...
عاوز تجارب الأعضاء اللى عنده رسيفر ترومان HD أو اللى عدة معرفة بأنواع وموديلات الرسيفرات ومجربها ويقول لى ايه ملاحظاته على الأداء لترومان او دريم بوكس

[sayed2077]

الف شكر لحضرتك

انا بالنسبه ليا فانا مش بقعد على تلفزيون فجايب كرت دش بيدعم تقفنية DVBS2 ومشترك فى الشيرنج وفاتحلى كل القنوات المشفرة ماعدا باقات OSN
لانها لها نظام تشفير لا يسمح للشيرنج بفتحها
فعلشان كدا مش بفكر كتير فى الرسيفرات

بس عموما الدريم بوكس ده يعتبر برنس الريسيفرات خصوصا ان حضرتك ممكن فى المستقبل مثالا تشترك فى الشيرنج وكدا

بس للاسف الاصلى منه سعره غالى جداااااااااا

يعنى حضرتك لو نزلت باب اللوق
هتلاقى سعره حوالى 1750 وكمان من غير ضمان للاسف

ففعلا لو عرفت معلومه عن ريسيفرت تانية HD كويسه هبقى اقولك
ان شاء الله

[tham1010]

أستاذ سيد متشكر لردك وحسن متابعتك...تصدق حضرتك أنى فكرت فى حكاية كارت الستالايت والنت وكدة... هذا القرار جاء بعد بحث وتدوير. أنا ـصلت بالموزع الرسمى لجهاز DreamBox وسألت على رسيفر dreambox 500HD تصدق انه قالى ان الجهاز ب 3500 جنية وهو جهاز جاى من المجموعة الأوروبية يعنى مش كوبى صينى...ولما قلت لها هو دة أقل حاجة تدعم الهاى ديفنيشن قالت لى نعم.. طبعا سكيت التليفون وانا بأضرب كف على كف. تصدق ان الجهاز دة فى دبى بحوالى 1400 درهم... يا خبر على الإفرق..قرأت كثير كثير وفى الأخر صرف نظر خالص عن حكاية شراء تلفزيون ورسيفر جديد فى الوقت الحالى.. اللى يشترى تلفزيون Full HD ومش يكون مشترك فى الشوتيم أو الجزيرة أو ART يبقى بيرمى فلوسة فى الأرض فقد قرأت ان عندما تشغل القنوات العادية على تلفزيون 32 HD فإن جودة الصورة بتقل عن التلفزيون العادى وهذا بسبب ان التلفزيون بيعمل عملية تمديد وتوزيع للبكسل بتاع الصورة على السطح الكبير فجودة الصورة تقل ( بيسموها مط الصورة) وهذا خاصة فى القنوات الحكومية مثل قنوات النيل مثلا. يعنى بدل ما أحسن الصورة هتبقى أسؤ فى بعض الأحوال. كذلك الرسيفر HD لو لم يجد قناه تعمل بخاصية HD سوف يخرج لك صورة عادية جدا. لهذا وجدت فى النهاية انى سوف ادفع 500 جنية وأرمى رسيفر الذى عندى لمجرد مشاهدة قناه دريم.. لهذا وجدت نفسى خاسر فى هذه اللعب، فتراجعت. وخاصة ان كل يوم الأسعار سوف تنزل يعنى الرسيفر الترومان 9090 الهاى دفينشن كان بألف جنية من سنتين وهو الأن أصبح 500 بعد نزول الجهاز الجبار الترومان بريمير وان بلص... الجهاز الوحيد الذى لا ينزل سعرة هو الدريم بوكس لانه مركة عالمية ويجب ان يكون السعر متقارب مع السعر فى الدول الأوروبية...هذه التكنولوجيا تحتاج سنتين أو أكثر حتى نتمتع بمشاهدة قنوات عالية الجودة.. نرجو أن ينصلح حال البلد وتنهض لندخل عصر العلم والتكنولوجيا عن حقهو كرت الستاليت بكام لو سمحت يا أستاذ سيد. هل فى نوع تنصحنى به؟؟ متشكر.