يوميات رينو رينبو ... اسعار قطع غيار وكل شيئ عنها

[hakam]

فانوس خلفي بـ90 جنيه صناعة تايواني ماركة depot
تيل فرمل صيني درجة اولى 40 جنية
لوحة تكييف استيراد فرنساوي 150 جنية
فانوس اشارة امامي 25 جنية صناعة تركي
في حاجة عايز اضيفها لكل اصدقائي اللي بيفكروا يشترو رينو رينبو العربية من ضمن اهم مميزتها ان صالونها بجد واسع جدا لاني ركبت اكتر من عربية زي الفيرنا والشاهين واللانسر البطة بجد مفيش صالون فيهم مريح وواسع زي بتاع الرينبو

[hakam]

بالنسبة لسعر الرينبو حاليا طبعا بيختلف حسب حالة العربية
مثلا لو العربية حالتها ممتازة واساسيات سليمة وتكيف شغال وسنتر وانذار وزجاج كهرباء ومش محتاجة مصروف تعمل حوالي 27000 او 28000 جنيها بس المهم تكيفها يكون شغال غير كده سعرها بينقص حسب الحالة

[hakam]

يا اهل الرينبو لو مفتاح الزجاج الكهرباء بتاع عربيتك باظ اوعي تشتري مفتاح بتاع الرينبو وتركبة لانه بخمسين جنية الافضل انك تشتري مفتاح عادي جدا من ابو 8 جنية وتخلي الكهربائي يعدلك الفيشة ويشلك الارضي الزيادة وبكدة تبقى وفرت كتييييييييييييييييير

[teto2007]

المشاركة الأصلية كتبت بواسطة hakam يا اهل الرينبو لو مفتاح الزجاج الكهرباء بتاع عربيتك باظ اوعي تشتري مفتاح بتاع الرينبو وتركبة لانه بخمسين جنية الافضل انك تشتري مفتاح عادي جدا من ابو 8 جنية وتخلي الكهربائي يعدلك الفيشة ويشلك الارضي الزيادة وبكدة تبقى وفرت كتييييييييييييييييير

اخى الفاضل انا معايا رينبو م 99 بس كنت عاوز اعرف من حضرتك شوي حاجات عنها اية انسب زيت موتور ليها وكمان لزوجتة وزيت الفتيس كمان لزوجتة كام ونوعة وفية سؤال تانى العربية عندى مؤشر الحرارة بيجى فى النص بعد فترة من المشى بيها قليلة جدا يعنى ممكن تقول 2 كيلو مع انى لسة مسلك الريداتير انا بحط مياة معدنية فاياريت حضرتك تنصحنى اعمل اية عشان السخونة دى انا من اسكندرية ولو حضرتك تعرف ميكانيكى كويس بيفهم الرينو اكون شاكر وشكرا

[hakam]

اخي الكريم بالنسبة لموضوع السخونة دا انا كنت بعاني منه زي حضرتك وعملت كل حاجة ليها علاقة بدورة التبريد لكن طلع الموضوع بسبب الميكانيكي التعابان اللي كنت بتعامل معاه الاول ولما ربنا كرمني بميكانيكي بتاع رينو بس اول ما بص على العربية قالي التاكيهات عايزة تتظبط وبالفعل ظبطها على المقاس المضبوط وهو 20 و25 ومن ساعتها موضوع السخونة اصبح ممتاز روح لحد بتاع تاكيهات وقول له على هذا المقاس وجرب ولو عندك الماكينة مش مضبوطة خليه يفتحلك التاكيهات سنة زيادة سنة بسيطة
اما بالنسبة لموضوع الزيت فانا جربت كذا نوع وبصراحية ملقتش زيت ظبط معايا الاداء زي زيت misr1 مصر1 20-50 بصراحة صوت العربية اصبح هادئ اووووي وللامانة زيت توتال بتاع الخمسة الاف كيلو بردو كان بيجيب معايا نتيجة كويسة لكن بصراحة موبيل معجبنيش واعتقد ان افضل لزوجة لزيت الفتيس هي 140 لان الميكانيكي كان نصحني بيه