سؤال لكل اللي انتخبو شفيق ؟؟؟؟؟؟؟

[Elsebily]

طبعا انا فوجئت بالنتائج انا وغيري كتير ومكنتش متخيل اني احمد شفيق يكون له كمية الاصوات دي كلها بس انا نفسي اسال سؤال لكل اللي انتخبوه هو انتو انتخبتوه علي اساس ايه والسؤال مش قصدي بيه اني اضغط علي حريتهم الشخصيه او انتقد تصويتهم لكن هو سؤال للفهم يمكن اقتنع بموقفهم واغير رأيي انا كمان واقول شفيق الافضل بس بجد انا اول ما لقيت اني كمية اللي صوتو لشفيق بالكم ده جالي احساس انا وكل اللي قاعدين زي الاحساس ده بالظبط ومكنتش متخيل اني ارادة الشعب المصري هتخلينا نروح لاعاده بين مرسي وشفيق ونفسي افهم هو الناس ازاي انتخبت مرسي في الوقت اللي شافه فيه نفاق الاخوان وعدم تنفيذهم لوعودهم وغير كل ده وده ازاي اقتنعو ان الدكتور مرسي مع احترامي الكامل ليه يمتلك شخصية رئيس جمهوريه ده انا كنت بتفرج عليه وبنتقد الاخوان في ترشيحهم ليه في الوقت اللي هما محتاجين واحد يحسنلهم صورتهم طيب وازاي شفيق اللي كانت في عهده موقعة الجمل وبعد اما كان كل مؤيديه حزب وطني واللي معروف للجميع انه ضد الثوره اللي حصلت دي من اساسه واللي معروف انه مبارك هو مثله الاعلي واللي لما اتسال عنه قال انه مينفعش الرئيس يكون في موقف زي موقف المحاكمه ده بجد علامات استفهام كتير وحاسس اني بعد النتيجه دي اني دماغي هتنفجر وكل اللي اقدر اقوله بجد حرااااااااااااااااااااااا ام وفي الاخر عامة كلامي ده كنت بفضفض بيه لاني كان نفسي اتكلم واخرج اللي جوايا وعامة بردو احتراما لمبدأ احترام رأي الغير اتمني متكنش فضفضتي دي ضايقت حد من ناخبين حد من الرئيسين الجدد اللي احنا منتظرنهم وفي النهايه كل اللي اقدر اقوله
(ربنا لا تؤاخذنا بمافعله السفهاء منا)

[mr_astra]

لو احمد شفيق بقى رئيس جمهورية ......يبقى تستطيع القول ان الثورة فشلت
بالنسبة لسؤالك لية الناس ادت صوتهم لشفيق
كل اللى كان عاوز مرسي يسقط ادى صوتة لشفيق مش حبا فية ولكن كرها فى مرسي والاخوان وكمان فى فصيل كبير من المجتمع اتشحن دينيا انة يصوت لشفيق زى ما فى الفصيل الاخر اتشحن انة ينتخب مرسي

بالنسبة لى شخصيا انتخبت مرسي فى حين انى مقتنع بالعوا ولكن خوفا منى ان الاصوات تتفتت وشفيق ينجح قلت لالالالالالالا ادى لمرسي عشان يبقى حتى فى مستوى شفيق لانى اتزهلت بالحشد اللى وراء شفيق ومن الحشد دة عرفت ان الحزب الوطنى قائم لم يحل

المشاركة الأصلية كتبت بواسطة mr_astra لو احمد شفيق بقى رئيس جمهورية ......يبقى تستطيع القول ان الثورة فشلت بالنسبة لسؤالك لية الناس ادت صوتهم لشفيق كل اللى كان عاوز مرسي يسقط ادى صوتة لشفيق مش حبا فية ولكن كرها فى مرسي والاخوان وكمان فى فصيل كبير من المجتمع اتشحن دينيا انة يصوت لشفيق زى ما فى الفصيل الاخر اتشحن انة ينتخب مرسي بالنسبة لى شخصيا انتخبت مرسي فى حين انى مقتنع بالعوا ولكن خوفا منى ان الاصوات تتفتت وشفيق ينجح قلت لالالالالالالا ادى لمرسي عشان يبقى حتى فى مستوى شفيق لانى اتزهلت بالحشد اللى وراء شفيق ومن الحشد دة عرفت ان الحزب الوطنى قائم لم يحل

: 010104~171::C ONGRA~238:: loveu:

[memodina1]

انت خايف على شعور الناس اللى انتخبت شفيق
خاف الاول على شعور الامهات اللى اولادها ماتوا ادامهم عشان نجيب رئيس لمصر يصحح حالنا ينقلنا لو شفيق مسك مصر خربت تانى ولو مرسى مسك يبقى كل يوم هنسمع اخبار حلوة بس مفيش غير كدة كل يوم امال واخبار ومفيش اى حاجة هتتعمل اظن فاهمنى
وليا مشاركة تانى بعد الصلاة

[Elsebily]

المشاركة الأصلية كتبت بواسطة memodina1 انت خايف على شعور الناس اللى انتخبت شفيق

مش فكرة خايف علي شعورهم بس انا ماسك نفسي ومش راضي اتكلم كلمه عنهم لاني لو وصفتهم او اتكلمت عنهم هقول الفاظ خارجه كتير فمضطر امشيها احترام منهم لله بقي والله العظيم انا رايح الصلاه وحاسس اني دماغي هتنفجر وماشي مش طايق حد وحاسس اني نفسي اجيب قنبله نوويه واخلص عالبلد دي خالص عشان ارتاح واريح العالم كله من بلد شعبها بيختار اللي قتلوه عشان يبقو رؤسائه وبردو انا هفضل محمل ابو الفتوح وحمدين ذنب انهم مختاروش بينهم رئيس ونائب ودخلو علي انهم واحد حتي لو حد قالي اني ده اسلامي سياسي وده يساري بردو عادي جدا بل بالعكس ده هيكون افيد بان هتكون الكفه موزونه ووالله انا مش قادر اوصف مضايق قد ايه وكل اما اقعد افكر حال البلد هيكون ايه في الاربع سنين اللي هيكونو بتوع حد فيهم احس اني لازم اخلص السنه اللي فضلالي واجهز جواز السفر وامشي وبجد انا حزني النهارده علي الناس اللي في بلدي ميتوصفش ولاول مره احس اني كل نقطة دم نزلت من مصاب او شهيد وكل لحظة تفكير الواحد فكرها في مستقبل البلد دي انها راحت عالفاضي بجد مش عارف اقول ايه ربنا يسامح كل واحد ساهم في اللي احنا وصلنا ليه ده